tgoop.com/amAli30/11761
Last Update:
القصيده وزن فائزي مذيل
الطور علمشرعه العباس صاب السهم عينه
لسان حال السيده زينب عليها السلام عند رجوعها بالاربعين
ــــــــــــــــــــــــــــــــــــــــــــــــــــــ
جيتك كتلني الشوگ،،،،،،،ليش اگطعت بيه
من اليسريحسين ،،،،،،،، چنه الفراگ سنين
شوف شسده اعليه
ـــــــــــــــــــــــــــــــــــــــــــــــــــــ
گعدت وناحت عل گبر يابدر ليلي،،،،،، هدمت حيلي
من فرگتك يابو علي ذايب دليلي،،،،، هدمت
حيلي
حاجيني لو كلمة عتب،، سكن عويلي،،، هدمت حيلي
غصبن عليه امشيت،،،، ودمعاتي مجريه
يحديني الذباح،،،، سب وشتم واصياح
شوف شسده اعليه
ـــــــــــــــــــــــــــ😭ــــــــــــــــــــــــــ
صوبت گلبي بنومتك، نيراني تسري،،،، اگعد يذخري
لا چلمة شلونچ گلت ،، گولي وامري،،، اكعد يذخري
عمة اوليدي ياهلا،،،، رديلي نحري،،،، اكعد يذخري
ونرجع سوه للدار،،،ها ياهوه الريه
وترد اليه الروح،،،،وتداوي بيه اجروح
شوف شسده اعليه
ـــــــــــــــــــــ😭ــــــــــــــــــ
خل اسولفلك علجره،،، من ال اميه،،،وامشي سبيه
ياخويه بحبال اليسر،،،، شدو ايديه،،، وامشي سبيه
وراسك اشوفه اعله الرمح،،، ويحن عليه،، وامشي سبيه
ضربو امتوني بسوط،،، يسبوني ليليه
والقصر من طبيت،،،،وين اخوتي ناديت
شوف شسده عليه
ــــــــــــــــــــــ😭ــــــــــــــــــــــــــــــ
الاشد واصعب من شفت شام المصيبه ،،،، واختك غريبه
نظرة الشامت چن سهم ،،، بگلبي لهيبه،،، واختك غريبه
دگو اطبول من الفرح ،،،، هاي العجيبه،،، واختك غريبه
وانه الاميره هناك ،،، صاحولي مسبيه
بس موتتي تمنيت،،،، صحت العجل ياريت
شوف شسده اعليه
ــــــــــــــــــــــــ😭ـــــــــــــــــــــ
ماناشدتني بالضعن ماكو رقيه،،،، وين البنيه
واحچي الجره فوگ الطشت،، جتها المنيه،، وين البنيه
ونبچي سوه اعله بنيتك ونه شجيه،، وين البنيه
لا ناشدت علحال ،،،، لاگتلي محنيه
فك الگبر بس عاد،،،، وني ابد ماهاد
شوف شسده اعليه
ـــــــــــــــــــــــــــــ😭ــــــــــــــــــــــــــــ
ياوسفه ابو حچي الذهب معدل الدافي ،،، بالترب غافي
ودعتك الله يالاخو نوم العوافي ،،، بالترب غافي
. ظنيت اموت بكربله
وگبرك الدافي ،،، بالترب غافي
ويمك يدفنوني،،،،، والگبه مبنيه
ولمن تجي الزوار،،، نلطم لطمنه حار
شوف شسده اعليه
ــــــــــــــــــــــــــــــــــــــــــــــ
تمت وبعون الله تعالى بقلمي
ام علي البابلي
لااجيز شرعا حذف الاسم
اسالكم الدعاء
من اروع القصائد الحزينه المتنوعه التي تشد العزاء تحصلونه بقناة العبرة الحسينية
https://www.tgoop.com/amAli30
BY قناة العبرة الحسينية
Share with your friend now:
tgoop.com/amAli30/11761