tgoop.com/amAli30/11765
Last Update:
#قصيدة_لأربعين_الحسين
#بدايتها_نعي
تلكاني يخويه ونزل احمولي
من يادرب جيتي خويه كلولي
جبت راسك وياي الشايله خولي
#المستهل 👇🏻👇🏻👇🏻
يـهٰذا الراس جبته وجايه ليك
من درب السبي مغير معانيك
•───✧◐🕊🌻🕊◐✧───•
جبت راسك يخويه وجيت لهنا
ارده لمنحرك ظل مادفنـاه
عله التربان يبن امي تركناه
اكعد لينه واتلكه اضعوني
•───✧◐🕊🌻🕊◐✧───•
اتلكة اضعون اخيتك والفواطم
يصيحن كعدو يااهل العمايم
ردن بالهظـم شبـعن شتايـم
اكعد ياابن امي اتلكانه
•───✧◐🕊🌻🕊◐✧───•
تلكانه اجينه من الخرابات
نريد نزوركم يهل الكلافات
بناتك بالهظم ردن حزينات
يمك رديت اشكي اهمومي
•───✧◐🕊🌻🕊◐✧───•
اشكي الحال اجيت من الخرابه
شحجيلك على الشام ومصابه
وماتت بي رقيه تصيح بابا
بديار الغربه ادفناها
•───✧◐🕊🌻🕊◐✧───•
تكعد لو ارد يحسين حاجيني
مشتاكة واجيتك ياضوه عيني
شلون ارجع لدارك ظلمه تعميني
يادار العز ظلمة خلافه
•───✧◐🕊🌻🕊◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
من اروع القصائد الحزينه المتنوعه التي تشد العزاء تحصلونه بقناة العبرة الحسينية
https://www.tgoop.com/amAli30
BY قناة العبرة الحسينية
Share with your friend now:
tgoop.com/amAli30/11765