tgoop.com/amAli30/11768
Last Update:
حصریا
قصیده ثقیله للخوان{{فرگت الخوان}}
صعبه فرگت الخوان ـــ یروحي ما حملتیهه
ــــــــــ🏴🏴🏴ــــــــــ
یروحي الفارگونه اعزاز ـــ مانحمل نجافیهم
عفناهم عله تربان ــــ و غصبا نعتب اعلیهم
احا یا فیت الخوان ـــ یهدم گلبي طاریهم
ادروب الغربه یا روحي ــ بعد اهلچ مشیتیهه
ــــــــــ🏴🏴🏴ــــــــــ
ولچ یاروحي متعبین ـــ من هاذ الهضم کله
بعد ذاک الدلال الراح ـــ فوگ الناگه نتعله
انمیل اویاها من اتمیل ــ وین ابن امي ونگله
من ضیم الیسر نشکي ــــ والناگه الصعدتیهه
ــــــــــ🏴🏴🏴ــــــــــ
شني الباقيلچ ابدنیاچ ـــ اذا طشر شملنه البین
بعد یا روحي شتحنین ـــ اذا حدر التراب حسین
شتمنه وسبانه ایزید ـــ شعدچ روحي متموتین
الناگه والسبي والسوط ــ اخلاف اهلچ جرعتیهه
ــــــــــ🏴🏴🏴ــــــــــ
زینب یا بعد زینب ـــ ضعنهه رافگ الغربه
المدللها چف عباس ــ طاح وطاحت الجربه
احا یا فرگت الخوان ــ صعبه یاخلگ صعبه
شصبر والصبر ملني ـــ روحي بیش اسلیهه
ــــــــــ🏴🏴🏴ــــــــــ
احیود النامت ابهیمه ــ وسفه مادرت بینه
سبایه ویالغرب رحنه ـــ ابحبل شدوهن ایدینه
هضیمه مخدرات حسین ـــ عگبک من یحامینه
اطفال وحرم بالشام ـــ لهلها من یرد بیها
ــــــــــ🏴🏴🏴ــــــــــ
تمت بعون الله تعالی
کلمات یاسمین الشموسي
نسالکم الدعاء
من اروع القصائد الحزينه المتنوعه التي تشد العزاء تحصلونه بقناة العبرة الحسينية
https://www.tgoop.com/amAli30
BY قناة العبرة الحسينية
Share with your friend now:
tgoop.com/amAli30/11768