tgoop.com/amAli30/11775
Last Update:
قصيده ليوم الاربعين
وزن نصاري
•───✧◐❀◐✧───•
جم يوم وترد اضعون الاحباب
يلگون الحياده جوه الاتـــــراب
محد نهض منهم
وايرد لنزلهـــــــم
جم يوم وترد اضعون الاحباب
•───✧◐❀◐✧───•
جم يوم ويرد ضعن السبيه
ويردن لأراضي الغاضريـــه
يدورن وينهم اهل الحميــه
وصلن كربلايــه
بضعون السبايه
جم يوم وترد اضعون الاحباب
*هديــــــ✍️ــــل المياحيه*
•───✧◐❀◐✧───•
الله يعينهن تعبن امن الجــــور
هظم ومرار من ايام عاشــــور
چم ديوان دخلن لاحمة وسور
ياحال العليهــن
ومتبضع وليهن
چم يوم وترد اضعون الاحباب
*ام احــــــــــــ✍️مد ابو غنيم*
•───✧◐❀◐✧───•
من وصلن لعد گبور اهلهـــــــن
ويلي من التعب والظيم هدهن
ويعتبن ولا واحد سمعهـــــــــن
شلون الحدر الاتراب
يرد الهن العتــــــــاب
جم يوم وترد اضعون الاحباب
*ام محــــــــــ✍️مد الساري*
•───✧◐❀◐✧───•
گـعدنه عالگبر وتـسيل العيـــون
اجينه من سبي ومورمه المتـون
احشمكم ياخوتي ماتگعـــــدون
ياوليان اجينـه
واليوم اعتنينه
جم يوم وترد اضعون الاحباب
*مريــــــــــــ✍️ـــــــــم الحجيمي*
•───✧◐❀◐✧───•
ماسمعوا بجيها ويلي الحنـــــان
مالومه اجت والحيل نحــــــلان
ومن كثر الهظم الـگلب خلصـان
نادت مــا تگعـدون
عن حالي تنشدون
چم يوم وترد اضعون الاحباب
*سهــــــ✍️ـــــام المالكي*
•───✧◐❀◐✧───•
*تمت بعون الله باقلام شاعرات رابطة ذبيح الغاضريه 1 لانجيز حذف الاسماء ونسألكم الدعاء*
✍️✍️✍️✍️✍️
من اروع القصائد الحزينه المتنوعه التي تشد العزاء تحصلونه بقناة العبرة الحسينية
https://www.tgoop.com/amAli30
BY قناة العبرة الحسينية
Share with your friend now:
tgoop.com/amAli30/11775