tgoop.com/amAli30/12211
Last Update:
تجليبه للامام الحسن العسكري ع
ـــــــــــــــــــــــ
لطمه مسنّعه نلطم جماعيه
لجل العسكري لطمه حداديه
....................
لطمه امسنعه لطمي وعينيني
انه ام الحسن هل جيت بونيني
لسامره اجيت وتبجي الج عيني
عهد وتعاهدج شيعه ولائيه
الــ✍ـحاجه ام حسين العسكري
ـــــــــــــــــــــــ
من ارض البقيع اليوم عنايه
السامره اجيت ورافعه الرايه
انه ام الحسن واتگابلي ويايه
لابن الهادي خل انقيم تعزيه
ام ســ✍ــجاد العسكري
ـــــــــــــــــــــــــــــــ
نتگابل سوه ونسوي القرايه
وبالمجلس تصير ام عون ملايه
ونعايه او توشل للنظر مايه
ونرجس بالمصاب العين معميه
✍🏻زمـــــــن حاتـــــم الربيـــعي واســـــــــــــــــــــــــط
ـــــــــــــــــــــــــــــ
نرجس بالمصاب اتعدل الدگه
والمهدي يـون وهذا مـن حگه
مثل العسكري لا ابـد مـا يلگه
واحنـه اليوم لطمتنه فزاعـيه
أم عــ✍🏻ــلــي الـحـلـفـي
ـــــــــــــــــــــ
احنه اليوم لطمتنه ولائيه
لاجل العسكري الغاب وطفه ضيه
نعزي المرتضى گومي يشيعيه
المهدي المنتظر دمعاته مجريه
الــ✍ــحاجه ام احمد الحچامي
ـــــــــــــــــــــــ
ابجي عل گضوا بين القتل والسم
ارش اكبور هم بدموعي وبالهم
كلب الوالده بي الله بس يعلم
ناربكلبي اعله والادي مسريه
ام حـ✍ــسين عباد التميمي
ـــــــــــــــــــــــ
تمت بحمد الله وتوفيقه باقلام شاعرات الملتقى الحسيني لناعيات الطف بتاریخ / 4 / ربيع الاول / ١٤٤٤هـ🌙تحت اشراف الشاعره الحاجه ام حسين العسكري ناصريه يحرم الحذف والتلاعب ونسألكم الدعاء والفاتحه لامواتنا
https://www.tgoop.com/WAiomAill
BY قناة العبرة الحسينية
Share with your friend now:
tgoop.com/amAli30/12211