tgoop.com/amAli30/12220
Last Update:
لطميه للعسكري عليه السلام
المستهل 👇👇
اليوم امن الصبح راحو يغسلونه
والمهدي اعله ابوه ايصبن اعيونه
🩸🩸🩸🩸🩸🩸🩸🩸
يلله يلمغسل كوم للتغسيل
ابو المهدي توفه اوما اله تعطيل
بلديوان كعدو اورتلو ترتيل
رتلو القران اعله الهيبه
🩸🩸🩸🩸🩸🩸🩸🩸
يلمهدي ننوح اليوم كل احنه
مانكدر ابوك انفاركه ابونه
ردناه للمعاجز دوم عز النه
ايفكدونه ياحيف اليوم
🩸🩸🩸🩸🩸🩸🩸🩸
ياحيف الدنيه الزين عالت بي
وسفه من رحل ياحيف ابوالمهدي
اليوم اينوح يم الباب متردي
والوالد بيش ايعوضونه
🩸🩸🩸🩸🩸🩸🩸🩸
المهدي غسله والعين يجريها
اولفه بلجفن وينوح تاليها
يكله اعليك بويه الناس تهديها
ويغسل ويعاتب عوده
🩸🩸🩸🩸🩸🩸🩸🩸
لفه بلجفن ويصيح يايابه
ضلت واكفه بلباب طلابه
يوم المات كله انفجعت احبابه
امصابه اماذينه يلمهدي
🩸🩸🩸🩸🩸🩸🩸🩸
وياكم يمهدي نكتب احنه اعهود
من غيرك ابد ماكو بعد موجود
من ربك هداك اوانته الموعود
للدين امواعد مولانه
🩸🩸🩸🩸🩸🩸🩸🩸
يومك ياحسن يصعب عله الشيعه
انته المعتمد والناس تشييعه
تريد اتشيعه بدموع مسفوحه
ويه ابنه اتشيله العوانه
🩸🩸🩸🩸🩸🩸🩸🩸
يغسل علمغيس بيده مهدينه
خل اروح نبجي اوياه ونعينه
غايب يبو صالح ونته العينه
يايوم انشوفك تحمانه
🩸🩸🩸🩸🩸🩸🩸🩸
تمت بعون الله تعاله
بقلم ✍🏻الشاعره ام تحسين البصره
غير مبري الذمه اليحذف اسم الشاعره وينسب الكلام له
اهدي ثواب القصيده الى روح الشاعره ام تحسين
من اروع القصائد الحزينه المتنوعه التي تشد العزاء تحصلونه بقناة العبرة الحسينية
https://www.tgoop.com/amAli30
BY قناة العبرة الحسينية
Share with your friend now:
tgoop.com/amAli30/12220