tgoop.com/ammaralesawe/715
Last Update:
#ولادة_الامام_الحسن ع
هذا الضوه منين ؟ من بيت الوصي
نور الرسالة الأحمدية .. ابيت الزجيه
. . . . . . . . . . . . . . . . .
شلون مصباح ايتلاله نور اركان الوسيعه
بي صفات النبي الهادي وفرّح اكليب الوديعه
بي صفات الكرم كلها وتنتصر بيه الطليعه
نوره انتشر ارض وفضا
وانفاسه طيب وموعضه
وجهه بسمار المرتضى .. ونفس نظراته البديعه
النسبة جماله يوسف ما وصل
اتخيل . اجه من الله هديه .. ابيت الزجيه
. . . . . . . . . . . . . . . . .
الباري للزهره هداها وشوف شنطاها هديه
زينة الدنيا البنون وبالحسن دنيا زهيه
شلون مولود وصفاته ميزه عن كل البريه
الخالق انطاها اهديته
سيد شباب الجنته
وعالارض نوره ورحمته .. وحطها بيدين الزجيه
ابتسمت المشكاة ومصباح الضوه
ضوّه الثره وضوّه الثريه .. ابيت الزجيه
. . . . . . . . . . . . . . . . .
فرّح كلوب التوالي حيدر ابطلّت ضياءه
وللشرك منتكسه رايه انكسرت ابشوفة بهاءه
وللكرم مشعل توكّد وصار لمضيفه انتماءه
واشتهر حاتم بالزمن
لو ردت اقارن بالثمن
صينيه بمضيف الحسن .. وما يصل خيط ابرداءه
اصل الكرم وين بمضيف الحسن
سفرة مضيفه الهاشميه .. ابيت الزجيه
. . . . . . . . . . . . . . . . .
استبشر القدس ابوجوده وفرحت عيونه الحزينه
ومكه مبتشره تخلي فوك بيت الله زينه
وصارت اعله الارض كلها بيه تتباها المدينه
وصوت البقيع امن اعتله
ابجيت الحسن مية هلا
وقدمت تهاني كربله .. للوصي وبضعة نبينه
وقّع الميثاق من جود وكرم
اصل الكرم عنده سجيه .. ابيت الزجيه
. . . . . . . . . . . . . . . . .
خادم اهل البيت عليهم السلام
عمار العيساوي الكربلائي
BY الشاعر عمار العيساوي الكربلائي
Share with your friend now:
tgoop.com/ammaralesawe/715