tgoop.com/amosh123241383/36976
Last Update:
"ربنا يرزقك الما بيهون عليهو زعلك" ♡
على الرغم من كل اختلافاتنا البشرية، بنرجع ونتفق
على كتير من الطبائع البتفرحنا وكمان البتزعلنا في كتير من الأوقات.
من أكتر الحاجات الموجعة بالنسبة لينا كلنا هي فكرة إنو زعلك في يوم من الأيام يكون "عادي"، وما أظن دي المشكلة!
المشكلة إنو زعلك ببقى عادي عند الناس اللي إنت ما كنت متوقع في يوم من الأيام إنهم يزعلوك..
من النعم الحقيقية في الحياة إنو يكون جنبك زول ما بيهون عليهو زعلك "بغض النظر عن الزول دا منو"
( أب، أم، صاحب، صاحبة، زوج )
نحنا بسيطين شديد، بنحاول دائمًا نكون متواجدين في الوسط البنشوف فيهو إننا ناس "عـُزاز، وغالين"
بنحب نكون مع الناس البتحسسنا بالتمسُك وبتبعد تمامًا من إنها توصل لينا شعور بالإستغناء أو التقليل.
____
حنفضل رغم اختلافاتنا نقول:
(يا رب أرزقنا بالناس الما بيهون عليهم زعلنا)
وبس
وبس والله ♡
BY تـــرانيــم هــوى💜🌸
Share with your friend now:
tgoop.com/amosh123241383/36976