📖 تلقين سورة النصر

⏳المدة: 5:02

🗣️القارئ: عبدالقادر عثمان

#خيركم_من_تعلم_القرآن_وعلمه

‏السائلة تقول : إني أسرح عند تلاوتي لكتاب الله فما أدري ماقرأت هل علي إثم ؟! استمع للإجابة الرائعة التي تشد العزم وتعين على التلاوة بارك الله في الشيخ وفي السائلة التي كانت سبباً لإثارة السؤال الذي كلنا بحاجة إليه خاصة الآن...

● أول خطوة عملية للتدبر: التفسير
● الفرق بين التفسير والتدبر
● التدبر ليس حصريا بالعلماء
● التدبر للجميع كلٌ بحسب علمه


#كيف_أتدبر_القرآن
#ليدبروا
https://www.tgoop.com/GhRoooh/15403

خواطر متدبر❸

♡أهيئ قلبي وروحي لاستقبال كلام ربي♡

بين يدي كلمات ربي يذهل العقل وتخضع الروح ويسلم القلب قياده لعظمة كلماته سبحانه، دون أي مقاومة.. فأي قزم مثلي يضاهي بضآلة فكره ومشاعره عظمة وعلو مافي كلام ربي من حكمة!!
فأنا الفقير الضامئ اللاهث لبصيص نور منه تعالى يهديني في ظلماتي، وأنا المحب المغرم لرسالة محبوبه فأقلبها بين يدي بشغف وأنا منبهر بأنه سبحانه منَّ عليّ وتكرم بتكليمه لي أنا العبد الضئيل.. فيالسعادتي ويالهنائي أنه أذن لي بقراءة كلامه.. ويالعظيم حظي أن ولدتُ عربيا أستطيع قراءة كلمات ربي بسلاسة حين حرم غيري من معرفة هذه اللغة..

كل هذه المشاعر أستحضرها بكثافة والمصحف بين يدي.. فيخفق قلبي بشدة.. ويهتف عقلي: يارب أعني لأفهم مرادك مني، يارب أعني لأتدبر كلماتك على الطريقة التي ترضاها عني.

#خواطر_متدبر
https://www.tgoop.com/GhRoooh/15404

#قصص_الأنبياء(٢)
#السيرة_النبوية
#الحلقة_مائة_وأربعة_وتسعون
#أحداث_السنة_التاسعة_من_الهجرة
#وصول_رسول_الله_لتبوك

اتكلمنا المرة إللي فاتت عن خروج جيش المسلمين باتجاه تبوك،
وفي الوقت ده واحد من الصحابة اسمه أبو خَيْثَمَة من الأنصار كان تخلّف عن الخروج مع رسول الله ﷺ،
مع إنه حضر غزوة أُحد وكل الغزوات من بعد أُحد مع رسول الله ﷺ،
بعد ما عدّى حوالي عشرة أيام على خروج الجيش؛ دخل أبو خَيْثَمَة للبستان بتاعه في يوم كان الجو حر،
فلما دخل البستان لقى زوجتين له كل واحدة قاعدة تحت عريش ورشت مية على العريش وبردت له المية عشان يشرب وجهزت الأكل ومستنيينه ييجي،
والعريش معناه ما يُستظل به، يعني بيتعمل من قوائم خشبية أو حديدية والسقف بتاعه من الخوص أو جريد النخل أو...أو... بحيث إنه يظلل إللي هيقعد تحته،
فالقعدة دي قعدة ملوكي 😅
مية باردة وظل وأكل وزوجتين، هيحتاج إيه أكتر من كده💁‍♂️
لكنه لما شاف المنظر ده قال:
"سبحان الله!
رسول الله ﷺ قد غُفر لهُ ما تقدم من ذنبه وما تأخَّر في الضِّحِّ(يعني الشمس) والريح والحرِّ يحملُ سلاحَهُ على عُنُقهِ وأبو خَيْثَمَة في ظلالٍ باردةٍ،
وطعامٍ مهيّأ، وامرأتين حَسناوينِ، ما هذا بالنَّصَفِ؛
والله لا أدخلُ عريش واحدة منكما ولا أكلمكما حتى ألحق برسول الله ﷺ"
يعني هو بيتعجب من نفسه وبيقول إزاي يعني رسول الله ﷺ إللي ربنا غفر له ما تقدم من ذنبه وما تأخر ومع ذلك خرج في الشمس الشديدة دي وسط الريح والحر وشايل سلاحه على رقبته،
وأنا قاعد في الظل البارد وعندي الأكل جاهز وبين امرأتين جميلتين، ده مش عدل أبدا👌
فقال لهما والله ما هدخل عريش واحدة فيكم ولا هكلمكم حتى ألحق برسول الله ﷺ،
فجهّز راحلته وانطلق فعلا يتبع جيش رسول الله ﷺ إللي كان سابقه بعشرة أيام،
هنسيب أبا خيثمة في الطريق ونروح نشوف جيش المسلمين إللي كان ماشي في الصحراء حصل معاه إيه،
الرحلة بالنسبة للجيش كانت صعبة وطويلة ومتعبة جدا،
وكانوا رضي الله عنهم صابرين،
وكان الزاد معاهم قليل، حتى إن الرجلين والثلاثة كانوا بيقسموا التمرة الواحدة بينهم😶
وكان يتعاقب الرجلان والثلاثة على البعير الواحد، وكانوا بيحوّشوا الماء لأنهم كان صعب جدا يلاقوه،
لدرجة إنهم كانوا يذبحون الإبل عشان يشربوا الماء إللي الإبل مخزناه في بطنها،
الابتلاء كان صعب وشديد جدا😶
هي غزوة تبوك دي عبارة عن سلسلة متواصلة من الابتلاءات، ويُبتلى المرء على قدر دينه👌
والموضوع موقفش لحد كده، ده ربنا ابتلاهم ابتلاء جديد عشان يختبر طاعتهم لأمر رسول الله ﷺ،
لما وصلوا لمنطقة اسمها الحِجر لقوا فيها أبيار ماء كثير فملأوا الأوعية بتاعتهم، وبدأوا يعجنوا بالماء عشان يعملوا خبز يشبعهم بعد جوع طويل،
وكل ده من غير ما رسول الله ﷺ يعرف ومن غير ما يستأذنوه، فلما عرف رسول الله ﷺ؛ قال:
"لا تشربوا من مائِها شيئاً، ولا تتوضأوا منه للصلاة،
وما كان من عجينٍ عجنتمُوه فأعْلفُوه الإبل ولا تأكلوا منه شيئاً"
يعني المية إللي جمعتوها دي كُبّوها ومحدش يشرب منها خالص ولا تتوضوا منها للصلاة وأي عجين عجنتوه بالمية دي
محدش ياكل منه حاجة وخلّوا الإبل هي إللي تاكله👌

☆طيب ليه كل ده😳
منطقة الحِجر دي يا جماعة هي المنطقة إللي كانت بها ديار ثمود قوم صالح عليه السلام،
وقوم صالح دول ربنا أهلكهم في المنطقة دي لما كفروا بربنا وقتلوا الناقة، واحنا اتكلمنا عنهم بالتفصيل في قصص الأنبياء لو تفتكروا🤔
فالماء بتاعهم ده ماء غير مُبارك، فجاء الأمر الصريح والواضح من رسول الله ﷺ إن محدش يستعمل الماء ده خالص👌
وعلّمهم رسول الله ﷺ يعملوا إيه لما يمرّوا على ديار الذين ظلموا أنفسهم،
قال رسول الله ﷺ:
"لَا تَدْخُلُوا مَسَاكِنَ الَّذِينَ ظَلَمُوا أَنْفُسَهُمْ إِلَّا أَنْ تَكُونُوا بَاكِينَ أَنْ يُصِيبَكُمْ مَا أَصَابَهُمْ"
يعني لما تعدوا على مساكن ناس كانوا كفار وربنا أهلكهم تعدوا وانتم خايفين باكين متضرعين لربنا؛ عشان لا يصيبكم ما أصابهم من قسوة القلب، والإعراض، والتولّي عن الدِّين،
ومش المقصود هنا إن ربنا يُنزل العذاب العام زيهم؛
لأن أمة الإسلام لا تُعذب بصفة عامة زي الأمم السابقة👌

◇ممكن حد يقول طيب المية دي ملهاش دعوة باللي هيشرب منها🤷‍♂️
يعني المية بيشرب منها البَرّ والفاجر، وبيشرب منه المؤمن والكافر، والجيش محتاج للماء والطريق صعب،
ده غير كده رسول الله ﷺ لما كان في مكة كان بيشرب عادي من غير ما يسأل هو ده ماء بتاع مسلمين ولّا ماء بتاع كفار،
فإيه المشكلة يعني لما يشربوا منها🤨
شوفوا،
مش كل الأوامر لازم نعرف الحكمة منها إيه، بالعكس ده في بعض الأمور ربنا بيخفي حكمتها عشان يختبر مدى طاعة عباده، وهل همّ بيعبدوا ربنا بحق ولّا بيعبدوا عقلهم والمنطق؟
ماهو في ناس كده😑
مش بتنفذ أوامر ربنا غير لما تعرف الحكمة والهدف من الأمر ده عشان تقتنع وتنفذ😬
فالغرض هنا كان واضح وهو اختبار الطاعة المُطلقة لرسول الله ﷺ في موقف شديد جدا زي ده👌
وشوفوا ربنا بيقول إيه:

"وَمَا كَانَ لِمُؤْمِنٍ وَلا مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلالًا مُبِينًا"
يعني ما دام ربنا أو رسوله ﷺ أمروا بشيء؛ يتنفذ على طول مفيش عندهم أي مجال للاختيار👌
ونجح المسلمون الصادقون في الاختبار ولم يشربوا من ماء ثمود مع شدة حاجتهم له،
ومشيوا من ديار ثمود وبعدها نزل الجيش في مكان في الطريق عشان يريّحوا،
والجو كان حر شديد جدا واشتد عليهم العطش لدرجة إن عمر بن الخطاب رضي الله عنه قال:
"أصابنا فيه عطش حتى ظننا أن رقابنا ستنقطع ..حتى أن حتى أن كان الرجل ليَذهب يلتمس الماء فلا يرجع حتى يظن أن رقبته ستنقطع"
يعني من شدة العطش كانوا حاسين إن رقابهم هتتقطع
فهنا أبو بكر الصديق قال لرسول الله ﷺ:
يا رسول الله!
إن الله قد عَوّدك في الدعاء خيرًا فادع لنا😥
يعني انت كل مرة بتدعي فيها ربنا؛ بيستجيب لك، فادعو لنا،

فقال له رسول الله ﷺ : أتحبّ ذلك؟
قال أبو بكر : نعم.
فرفع رسول الله ﷺ يده ودعا ربنا،
ومجرد ما أنزل إيده ﷺ لقوا السماء أظلمت بسبب السحاب إللي اتجمع ونزل المطر فملأوا الحاجات إللي معاهم وينفع يتخزن فيها مية،
وراحوا يشوفوا كده هل كل المنطقة فيها مطر ولا منطقة معسكرهم بس،
فلقوا إن المطر لم يُجاوِز المعسكر بتاعهم، يعني المطر نزل على معسكر جيش المسلمين بس👌
فكانت دي معجزة من معجزات رسول الله ﷺ، والمعجزة دي زادت المؤمنين إيمانا،
أما المنافقين إللي خرجوا مع رسول الله ﷺ وكملوا معاه في الجيش فلم تؤثر فيه أي معجزة من المعجزات😑

☆هو مش المنافقين والذين في قلوبهم مرض رجعوا للمدينة🤔
أيوة معظم المنافقين والذين في قلوبهم مرض رجعوا للمدينة،لكن في بعض المنافقين كملّوا مع الجيش،
وكان في واحد منهم معروف بالنفاق والصحابة عارفينه، فبعد ما حصلت معجزة المطر دي بعض الصحابة راحوا للمنافق ده وقالوا له:
ويْحَك أبَعد هذا شيء؟
يعني كأنهم بيقولوا أظن بعد ما شفت المعجزة دي قصادك ملكش حجة إنك تفضل على النفاق والمفروض تؤمن برسول الله ﷺ😤
فقال لهم:
سحابة مَارة😒
يعني مفيش معجزة ولا حاجة، ده سحابة كانت معدية فأمطرت، مش حكاية يعني🙄
ناس قلوبها مختوم عليها والعياذ بالله،
مهما هتشوف من آيات ومعجزات واضحة هيطلّعوا لها مبرر بأي طريقة عشان ينكروا المعجزات دي😑
"وَإِن يَرَوْا كُلَّ آيَةٍ لَّا يُؤْمِنُوا بِهَا"

ومش بس الموقف ده إللي حصل مع المنافقين👌
بعد ما سار الجيش باتجاه تبوك ونزلوا يريحوا في الطريق ناقة رسول الله ﷺ ضلّت الطريق،
فخرج أصحاب رسول الله ﷺ يدوّروا عليها،
وكان رسول الله ﷺ قاعد وكان قاعد معاه رجل من أصحابه اسمه عُمَارَة بن حزم، وكان عُمَارَة من السبعين إللي بايعوا بيعة العقبة الثانية، وكان من إللي حضروا غزوة بدر كمان،
يعني مكانته عالية في الإسلام،
وهو قاعد عند رسول الله ﷺ لقى رسول الله ﷺ بيقول:
إن رجلًا قال: هذا محمد يُخبركم أنه نبي ويزعم أنه يخبركم بخبر السماء وهو لا يدري أين ناقته😏
يعني في رجل المنافقين قال: شوفوا محمد بيقول إنه نبي وبيأتيه الخبر من السماء وهو مش عارف حتى فين الناقة بتاعته،
فوضّح رسول الله ﷺ قاعدة مهمة قال:
《 وإني والله ما أعلمُ إلا ما علمني الله》
يعني رسول الله ﷺ لا يعلم الغيب ولا يعلم أي حاجة إلا إللي ربنا بيطلعه عليه👌
وهنا ربنا عرّفه مكان الناقة وقال له إن الناقة موجودة في الوادي من شعب كذا وكذا، الزمام بتاعها اتعلق في شجرة
فمش عارفة تتحرك،
فأمر بعض الصحابة إنهم يروحوا المكان إللي قالهم عليه عشان يجيبوا له الناقة،
وفعلا جابوها ورجعوا لرسول الله ﷺ، كل ده وعُمَارَة بن حزم قاعد عند رسول الله ﷺ،
فلما جاءوا بالناقة رجع عُمَارَة بن حزم لرَحْله،
يعني المكان إللي أصحابه متجمعين فيه وبيمشوا مع بعض كمجموعة يعني وهم مسافرين،
فلما رجع لهم قالهم:
والله لأعجبُ من شيءٍ حدّثناهُ رسول الله ﷺ آنفًا عن مقالةِ قائلٍ أخبرهُ الله عنه كذا وكذا😮
يعني بيقولهم إن حصل شيء عجيب جدا لما كان عند رسول الله ﷺ،
وحكى لهم قصة الرجل إللي قال الكلام وقصة الناقة،
فواحد من إللي كانوا في رَحْل عُمَارَة ومكنش حاضر مجلس رسول الله ﷺ قال لعُمَارَة:
ابن نُصَيب والله قال هذه المقالة قبل أن تأتي🙊
ابن نصيب ده هو يزيد بن نصيب القَيْنَقَاعي، وهو من المنافقين إللي خرجوا مع الجيش وكان طول الطريق ماشي في رَحْل عُمَارَة بن حزم،
فلما سمع عُمَارَة الكلام قام رايح ناحية يزيد المنافق ده ودفعه بكف يده في رقبته وهو يقول:
يا آل عباد الله إن في رَحْلِي لداهيةً وما أشعر😠
أخرج أي عدو الله من رَحْلِي فلا تصحبني😠
يعني:
شوفوا يا ناس! عندي في رَحْلِي داهية ماشي معايا وأنا مش حاسس، امشي من رَحْلِي مش هسافر معاك،
وطبعا معاه حق،
هو مين يقدر يستحمل يصاحب واحد في السفر قال كده على رسول اللهﷺ😑
الناس إللي زي كده بيبقى الحسد والعناد أكل قلوبهم واستنفذوا كل طُرق الإقناع،

ومش هينفع معاهم غير التّرك والبُعد؛ لأن مفيش فايدة منهم خلاص، ومصاحبتهم إهدار لوقت؛ غيرهم أحق بالوقت ده منهم👌

وصل رسول الله ﷺ والجيش لمنطقة تبوك وخيّموا فيها، وبعد ما وصلوا شافوا ظل رجل جاي من بعيد فقال الناس:
هذا راكبٌ على الطريق😮
يعني في واحد ماشي في الطريق جاي ناحيتنا،
فقال رسول الله ﷺ: "كُن أبا خَيْثمةَ"
يعني رسول الله ﷺ يتمنى إن الشخص إللي جاي ده يكون أبو خَيْثمةَ،
فقال الناسُ: هذا أبو خَيْثمةَ👌
وأبو خَيْثمةَ إللي قلنا قصته من شوية من زوجتيه وصل دلوقتي لجيش المسلمين،
فنزل أبو خيثمة من على بعيره واتجه لرسول الله ﷺ فسلّم عليه، فقال رسول الله ﷺ لأبي خَيْثمةَ:
"أَوْلَى لَكَ ياأبا خَيْثَمةَ"
يعني انت كدت تهلك يا أبا خيثمة بسبب تخلّفك عن جيش المسلمين،
فحكى أبو خيثمة لرسول الله ﷺ إللي حصل معاه في المدينة وإنه ترك الظل والماء والطعام ولحق بالجيش، فدعا له رسول الله ﷺ بخير.

إيه ده🤨
هو فين جيش الروم إللي المفروض كان هيقاتل رسول الله ﷺ في المنطقة دي🤔

ده إللي هنعرفه الجزء الجاي إن شاء الله 😊



#Eman_Shalapy

🔈🔈*فقط للتذكير:*

*الحرام لا يُصبح حلالاً*
*بعد أذان المغرب*🚫🚫

*يا صَائما هجر اللَّذائذ قُربة*
*لله أجرك لا أراهُ سيبطئ*
*سَل ماتشاء قبيل فطرك راميا*
*سهم الدعاء فإنه لا يُخطئ*"

لا تنسوا أمّتنا المكلومة من الدعوات..
وكل من له حق علينا 🤍

-مَن دَبَّ إليه الكسل والضعف في ⁧ رمضان، فعليه بكثرة الذكر في الليل والنهار:
‏سبحان الله، والحمد لله، ولا إله إلا الله، والله أكبر.
‏قال ⁧ ابن القيم⁩:
‏"الذكر يعطي الذاكر قوة حتى إنه ليفعل مع الذكر ما لايطيق فعله بدونه".
‏-وليكثر أيضاً من : (لا حول ولا قوة إلا بالله).
‏قال ⁧ ابن تيمية⁩:
‏"ولتكن هجيراه: (لا حول ولا قوة إلا بالله) فإنه بها يحمل الأثقال، ويكابد الأهوال، وينال بها رفيع الأحوال".
‏وقال ابن القيم:
‏"هذه الكلمة لها تأثير عجيب في معالجة الأشغال الصعبة، وتحمل المشاق، والدخول على الملوك، ومن يُخاف، وركوب الأهوال، ولها أيضا تأثير في دفع الفقر".

د. عبدالعزيز الشايع

اللهم صل وسلم وبارك على نبينا محمد وعلى اله وصحبه اجمعين

ليلتكم مباركة✌🏻

اجلس مع أسرتك واختبر معلوماتهم في الجزء السادس من القرآن الكريم.

مع سلسة مسابقات:

♡ليدبروا♡

*(الجزء السادس)*


♧ الجزء السادس اختبار غريب القرآن
https://forms.gle/KrziUCZDAzWndPoh9

الجزء السادس اختبار مسابقة تدبرية
https://forms.gle/aF4ZjQLywgTs9RqT6

اللهم صل على سيدنا محمد وآله الطيبين الطاهرين وأصحابه الغر الميامين ومن تبعهم بإحسان إلى يوم الدين 🌿

*🕌🕌 شفيقة في المسجد 🕌🕌*

*💡💡 أنوار الصيام💡💡*

*💥 نور التوكل 💥*

✨ شفيقة لقت عبده جوزها راجع بدري من الورشة ومهموم 😞 قالت مالك ياخويا كفانا الشر 🤔

✨ عبده قال لها الحال واقف يا شفيقة والورشة من الصبح مشتغلتش فجبت بعضي وجيت 🚶🏾😓

✨ شفيقة قالت له : يعني مجبتش الطلبات اللي قلت لك عليها 😏 هلاقيها منك ولا من إبراهيم ابنك اللي بيشتغل بتراب الفلوس ... خش نام وزي بعضه بكرة تفرج 😕

✨ شفيقة راحت لأم عباس جارتها تشكي لها الحال 🤧

✨ قالت لها ياختي علينا أقساط وجمعيات، ده غير مصاريف الكتب والدروس بتاعت بطة واخواتها الصغيرين 👧🏼👧🏻 📚

✨ وأهو رمضان دخل ومجبناش باقي طلبات البيت .... وشوية ويجي علينا العيد وعايزين مصاريف اللبس والذي منه 💵👗

✨ أم عباس قالت لها : متقلبيش عليا المواجع يا شفيقة 🙆‍♀️ ده رمضان يدخل من هنا ، والواحد يشيل هم كل حاجة فوق راسه من هنا ☹️

✨ أشيل هم الفطار والطبيخ كل يوم، وإشي عزومات لبناتي واجوازهم، ولسة بندفع في باقي أقساط عفش عباس ومصاريف جوازته ... موااال ياختي طويل ملوش آخر 😖
بس تبات نار تصبح رماد خلينا نروح للحاجة إيمان تقول لنا كلمتين يريحوا القلب 💚

✨ فالحاجة إيمان قالت لهم : رمضان شهر الصفاء والسكينة ، فرصة عظيمة نحرر قلوبنا من هموم الدنيا اللي متقلة عليه 🖤

✨ الصيام بيجلي القلب من الشك ويزرع فيه اليقين والراحة *بنور التوكل* على ربنا سبحانه وتعالى الرزاق 💥

✨ لما الواحد بيصوم بيمنع نفسه عن ضروريات الحياة، مش فقر وعجز ولكن طاعة وثقة في ربنا اللي أمره بالصيام وقادر يعينه عليه، واللي منعه من الأكل والشرب قادر يوفيه ويكفيه 👌🏻

قال تعالى : *{وَمَن یَتَّقِ ٱللَّهَ یَجۡعَل لَّهُۥ مَخۡرَجࣰا ( ) وَیَرۡزُقۡهُ مِنۡ حَیۡثُ لَا یَحۡتَسِبُۚ وَمَن یَتَوَكَّلۡ عَلَى ٱللَّهِ فَهُوَ حَسۡبُهُ}*

✨ التوكل على ربنا هو مفتاح الرزق والأمان والطمأنينة 🗝️ لأن اللي بيتوكل على ربنا بيكون في معيته، ومن كان في معية الله فلا خوف عليه أبدا ☝🏻

✨ شفيقة قالت م احنا متوكلين على ربنا أهو، هنعمل إيه يعني⁉️

✨ الحاجة إيمان قالت : التوكل مش مجرد كلمة بتتقال يا شفيقة، ده مقام عظيم من مقامات الإيمان، بيبين قد إيه العبد مرتبط بربه، وعنده ثقة مطلقة في تدبيره، فقلبه يرتاح وميشلش الهم ولا ييأس أبدا ولا ينهار في أي أزمة 👍🏻

✨ لو عدى علينا رمضان بقلب مليان بهموم الدنيا وكل تفكيرنا في الشغل والدراسة والمصاريف، يبقى إزاي هنقدر نستمتع بأيام رمضان الجميلة اللي ممكن منعيشهاش تاني😔

✨ ليه منملاش قلوبنا بنور التوكل على الله ونكون زي الطير اللي بيتوكل على ربنا فيخرج الصبح جعان ويرجع شبعان ومستريح❗

قال رسول الله صلى الله عليه وسلم *"لو أنكم تتوكلون على الله حقَّلو أنكم تتوكلون على الله حقَّ توكُّله ؛ لرزقكم كما يرزق الطيرَ : تغدوا خماصًا وتروح بطانًا "*

✨ ناخد بالأسباب ونسعى ونحسن من نفسنا، ونعمل اللي علينا، من غير تواكل ولا كسل ولا استسلام، لكن معتمدش على الأسباب لوحدها ، ومفكرش إن رزقي بدراعي وبجهدي 💪🏻❌

✨أعلق قلبي برب الأسباب اللي قادر يكفيني ويرزقني ويوفقني للصح ويدبر لي أموري ✅

✨ وكل م تزيد عليا المشاكل أو الهموم أفتكر نور التوكل على الله وأردد *لا حول ولا قوة إلا بالله* وإزاي بيتحل بترديدها من القلب مشاكل كان مستحيل حلها ⭕

✨ قد إيه الإنسان بيرتااااح لما يرمي حموله على اللي خلقه وقادر يحل له مشاكله، وبيحس إنه اتخفف من أعباء الدنيا لما يسلم أمره لله الكريم القادر المعين ويقول : *حسبي الله لا إله إلا هو عليه توكلت وهو رب العرش العظيم* 😊

✨ وناخد بالنا من الذكر العظيم ده اللي بناخد ثواب كبير على ترديده، وأفوض بيه أمري إلى الله القادر على حل مشاكلي
مش زي ماهو منتشر إني أقوله لما ابقى متضايقة من حد وعايزة أنتقم منه❌

✨ شفيقة برقت بعنيها فجأة 😲 فبطة قالت لها في إيه يا ماما ⁉️

✨ قالت لها افتكرت إن أبوكِ نسي يجيب العرقسوس، حسبي الله ونعم الوكيل فيه 😑

مفيش فايدة فيكِ يا شفيقة 😅

#شفيقة_في_المسجد
#سلاسل_شفيقة