tgoop.com/ao_agmk/30314
Last Update:
#Касаба_уюшмалари_куни
Куни кеча Ўзбекистон касаба уюшмалари саройида “11 ноябрь - Ўзбекистон касаба уюшмалари куни” муносабати билан тантанали концерт тадбири бўлиб ўтди.
Тадбирда Ўзбекистон касаба уюшмалари Федерация раҳбарияти, юртимиздаги корхона ва ташкилотларнинг касаба уюшма раислари, жамоатчилик фаоллари, халқаро касаба уюшмалари бирлашмалари ҳамда бир қатор хорижий давлатлар касаба уюшмалари ташкилотлари вакиллари қатнашишди.
Жумладан, тадбирда Олмалиқ кон-металлургия комбинати ишчи-ходимлари ва ходимлар касаба уюшмаси кенгаши вакиллари ҳам иштирок этишди.
Тадбир аввалида Ватан тараққиёти, унинг қудратини юксалтиришда фидойилик қилаётган, Касаба уюшмалари нуфузини ошириш йўлида ўз меҳнати билан бошқаларга намуна бўлаётган бир гурух юртдошларимиз юксак мукофот – “Эҳтиром” нишони билан тақдирландилар.
Қувонарлиси, мукофотланганлар орасида “Олмалиқ КМК” АЖ ходимлари касаба уюшмаси Мис эритиш заводи металлургия цехи механиги, жамоатчилик асосида цех касаба уюшмаси қўмитаси Ҳакимов Қодир Хусанович ҳам бўлиб, ушбу мукофот барчамизни фахрлантиради.
Бугун ОКМК ходимлари касаба уюшмаси Кенгаши масъуллари Қодир Ҳакимовнинг иш жойига бориб, юксак мукофот билан табриклашди.
Тадбирда сўз олган Мис эритиш заводи директори Бахтиёр Ваққосов Қодир Ҳакимовга топширилган ушбу мукофот завод меҳнат жамоасига берилган эътироф эканлигини таъкидлади.
Масъуллар Қодир Ҳакимовга самимий тилакларини билдиришди.
“Олмалиқ КМК” ходимлари касаба уюшмаси кенгаши
