tgoop.com/apsnyYahia/3390
Last Update:
БАДРА ГӘЫНБА АԤСНЫ ЖӘЛАР РАРТИСТКА СОФА АГӘМАА-ԤҲА ЛИУБИЛЕИ ЛЫДИНЫҲӘАЛЕИТ
Аҧсны Аҳәынҭқарра Ахада инапынҵақәа назыгӡо Бадра Гәынба Аҧсны жәлар рартистка Софа Агәмаа-ҧҳа лиубилеи лыдиныҳәалеит.
Адныҳәалараҿы иаҳәоит:
"Ҳаҭыр зқәу Софа Хынтрыгә-иҧҳа!
Гәык-ҧсык ала ишәыдысныҳәалоит шәиубилеи. Шәара шәыҧсҭазаара азышәкит Аҧсуа милаҭтә театртә ҟазара. Акыр шықәса ирылагӡаны С. Ҷанба ихьӡ зху Аҧсуа ҳәынҭқарратә драматә театр асценаҿы иаашәырҧшуаз ахаҿқәа ахәаҧшцәа ргәалашәараҿы иаанхоит. Аҟазара амҩа шәананыла инаркны иахьа уажәраанӡа ишәыцуп жәлар рыбзиабара.
Ирацәоуп ишәылшәыршаз аҟыбаҩ змоу аҿар реиҵааӡараҿы, иахьагьы шәылаҧш рхыуп, асцена агәыбылра рылашәааӡоит.
Ҳаҭыр зқәу Софа Хынтрыгә-иҧҳа, ишәзеиҕьысшьоит агәабзиара, аманшәалара. Шәагымзааит аҧсуа сцена, шәагымзааит Аҧсынра".
Ҳаҭырла,
Аҧсны Аҳәынҭқарра Ахада
инапынҵақәа назыгӡо Б. З. Гәынба.
BY Апсны Иахьа
Share with your friend now:
tgoop.com/apsnyYahia/3390