سلام على آل يس

#_نعي_لرحيل مولاتي_زينب-ع
_
عباس اريده يشيل اجنازتي عباس اريده
يدفني بيده يرد حـك الربه ويدفني بيده
••

عازتها عازه ترى جفوف الاخو عازتها عازه
شيل الجنازه يريد امتون ياشيل الجنازه
••

شيخ العشيرة ايحضرني الزوم ياشيخ العشيره
كلش جبيره يسوي الفاتحه كلش جبيره
••

محتاجه رايه اريدن كافلي ومحتاجه رايه
فوك العبايه يلفني برايته فوگ العبايه
••

مامش كرايب انه بديرة غرب مامش كرايب
وين الحبايب يسون فاتحه ويـن الحبايب
••

تنعه عليه اريــد مـعدله وتنعه عليه
ماتت خطيه تكول بلا اهل ماتت خطيه
••

لحگ يعباس ترى باخر نفس لحگ يعباس
عصابة الراس مالت ياكمر عصابة الراس
••

ياروح موتي شكثر شفتي حزن ياروح موتي
لو يم اخوتي ردت وصلة كبر لو يم اخوتي
••

نعي العجايز وينه الينعه الي نعي العجايز
فوگ الجنايز اذا حنن طبگ فوگ الجنايز
••

من يمته ماتت يهل تنشد عليّ من يمته ماتت
والناكه طاحت من اهد جر الشمر والناكه طاحت
_
🖊️#_الشيخ_حيدر_الحميداوي

فاتحه…
عد صاحب الزمان
نايحه…
يـاغـربـة الـمـكان
يـبجي عليها عـيون
ماتت غريبة ام عون - فاتحه…
_______________1
من بعد ركضة محرم والمخيم ملتهب
من بعد عباس اخوها وساعة الصاحو نهب
للسبي مجتوفه طلعت مللوها من السحب
ماكل السوط بمتنها الهوى يلجمها اليهب

فاحطه…
كافل ضعنها مـات
شايطه…
ركضت ورى البنات
ماضل عليها امتون
ماتت غريبة ام عون - فاتحه…
_______________2
دخلت الشام بحبلها وماتت وبعده الحبل
بالوبر شد راس عمته وما ركد خض الهزل
المهدي ناصب حزن زينب ماتت وعينه تهل
منكب ومايرضه يهجع يطلب الوادم كتل

نايبه…
ومگلبه الـدلال
طايبه…
شيطيب الحبال
شيطيب المطعون!
ماتت غريبة ام عون - فاتحه…
_______________3
للعرب عادة قديمه بحزن لمن تبتلي
للمره ماكو عراضه ولا بيارغ تعتلي
هاي مو حي الله حرمه هاي زينب بت علي
لازم ترف البيارغ والصوارم تصطلي

نارها…
للمهدي تجوي اديه
ثارها…
لا عطوه تجري بيه
عظمى ومحال تهون
ماتت غريبة ام عون - فاتحه…
_______________4
فاتحه المهدي نصبها وتارس الدنيه حزن
الف جادر. تسمع ميه. بعدد طگات المتن
عالغريبة بگلبه حركه حافر ويطحن طحن
المهدي آهه بكد سمى الله على زينب من يون

حالته…
مـتكدر ومـريــض
شامته…
بدمع الحزن تفيض
من دم بجه ومحزون
ماتت غريبة ام عون - فاتحه…
_______________5
الحجة دكتور العقيلة وكتب تقرير الهجر
سبب موت اختك يكافل طبة السوك الظهر
فوگ ناكه وعرجه تضلع وركض الناكه الشمر
وطاحت ابين الطوايف خـدر حماي الخدر

طايحه…
من جروا الهزيل
صايحه…
يـــا عازة الكفيل
والـوادم ايــشتمون
ماتت غريبة ام عون - فاتحه…
____________
🖊️#_الشيخ_حيدر_الحميداوي

الليلة - النجف الاشرف / خان النص

من غربة العقلية زينب الى غربة موسى بن جعفر
نلتقي على ضفاف الحزن والاسى نعزي بذلك قلب صاحب الزمان-عج-
_
برعاية كريمة من العتبة العسكرية المقدسة-ع- في خدمة اهلنا في محافظة ديالى / الخالص السندية

*ينقل النوبختي في فرق الشيعة ص٧٢ : إنّ الإمام موسى بن جعفر عليهما السلام أوصى إبنه الرضا أن يدفنه بقيوده*

أقول :

فما حال الإمام الرضا "ع" عندما أراد أن يطبّق هذه الوصية ، و كأني به :

*🔻(مجاريد) :*

‌‎يويلي اشگد مَرار اْو ظيم لاگه
‌‎و أفصّل محْنِته ماليش طاگه
‌‎حِنه ظهري الأبو ابساعة افراگه
‌‎صايم مات ما بلّل ارياگه
او نعشه انشال و اتطوِّگه اطواگه
اْو صارت دفنته او گيده اعله ساگه

__

*ميرزا عادل أشكناني*

#_نعي
لسان حال مولاتي السيدة المعصومة
___
ويـــن الفاجده الـويـاي تنعه
ابوي اعلى الجسر ونريد فزعـه
يشيلونه الهواشم واحنه نسـعه
وراهــم والجفن سيال دمـعه
الـف كـون الهواشم والـف ربعه
يـكـون الـفاتحـه اعـوام سبعه
••
ويـــن الـفـاجــده التتوزر اوزار
ذيج النادره ام كلب الحزين الحار
نكعد عالجسر ونصيح يهل الثار
الكاظم مات ونهل الدموع اعبار
صــار بهلي الما كبل صـار ودار
لـو مذبوح لو مسموم گلبه النار
••
ويـــن الفاجده و ام كلب ذايـب
تواسيني بدمعها اعلى المصايب
ابوي المات فزعن يـل حبايب
مات وما جرح مـن عنده طايب
تساعـدنـي نـخـيـت البلخرايــب
الماتت والرمش لحسين شايب
••
ابــوي بـحزنه كـل الجسـد - عماه
كـسر كـلبي ورجــع للشوف - عماه
صحت يم عون لحكي بساع - عمه
احسبيني ضعت بالغاضريه
_
🖊️ #_الشيخ_حيدر_الحميداوي

قال الإمام موسى بن جعفر (عليه السلام)
( المؤمن مثل كفتي الميزان كلما زيد في أيمانه زيد في بلائه )
•
بحار الانوار ج78 ص320
_____
بذكرى شهادة الطيبين بن الطيبين موسى بن جعفر سنكون في خدمة الاحبة / البصرة - جامع الدير الكبير

كمر كمر خارق جماله
كمر كمر شيخ الكفاله
__________1
ياحلاة عيونه وامتونه يشبه عـلــي
شالته العلويه يشع ضيه ابن الولي
ما يشبهه بنادم بالعالم شكد ازلي

شبل الاسد هوه - بـيه طلگت اللبوه
راضع وفه وخوه - الكال اسمه يتروه

بشر بشر ماكو بصفاته
بشر بشر روحه بخواته
__________2
وشحلات الحاجب والشارب زلمة حرب
يــاغزارة علمه ويافهمه مــا يـنـغـلب
شارته بريشاته. بنظراته راحــه ورعـــب

سلم وحرب عينه - جن هيبة حسينه
صمصامه بيمينه - ورد وندى اجبينه

فخر فخر زينب تضمه
فخر فخر ويكلها يمه
__________3
جابته البدويه النشميه والله ونعم
ما تكمط عمره جي حره روح الشهم
زينب من اتشيله تناغيله توصله النجم

باليقضه واحلامه - ينشد على اخيامه
بعلو النجم هامه - بخده الكمر شامه

عبر عبر لاح السمـاوات
عبر عبر عد فاطمه يبات
__________4
صورته نكابلها ونكلها ادخيل الجرح
جرحه فوگ الحاجب ماطايب ينزف ملح
شوفته القدسية عيديه هلال وصبح

بالصوره ونهابه - حسبة علي احسابه
باب الكرم بـابه - الـدنـگ عـلى اعتابه

كبر كبر كلش مقامه
كبر كبر يرفعله هامه
__________5
كعبه زينب عنده من مهده الها يحن
زينب تحب جفه وتلفه بذاك الحضن
تكله مثل اوليدي ياعيدي ام وابن

مربيته هل حرمه - ام وابن همه
كبل امـه هي امه - من الحاسد تضمه

صور صور يرسمها جفه
صور صور للـعـفه وفــه
_____
🖊️#_الشيخ_حيدر_الحميداوي

في السابع عشر من شهر شعبان تولد عزيزة الحسين وشبيهة الزهراء مولاتي السيدة رقية وهذه قصيدتي القاصرة لها ♥️

__
رقـيـة الـحسيـن
حنينه بـت حنين
نورت نورت - من اجت من اجت
__________1
فرحة حسين شكبرها بهل مسيه
صــارت ابنيته الحنينه الهاشميه
كال اسمها فاطمه وروحي ورقيه
شكرا لــرب الجمال اعلى الهديه

ملامح امي هـاي
شوفة وجها ماي
بشرت بشرت - من اجت من اجت
___________2
اذن حسين بإذنها وجان اذانه
اشــهـدُ ان امـامـج هــو آنــه
واشهدُ ان ابو فاضل فَي حمانه
واشهدُ ان العقيلة شم هوانــه

يـبنيتي يـا مناي
يا امي يا ضناي
شرفت شرفت - من اجت من اجت
__________3
شالها بحضنه الكفيل وضل يشمها
وكال اسمها يخبل شمحلات اسمها
عيني مـاشافت كبل دره بـرسـمها
وجـابها وخلاها يـم كلبه ويـضـمها

نبضه بكلب كفيل
صارت دوه العليل
طيبت طيبت - من اجت من اجت
__________4
ابـو فـاضل شالها لزينب خـذتها
بسم قـالــع بـاب خيبر عـوذتـها
عـــادت الينولد تـواً فـي وقـتـها
صعب يضحك لجن زينب ضحكتها

ناغتها. بــت اخوي
يحفضج علي ابوي
يابخت يابخت - من اجت من اجت
__________5
يم مهدها يساهر حسين الليالي
غالي والباري هداله اكليب غالي
يصلي كام الليل يمها ذو المعالي
يقرا سورة ( أَلَمْ نَشْرَحْ ) يادلالي

يـتـأمـل الـخصـال
صافن على الجمال
شعشعت شعشعت - من اجت من اجت
___
🖊️#_الشيخ_حيدر_الحميداوي

علي الاكبر مو جبيرة اسنينك
علي - يا- اكبر بعين احسينك
ياعليُ - ياعليُ - ياعليْ
__________________________
انتَ خَلقاً خُلقاً. بل منطقا
شَبهُ الهادي الرسولِ الصادقا
فركتك اسنونك عليه
تدعي جنك ذيج اديه
نسخة منه وكلشي بيه
ولكَ السبطُ كثيرا عاشقـا

كامل ومامش نقوص تشينك
علي - يا- اكبر بعين احسينك
ياعليُ - ياعليُ - ياعليْ
__________________________
فأذا اشتاقَ حسينٌ للعلا
جدهُ ، قامَ وأكبر قبلا
يشمه حيل ابن البتول
يكله عطرك بيه رسول
ويابعد شيبي يكول
لم يَدَعكَ الله ابداً ما قلى

دين ابو الزهره محمد دينك
علي - يا- اكبر بعين احسينك
ياعليُ - ياعليُ - ياعليْ
__________________________
عاذهْ من حاسدٍ من شامتا
ولهُ. اكبرُ روحي ناعتا
يكله يا شمة هواي
يانجم سعدي وضواي
يا الم كلبي ودواي
وبكَ الوصفُ لساناً صامتا

والشمس مصدرها نور اجبينك
علي - يا - اكبر بعين احسينك
ياعليُ - ياعليُ - ياعليْ
__________________________
حاجبُ العينينِ. صعبٌ وصفهُ
أخجلَ النخلَ واحنى سعفهُ
يتيه صبح الله بضواه
الجنة تتنفس هواه
تكول طه من كفاه
من شذى الازهارِ صِيغَ أنفهُ

ربـــك يكلك عـلي وشزينك
علي - يا- اكبر بعين احسينك
ياعليُ - ياعليُ - ياعليْ
__________________________
لو بمصرَ الشابُ هذا يظهرا؟
يوسفُ والنسوة جمعاً يُبهرا
ويوسف يكصص اديه
الاكبر ويدخل عليه
لن محمد كله بيه
وجهُـهُ للحُسنِ سوى معبرا

يحير يوسف يم كحل البعينك
علي - يا- اكبر بعين احسينك
ياعليُ - ياعليُ - ياعليْ
_______________
🖊️#_الشيخ_حيدر_الحميداوي

#_قصيدة -8
__
رقـيـة الـحسيـن
حنينه بـت حنين
نورت نورت - من اجت من اجت
__________1
فرحة حسين شكبرها بهل مسيه
صــارت ابنيته الحنينه الهاشميه
كال اسمها فاطمه وروحي ورقيه
شكرا لــرب الجمال اعلى الهديه

ملامح امي هـاي
شوفة وجها ماي
بشرت بشرت - من اجت من اجت
___________2
اذن حسين بإذنها وجان اذانه
اشــهـدُ ان امـامـج هــو آنــه
واشهدُ ان ابو فاضل فَي حمانه
واشهدُ ان العقيلة شم هوانــه

يـبنيتي يـا مناي
يا امي يا ضناي
شرفت شرفت - من اجت من اجت
__________3
شالها بحضنه الكفيل وضل يشمها
وكال اسمها يخبل شمحلات اسمها
عيني مـاشافت كبل دره بـرسـمها
وجـابها وخلاها يـم كلبه ويـضـمها

نبضه بكلب كفيل
صارت دوه العليل
طيبت طيبت - من اجت من اجت
__________4
ابـو فـاضل شالها لزينب خـذتها
بسم قـالــع بـاب خيبر عـوذتـها
عـــادت الينولد تـواً فـي وقـتـها
صعب يضحك لجن زينب ضحكتها

ناغتها. بــت اخوي
يحفضج علي ابوي
يابخت يابخت - من اجت من اجت
__________5
يم مهدها يساهر حسين الليالي
غالي والباري هداله اكليب غالي
يصلي كام الليل يمها ذو المعالي
يقرا سورة ( أَلَمْ نَشْرَحْ ) يادلالي

يـتـأمـل الـخصـال
صافن على الجمال
شعشعت شعشعت - من اجت من اجت
___
🖊️#_الشيخ_حيدر_الحميداوي

#_مهدويات -37
____________________1
الشيخ حيدر الحميداوي
•
إلك شايل محنه ماكله ضلوعي
إلك سويت - يم - بجاري دموعي
إلك عايش وقف بالدنيه يامولاي
حرام بدون ذكرك يخلص اسبوعي
____________________2
عمار هليل الواسطي
•
إلك شايل محنّه وشوگ يالغايب
منهن دمعي وشّــل والگلب ذايب
بحسرة وينك إنته الحيره وسط الروح
ولا أدري الزمن بفراگك اشجايب
____________________3
ابو محسن المشكوري
•
الك شايل محنه مغركه الدلال
وهيه الربح عندي وهيه راس المال
غالي وبس الك جلمة الغالي تلوك
والغيرك نشاز اتصير من تنكال
____________________4
مهدي التقي
•
إلك شايل مَحَنّه بگد حنان أمي
ويَمْ سرداب بيتك أنْسَه حتّه إسمي
من آخر سفير لهسّه أدوْر إعليك
يمته أتعود ؟ آنه أستاهْدَك يمي
____________________5
علي هادي الخزعلي
•
الك شايل محنة اتصفن ام النوگ
و ايام الاسبوع احبال عالمخنوگ
يبوصالح خنگتي اعليك تشبه حيل
طفل توه حلى والهسه ما مشبوگ
____________________6
علي الشملاوي
•
الك شايل محنه هدلت حيلي
ابجي عليك ناس البجي تبجيلي
تعال بداعت العصروها خلف الباب
اكولن هسه يرجع مانمت ليلي
___________________7
كريم الدراجي
•
الك شايل حزن بس حزنك شكبرة
وداعت شامتك وعيونك الخضرة
اعله گد جروح گلبك ثوبينة دموع
بكد بيت الاحزان و شوغة الزهرة
____________________8
المرحوم الشيخ احمد الشامي
•
الك شايل محنه وشوگ يالغايب
يالعمرك چبير وشاب مو شايب
من تظهر واكحل بشوفتك عيناي
گلبي ينتعش لبفرگتك ذايب

من اجمل واغنى المصادر
( المهدوية الخاتمة )
لاستاذنا السيد ضياء السيد عدنان الخباز

من ارقى الكتب ( المعارف المهدوية )
الاستاذ العارف العالم - سماحة الشيخ علي الدهنين