Կանադան ԱՄՆ 51-րդ նահանգ դարձնելու իր սկանդալային առաջարկի ֆոնին Դոնալդ Թրամփը հրապարակել է ԱՄՆ-ի քարտեզը, որտեղ ներառված է նաև Կանադան։

Կանադայի վարչապետ Ջասթին Թրյուդոն, որն արդեն հայտարարել է հրաժարական տալու մասին, բացառել է ԱՄՆ-ին իր երկրի միանալու հնարավորությունը:

«Ոչ մի դեպքում, Կանադան չի դառնա Միացյալ Նահանգների մի մասը», —X-ում գրել է Թրյուդոն:

@ArmeniaSputnik

Փաշինյանը լավ նվերներ է ստացել Մոսկվայում Եվրասիական միջկառավարական խորհրդի նիստում. ամենաթանկը ՌԴ վարչապետի նվերն է եղել

Միշուստինը Փաշինյանին նվիրել է 6 անձի համար նախատեսված «Ձմեռային հեքիաթ» սպասք՝ 1 600 դոլար արժողությամբ, գրում է «Ժողովուրդը»։ Հավաքածուն Կայսերական ճենապակու գործարանի հայտնի նկարիչ Ալեքսեյ Վորոբյովսկու նկարներով է։

Ուզբեկստանի իր գործընկեր Աբդուլլա Արիպովից ՀՀ վարչապետը ստացել է Իչան-Կալայի` արույրի վրա արված փորագրությունը (1,5 հազար դոլար), իսկ Ղրղզստանի կառավարության ղեկավարից՝ Խոր-Վիրապ վանքը պատկերող նկարը (200 դոլար արժողությամբ):

Թե ինչ է տվել անձամբ Փաշինյանը գործընկերներին, հայտնի չէ։

@ArmeniaSputnik

Հայաստանի ԱԳՆ–ն ցավակցություն է հայտնել Չինաստանին՝ Տիբեթում տեղի ունեցած երկրաշարժի կապակցությամբ

Երեկ տեղի ունեցած երկրաշարժի զոհերի թիվը հասել է 126-ի, տուժել է առնվազն 188 մարդ, վնասվել է ավելի քան հազար շինություն։

@ArmeniaSputnik

Գլխավոր դատախազությունը պահանջում է Վանաձորի նախկին ղեկավար Սամվել Դարբինյանից (քաղաքապետ է եղել 1999–2006թթ. ) բռնագանձել 7 անշարժ գույք, 165 միլիոն դրամ

•3 անշարժ գույք Երևան քաղաքում, 4 անշարժ գույք Վանաձոր քաղաքում
•1 տրանսպորտային միջոց
•3 իրավաբանական անձանցում մասնակցություններ
•165 միլիոն 664 հազար դրամ՝ որպես ապօրինի եկամտի մնացորդի և օրինական եկամուտներով չհիմնավորվող՝ բարեխիղճ երրորդ անձանց փոխանցված դրամական միջոցների հանրագումար:

@ArmeniaSputnik

Կարեն Գիլոյանն այլևս ԿԳՄՍ նախարարի՝ սպորտի գծով տեղակալը չէ, ասուլիսին ասաց նախարար Ժաննա Անդրեասյանը։

Նա նաև հավելեց, որ իր մարդկային հարաբերությունները Գիլոյանի հետ շարունակում են մնալ նորմալ։

@ArmeniaSputnik

Սնուպ Դոգի համերգը չի կայանա

Իսկ գումարը, հավանաբար, կվերադարձվի պետական բյուջե։ ԿԳՄՍ նախարար Ժաննա Անդրեասյանն ասուլիսին ասաց, որ գրությամբ դիմել են համերգը կազմակերպող ընկերությանը, որպեսզի ամբողջ գումարը վերադարձվի պետական բյուջե, ինչպես նախատեսված էր պայմանագրով։

@ArmeniaSputnik

Թերևս Բաքուն փորձում է տարածաշրջանում էսկալացիայի լեգիտիմություն ձևավորել. Նիկոլ Փաշինյանն «Արմենպրեսի» խնդրանքով արձագանքել է Իլհամ Ալիևի երեկվա հայտարարություններին

▪️Արվում են ագրեսիվ հայտարարություններ՝ հաշվարկով, թե Երևանից կհնչեն ագրեսիվ պատասխաններ, ինչը Բաքվին հնարավորություն կտա ավելի ագրեսիվացնել սեփական հայտարարությունները: Մենք չենք գնալու այս ճանապարհով, հավատարիմ ենք մնալու խաղաղության ռազմավարությանը և հետևողականորեն շարունակելու ենք խաղաղության օրակարգի իրագործումը:

▪️Ալիևը Հայաստանին մեղադրում է ֆաշիստական պետություն լինելու մեջ: Հաշվարկն այն է, որ արձագանքը կլինի՝ ֆաշիստը դու ես, և իմ նկարագրած գալարը կսկսի լարվել: Բայց կա մյուս մոտեցումը. արձանագրենք, որ Ադրբեջանում Հայաստանի մասին այսպիսի ընկալում կա և փորձենք հասկանալ, թե ի՞նչն է դրա պատճառը: Մյուս կողմից ակնհայտ է, որ ՀՀ–ում նույնպես նման ընկալում կա Ադրբեջանի մասին: Հենց փոխադարձ այս ընկալումներն են, որ բերել են բազմամյա հակամարտության:

▪️Ադրբեջանի նախագահը կրկին խոսել է միջանցքի մասին։ ՀՀ–ն սեղանին է դրել «Խաղաղության խաչմերուկ» նախագիծը և պատրաստվում է այն իրագործել. մեր օրակարգում այլ նախագիծ չկա: Մենք Երասխ-Սադարակ-Օրդուբադ-Մեղրի-Զանգելան երկաթուղին բացելու շատ կոնկրետ առաջարկ ենք արել Ադրբեջանին:

@ArmeniaSputnik

Իրանի ազգային անվտանգության բարձրագույն խորհրդի քարտուղարը մեկնել է Բաքու։ Այնուհետև նա Երևան կայցելելի։

Իրանական ԶԼՄ–ները գրում են, որ Ալի Աքբար Ահմադիանը մտադիր է քաղաքականության և անվտանգության ոլորտում համագործակցելու հարցեր քննարկել գործընկերների հետ։

@ArmeniaSputnik

Իլոն Մասկը Ջասթին Թրյուդոյին «աղջիկ» է անվանել։

Այսպես է ձեռնարկատերն արձագանքել Կանադայի վարչապետի (արդեն հայտարարել է իր հրաժարականի մասին) այն հայտարարությանը, թե իր երկիրը երբեք չի դառնա ԱՄՆ-ի մաս։

«Աղջիկ, դու այլևս Կանադայի նահանգապետը չես, ուստի կարևոր չէ, թե ինչ ես ասում», - գրել է Մասկը X սոցիալական ցանցում:

@ArmeniaSputnik

Արթուր Մելիքյանն ազատվել է ՀՀ քննչական կոմիտեի նախագահի տեղակալ-հատկապես կարևոր գործերի քննության գլխավոր վարչության պետի պաշտոնից: Նրա փոխարեն Փաշինյանը նշանակվել է Վազգեն Ավետիսյանին։

Մելիքյանը նշանակվել էր 2019 թվականի դեկտեմբերի 20-ին։

@ArmeniaSputnik

❗️Կա ընկալում ինչպես և որտեղ շարունակել սահմանազատումը, ասուլիսին ասաց ՀՀ ԱԳ նախարար Արարատ Միրզոյանը։

Նա փակագծերը չբացեց։

@ArmeniaSputnik

ՀՀ–ն չի ուզում լինել պատնեշ Ադրբեջանի և Թուրքիայի համար. Արարատ Միրզոյանը այսպես պատասխանեց Ալիևի սպառնալիքին, թե թող հայերը չխանգարեն մեզ, չդառնան աշխարհագրական խոչընդոտ ու պատնեշ Թուրքիայի և Ադրբեջանի միջև

«Մենք ուզում ենք լինել ոչ թե պատնեշ, այլ կամուրջ հարևան երկրների միջև, մենք ոչ թե ուզում ենք սեպ լինել, այլ կապող օղակ»։

@ArmeniaSputnik

Ռուսական ռազմաբազան Հայաստանից դուրս բերելու հարց օրակարգում այս պահին չկա․ Միրզոյան

📌Եթե Թուրքիայի հետ լինի գործող բաց սահման, եթե երկու երկրների միջև լինի բարձր վստահություն, հնարավոր է՝ դիտարկվի և քննարկվի նաև հայ-թուրքական սահմանից ռուս սահմանապահներին կրճատելու հարցը, ասուլիսի ժամանակ ասաց ՀՀ արտաքին գործերի նախարար Արարատ Միրզոյանը։

@ArmeniaSputnik