tgoop.com/arxeologiyauz/9420
Last Update:
Таниқли академик Сулаймон Иноятов вафот этди
У Отаулла Хўжаевнинг невараси, Файзулла Хўжаевнинг жиян невараси эди.
Бухоро давлат университети профессори, тарих фанлари доктори ва Ўзбекистон Турон фанлар академияси академиги ва "Дўстлик" ордени соҳиби Сулаймон Иноятов бугун 86 ёшида вафот этди.
У Отаулла Хўжаевнинг невараси, Файзулла Хўжаевнинг жиян невараси эди. Иноятов 1938 йил 12 март куни Бухорода Иноятхўжа Атоуллаев (1890-1987) ва Супия Иноятова (1900-1983) оиласида туғилган. Оиланинг келиб чиқиши Бухородаги машҳур Хўжаевлар сулоласига бориб тақалади.
Сулаймон Иноятов 1956-1961-йилларда Бухоро давлат педагогика институтида тарих-филология факултетини тамомлаган. 1966-1969 йилларда Алишер Навоий номидаги Самарқанд давлат университетида аспирантура йўналишида ўқиб, 1969 йил 9 октябрда Тошкент давлат университети тарих факултетидаги Илмий кенгашда тарих фанлари номзоди илмий даражасини олиш учун диссертация ёқлаган.
Олим ўз номзодлик диссертациясида Ўзбекистон қишлоқ хўжалигида 1929-1934 йиллари амалга оширилган коллективлаштириш жараёнида партия-совет матбуотининг ўрнини таҳлил қилиб берган. Шу билан бирга Сулаймон Иноятов "Меҳнаткорларни байналмилаллик руҳида тарбиялашда матбуотнинг ўрни" (Ўрта Осиё республикалари мисолида. 1961—1985) номли илмий ишини ёқлаган.
Сулаймомн Иноятов 1969-1982 йилларда Бухоро давлат педагогика институтида дарс беришдан ташқари декан муовини ва декан лавозимларида ишлаб келган. 1982-1984 йилларда катта илмий ходим лавозимида фаолият кўрсатиш билан бирга докторлик диссертацияси устида ишлаган. 1984-1989 йилларда шу институтда кафедра мудири, 1989-1992 йилларда илмий ишлар бўйича проректор, 1992-1995 йилларда тарих факултети декани лавозимларида фаолият кўрсатган.
https://telegra.ph/Tani%D2%9Bli-akademik-Sulajmon-Inoyatov-vafot-ehtdi-11-19
BY Arxeologiyauz
Share with your friend now:
tgoop.com/arxeologiyauz/9420