tgoop.com/asansir_ala_aljana/4904
Last Update:
لازم تستعد قبل رمضان لازم جدول عملي تمشي عليه من غير جدول عبادات ثابت هتضيع و هيضيع منك رمضان.
هيضيع منك شهر الرحمات والبركات ، هيضيع منك شهر المغفرة وشهر العتق من النار لازم تفوق قبل رمضان.
جدول عملي في شعبان للاستعداد لرمضان.
ثبت صلواتك في وقتها ، توضأ واستعد من قبل الأذان خلاص الأذان أذّن أنت متعرفش حد.
قيام الليل ، قيام الليل فضله كبير جدًا ده ولو واظبت عليه هتشوف الخير كله ، دعواته بتحقق المعجزات والله ، ابدأ صلي قيام الليل ولو بركعتين وحافظ عليه.
صلاة الضحى ، معادها من بعد شروق الشمس ب تلت ساعه لحد قبل الظهر ب تلت ساعه ، صلي ركعتين وهيتكتب في ميزان حسناتك ثواب 360 صدقة.
ورد القرآن ، شهر رمضان ده الشهر اللي نزل فيه القرآن وده الشهر اللي بترجع فيه الأمة للقرآن ، وسبب نزول القرآن ليكون هدى للناس ويهديهم لطريق مستقيم وطريق الخير ، ابدأ بصفحتين ع الاقل كل يوم او حسب ما تقدر.
ورد الذكر ، أنت متخيل يعني إيه لما تقول سبحان الله وبحمده مره يبقي ليك نخلة في الجنة.
أنت متخيل لما تصلي علي النبي هيروح ملك للنبي ويقول له فلان بن فلان بيصلي عليك والنبي يرد عليك السلام.
السنن ، 12 ركعة يوميآ تصليهم هتاخد بيت في الجنة.
2 قبل الفجر
4 قبل الظهر اتنين وتسلم واتنين وتسلم
بعد الظهر اتنين
بعد المغرب اتنين
بعد العشاء اتنين
الدعاء ، متبطلش تدعي هيستجيب وهيراضيك.
الصدقة ربنا هيفتحلك أبواب الخير والرزق كلها والله ، اتصدق حتي لو بمبلغ قليل جدا.
لازم تشحن قلبك من دلوقتي لرمضان.
#علي_زهيري
BY أسانسير إلي الجنة 💛
Share with your friend now:
tgoop.com/asansir_ala_aljana/4904