☽︎💙 شهادة ثانويه علمي 💙☾︎

ساعات تفصلنا على أول امتحان ليكم في ناس متوتره وناس خايفه وناس مرتاحه وناس مشوشه وناس راهبه الامتحان وناس تراجي فيه بالساعه والدقيقه نحب نقوللكم كل هالشعور اللي تحسو بيه طبيعي جداً وفوق من الطبيعي لأن هذا امتحان مصيري وعلى ضوءه بيحدد مصيركم الجامعي 📜🏬
بس تعال فكر معاي شويه توا هوا صح امتحان بس هل هذا الامتحان لبينهي حياتك طبعاً لا هل هذا الامتحان هوا امتحان آخره طبعاً لا خلاص معناها نخفف من التوتر شويه نخفف من الخوف نذكر انه هوا عبارة عن ايام وبيفوتو زي اي ايام بحلوهم وبمرهم نفكر كيف نخليهم يفوتو واني فرحان😎
فوت اي شي يلهيك علي قرايتك في هالأسبوعين أو التلاته هادم راجع بكل جهدك حل أسئلة سنوات قد ماتقدر وكل ماتفشل اذكر إنهم ايام وبتفخر بإنجازهم لسنين القدام جهز روحك باش تخش الامتحان بأعلى معنويات لأنهم شي مهم جداً في الامتحانات كول كويس وارقد كويس 😴
رد بالك ترهق نفسك ارقد اقل حاجه 4 ساعات باش الذماغ يرتاح اقرأ بتركيز ان شاء الله حتى تقرأ صفحه وبتركيز خير من عشره ومن غير تركيز ورد بالك تسمع كلام حد يحبطك وينزل من قيمتك ولا اللي يقولك ره ماتقدرهاش مافيش انسان يحط شي معين في راسه ومايقدراش كله بتوفيق من الله وبتوكل عليه وشوية جهد منك توصل 💪🏻
فكر في عيلتك اللي حاطين كل أملهم فيك فكر في يوم النتيجه كيف بوك بيفخر بيك قدام الناس ولا فرحة امك لما تقول ولدي نجح أو بنتي نجحت والدمعه في عينها 🥺فكر في فرحتهم وفخرهم بيك هما توا يراجو في ثمار اللي زرعوه من سنين 👨‍👩‍👦
فكر في ختام ال12 سنه وكيف تختمه بحاجه حلوه ره هادم الايام من أجمل الذكريات اللي بينحفرو في الذاكره متعكم بتعبهم وسهرهم وحلوهم ومرهم 🔥
وانتم قدها ماتخافوش وماتتوتروش هادم ايام جني ثمار اللي زرعتوه موفقين وربي يفتحها قدامكم ويفرحكم وينور دربكم وان شاء الله كل يوم تجاوبو فل يارب 🤍🔥📖💪🏻✨

www.tgoop.com/aseiby/23603

3.1K viewsDoaa Elj, Jun 22, 2024 at 20:08

ساعات تفصلنا على أول امتحان ليكم في ناس متوتره وناس خايفه وناس مرتاحه وناس مشوشه وناس راهبه الامتحان وناس تراجي فيه بالساعه والدقيقه نحب نقوللكم كل هالشعور اللي تحسو بيه طبيعي جداً وفوق من الطبيعي لأن هذا امتحان مصيري وعلى ضوءه بيحدد مصيركم الجامعي 📜🏬
بس تعال فكر معاي شويه توا هوا صح امتحان بس هل هذا الامتحان لبينهي حياتك طبعاً لا هل هذا الامتحان هوا امتحان آخره طبعاً لا خلاص معناها نخفف من التوتر شويه نخفف من الخوف نذكر انه هوا عبارة عن ايام وبيفوتو زي اي ايام بحلوهم وبمرهم نفكر كيف نخليهم يفوتو واني فرحان😎
فوت اي شي يلهيك علي قرايتك في هالأسبوعين أو التلاته هادم راجع بكل جهدك حل أسئلة سنوات قد ماتقدر وكل ماتفشل اذكر إنهم ايام وبتفخر بإنجازهم لسنين القدام جهز روحك باش تخش الامتحان بأعلى معنويات لأنهم شي مهم جداً في الامتحانات كول كويس وارقد كويس 😴
رد بالك ترهق نفسك ارقد اقل حاجه 4 ساعات باش الذماغ يرتاح اقرأ بتركيز ان شاء الله حتى تقرأ صفحه وبتركيز خير من عشره ومن غير تركيز ورد بالك تسمع كلام حد يحبطك وينزل من قيمتك ولا اللي يقولك ره ماتقدرهاش مافيش انسان يحط شي معين في راسه ومايقدراش كله بتوفيق من الله وبتوكل عليه وشوية جهد منك توصل 💪🏻
فكر في عيلتك اللي حاطين كل أملهم فيك فكر في يوم النتيجه كيف بوك بيفخر بيك قدام الناس ولا فرحة امك لما تقول ولدي نجح أو بنتي نجحت والدمعه في عينها 🥺فكر في فرحتهم وفخرهم بيك هما توا يراجو في ثمار اللي زرعوه من سنين 👨‍👩‍👦
فكر في ختام ال12 سنه وكيف تختمه بحاجه حلوه ره هادم الايام من أجمل الذكريات اللي بينحفرو في الذاكره متعكم بتعبهم وسهرهم وحلوهم ومرهم 🔥
وانتم قدها ماتخافوش وماتتوتروش هادم ايام جني ثمار اللي زرعتوه موفقين وربي يفتحها قدامكم ويفرحكم وينور دربكم وان شاء الله كل يوم تجاوبو فل يارب 🤍🔥📖💪🏻✨

BY ☽︎💙 شهادة ثانويه علمي 💙☾︎