tgoop.com/ashaghalhosseinn/15575
Last Update:
مولد ليوم الغدير الاغر
عهدآ لبو الحسنين حد المنيه
ما نقبل التغير باسمه الوصيه
هذا وعدنا
نجدد عهدنا
وعيد الغدير المعلوم النه الهويه ،،
*
يوم الغدير انجدده ونخط عهدنا
بحب حيدر الكرار يوم انولدنا
ما نخلف اوياه العهد هوه ضمدنا
بسمه كتبنا
انجدد عهدنا
بحب حيدر الكرار روحي ضحيه
وعيد الغدير المعلوم النه الهويه ،،
**
يوم الغدير نباركه بحلئ الاماني
كل شيعي باسمه يفتخر ويزف تهاني
بنص الولايه اسمه ثبت ما غيره ثاني
لربنا شهدنا ،
انجدد عهدنا ،
وبلهفه المشتاك اله صبح ومسيه
وعيد الغدير المعلوم النه الهويه ،،
****
والمحب يتعنئ اله وبحضرته ايطوف
وبعيده احبابه اجت متجمعه اصفوف
وتوالي كلمن وال إله والعاده اتعوف
وبحضرته انطوف
لو نوصل ازحوف
مسعاها بسمك سيدي هالرافضيه
عيد الغدير المعلوم النه الهويه
**
ابوذيه
اهل بيت النبي ثابت حبلهم
واضل متمسك وعاصم حبلهم
بروحي ما امل ووصل حبلهم
نجاتي اهناك دنيه واخريه
خادم اهل البيت
ابو فرات الحمداني
BY عـشّـاق ألـحسّـيـن للموالید
Share with your friend now:
tgoop.com/ashaghalhosseinn/15575