tgoop.com/auoobahmaditinoo/2506
Last Update:
#واوەیڵا_لە_دڵ
پڕ بە پێستی شێعری تاڵم حەسەرتێکم ما لە دڵ
حەسرەتێک ژان و بڵێسەی ماتەمینی دا لە دڵ
دڵ وتی بەقسەم بکەی ئەم ئەشقە ئاکامی هەیە
داخەکەم هەر پێی نەگەیشتم ژان و برکێک ما لە دڵ
چی نەما بەقسەی نەکەم یا چی نەویست لێم و نەبوو
تا بە حاڵ نووزەم لەبەر مابێ دەڵێم حاشا لە دڵ
چەند کەڕەت ئەمنی لە کۆڵانی حەز و خولیا خزاند
بوومە خولیایی و دەڵێم هەی داد و واوەیلا لە دڵ
کوشتمی و سووتاندمی و سەوداسەری کردم لە ژین
ماوە جێ پەنجەی بەژانی سەد حەز و بریا لە
دڵ
هەر لە هۆبەی خۆشەویستی ما لە ئاسمانی خەیاڵ
مانگی ڕوخساری گوڵێک بوو قەت نەبوو ئاوا لە دڵ
غەرقی دەریای خۆشەویستی کردم و بەحری کەسەر
سا بەچی لابەم خەمی شاهی جەهان ئارا لە دڵ؟
چۆنی ویست ڕێگای بەبێهۆی خۆشەویستی پێبڕیم
پێم بڵێن تینوو کە چاری بۆ نەما چ بکا لە دڵ؟
#ئەیوب_ئەحمەدی
#تینوو_کۆکەیی
۲۰خ ۲٤
🍂🍃🍂🍃🍂🍃🍂
@AuoobAhmadiTinoo
BY هۆنراوەکانی ئەییوب ئەحمەدی (تینوو)کۆکەیی
Share with your friend now:
tgoop.com/auoobahmaditinoo/2506