tgoop.com/auoobahmaditinoo/2507
Create:
Last Update:
Last Update:
#شنەی_ئەوین
تا دڵی شێتم بە غەمزەی چاوی تۆ ئەسپاردووە
یەک تەمەن عومرم بە تاسەی دیتنت ڕابواردووە
تا شنەی شێبای ئەوینی تۆم بە دڵدا تێپەڕی
سەدهەزاران ئافەرینم بۆ خوداکەت ناردووە
شاگوڵی ئاواتی ژین و شاتەواری گوڵشەنم
تۆ لەسەرچاوەی تەمەن ئاوی ڤیانت خواردووە
چرکەکانی چاوەڕوانی خۆم بە کاتی بێکەسی
شەو لەگەڵ ئەسرین و ئاهم یەک بە یەک ئەژماردووە
بۆ سڵاو و مەرحەبا و پێشوازی کاتی هاتنت
شەونم وشەوبۆ و وەنەوشەو و شەشپەڕم ڕاسپاردووە
تا دڵی تینووم بە ئەشقت موبتەلا بوو چاوەکەم
خۆم لە ئەشق و خۆشەویستی عالەمی خوا بواردووە
#ئەیوب_ئەحمەدی
#تینوو_کۆکەیی
۲٦خ ۲٤
🍂🍃🍂🍃🍂🍃
@AuoobAhmadiTinoo
BY هۆنراوەکانی ئەییوب ئەحمەدی (تینوو)کۆکەیی
Share with your friend now:
tgoop.com/auoobahmaditinoo/2507