tgoop.com/avloniyuz/6985
Last Update:
#қонунчиликда_янгиликлар
📜Қарорга мувофиқ, А.Авлоний номидаги педагогик маҳорат миллий институтига қуйидаги асосий вазифалар белгиланди:
✅Президент мактабларида ўқувчиларни ўқитиш, касб-ҳунарга йўналтириш, уларда танқидий фикрлаш, ахборотни излаш ва таҳлил қилиш кўникмаларини шакллантириш, олинган билимларни амалиётда қўллаш бўйича тўпланган илғор тажрибаларни узлуксиз касбий ривожлантириш тизими орқали умумий ўрта таълим муассасаларига кенг татбиқ этиш;
✅раҳбар, педагог ва мутахассис кадрларни узлуксиз касбий ривожлантириш тизими самарадорлигини таъминлаш, уларнинг касбий билим, кўникма ва маҳоратини мунтазам ошириб бориш, малака ошириш ва қайта тайёрлашнинг анъанавий, муқобил, дуал ва мустақил шаклларини амалиётга кенг жорий этиш;
✅малака ошириш ва қайта тайёрлаш курсларининг ўқув режа
ва дастурларини ишлаб чиқиш ҳамда уларни замон талаблари ва хорижий илғор тажрибалар асосида такомиллаштириб бориш;
✅келажак мактаби, унинг раҳбари ва ўқитувчисининг моделини яратиш асосида умумий ўрта таълим муассасалари ходимларининг касбий стандартларини ишлаб чиқиш ва доимий тарзда ривожлантириб бориш, ўқув-методик фаолиятнинг таълим жараёни билан алоқаларини мустаҳкамлаш;
✅давлат ва нодавлат таълим ташкилотлари учун узлуксиз касбий ривожлантириш курсларининг намунавий ўқув режа ва дастурларини ишлаб чиқиш ва доимий янгилаб бориш;
✅умумий ўрта таълим соҳасидаги илғор хорижий тажрибаларни ўрганиш ва мамлакатимизда жорий этиш бўйича тавсиялар ишлаб чиқиш, хорижий етакчи таълим ташкилотлари билан халқаро алоқаларни ривожлантириш;
✅умумий ўрта таълимнинг долзарб муаммолари юзасидан турли дастур ва лойиҳаларни амалга ошириш, илмий-услубий конференция ва семинарлар ташкил этиш;
✅докторантура йўналишлари ва магистратура мутахассисликлари бўйича юқори малакали кадрларни тайёрлаш, илмий ходимларнинг касбий билим даражасини доимий ошириб бориш;
✅“Узлуксиз касбий таълим” махсус электрон платформасини юритиш ва унинг фаолиятини такомиллаштириб бориш.
⚠️Миллий-тадқиқот институтининг расмий саҳифаларини кузатиб боринг
Telegram | Facebook
YouTube | Instagram
BY A.Avloniy nomidagi pedagogik mahorat milliy instituti
Share with your friend now:
tgoop.com/avloniyuz/6985