Rossiya Federatsiyasi Vladivostok shahrida oʻtkazilgan Oʻzbekiston-Rossiya toʻrtinchi taʼlim forumida A.Avloniy nomidagi milliy tadqiqot instituti rektori A.Ismailov ishtirok etdi

1. Forumda «Zamonaviy sharoitda oʻqituvchilarni uzluksiz kasbiy rivojlantirish tizimini transformatsiya qilish” mavzusida taqdimot qildi.

Taqdimotda Oʻzbekistonda maktabgacha va maktab taʼlimi tizimi pedagoglarini malakasini oshirish boʻyicha olib borilayotgan soʻnggi islohotlar mazmuni bilan tanishtirildi.

2. Rossiya Federatsiyasi va Oʻzbekiston Respublikasi oʻrtasidagi iqtisodiy hamkorlik boʻyicha hukumatlararo komissiyasi qoshidagi taʼlim va fan masalalari boʻyicha quyi komissiyasining 6-yigʻilishida ishtirok etib, institut va Rossiya taʼlim akademiyasi, A.I.Gersen nomidagi RDPU oʻrtasida olib borilgan ishlar, istiqboldagi rejalar toʻgʻrisida taqdimot qildi.

3. Rossiya taʼlim akademiyasi vitse-prezidenti V.M.Fillipov bilan uchshashib, oʻqituvchilar salohiyatini rivojlantirish, stajirovkalarni tashkil etish va oʻquv uslubiy taʼminot boʻyicha tajriba almashish masalalari yuzasidan muloqot olib borildi hamda oʻzaro hamkorlik toʻgʻrisidagi kelishuv imzolandi.

4. Taʼlim sifatini baholash federal instituti direktor oʻrinbosari I.Denisenko bilan uchrashuv oʻtkazilib, unda PISA tadqiqot natijalarini tahlil qilish, ularni taʼlim sifatini yaxshilash, malaka oshirish tizimini takomillashtirishda qoʻllash, BRICS mamlakatlari ishtirokida joriy qilinadigan umumiy oʻrta taʼlimni takomillashtirish loyihasi yuzasidan fikr almashilib, istiqboldagi hamkorlik imkoniyatlari koʻrib chiqildi.

Milliy-tadqiqot institutining rasmiy sahifalarini kuzatib boring

Telegram | Facebook
YouTube |  Instagram