Наманган шаҳридаги 1-умумтаълим мактабида “Замонавий билим ва миллийлик мужассам маскан” шиори остида семинар ташкил этилди

Мактаб ўқувчилар томонидан ташкилланган халқ ўйинлари, сумалак сайли, варраклар баҳси, ош мусобақаси кўтаринкиликни таъминлади. Миллий қадриятлар, урф-одат ва анъаналарни уйғунлаштирган жараёнларда халқ оғзаки ижоди намуналаридан достонлар ўқилди, мақоллар ва топишмоқлар айтилди. Зулфияхоним таваллудига бағишланган театрлаштирилган бадиий кеча нафақат ёшларнинг, балки муассасада фаолият юритаётган педагогларнинг билими, ташаббускорлиги ва салоҳиятини намойиш этди. Тадбирда сўз олган мактабгача ва мактаб таълими бошқармаси бошлиғи Аъзамжон Исаков, шаҳар ҳокими ўринбосарлари ҳамда маҳоратли устозларнинг самарали фаолияти хусусида илиқ фикрлар билдирдилар.