tgoop.com/ayota963rohallah/1869
Last Update:
وبكل مره ندعي لازم نتذكر قول رب العالمين
(وَقَالَ رَبُّكُمُ ادْعُونِي أَسْتَجِبْ لَكُمْ )
هذا وعد من الخالق....بس الي عليك تدعي بيقين بحسن ظن بالله بإيمان تام
واهم شيء متخلي مخاوفك من البيئه والمجتمع وكلام الناس تتغلب عليك
إذا تبقى تسمع مستحيل حتتقدم...عمري وحياتي ماهتميت الكلام الناس لأن عندي ثقه بنفسي واعرف شنو الي دااسوي لذلك لاتسمح الاحد انو يحبطك بالعكس خلي الكلام السلبي دافع الك واصنع من انكسارك قوة تمشي بيها طول حياتك
بنفس الوقت لتهتم اذا احد وكف بطريقك لان طول ما انت مصر وواثق انك تحقق الشي اللي تريده حتشوف كل شيء بالحياة يتسخر الك الأهل والأشخاص والظروف وحتلاكي الدعم والتشجيع منهم
وچنت دائما ارددهاي الآية بيقين (قَدْ جَعَلَها رَبِّي حَقًّا)
والحمد لله اليوم اني عايشه بنص احلامي الي چانت بنظري مستحيله صارت حقيقه
حبيت اكتب الكم هذا الكلام ممكن يكون رساله لكل شخص يائس وديعيش بوضع صعب خليكم مؤمنين انو الله سبحانه وتعالى ميضيع تعب احد وبالصبر والسعي والتفاؤل والشكر على ابسط النعم حتكدرون تحققون كلشي ومراح يكون شي مستحيل بحياتكم باذن الله 🤍
BY رحلة الى عالم النور💚🍃🌺
Share with your friend now:
tgoop.com/ayota963rohallah/1869