tgoop.com/azhar8282/926
Last Update:
السلام عليكم، واسف على الازعاج هنا ☺️
طبعاً هذا شرح مختصر ودعوة 🙏🏻
الموضوع انه احنه فريق طبي تطوعي يضم اخصائيين وطلاب طب من مختلف المراحل الدراسية نتعاون حتى نتابع مرضى كورونا ذوي العزل المنزلي عن بعد، يعني عن طريق الانترنت نتواصل وياهم على ارقامهم ونعرف معلومات عامة عنهم من سكن و وظيفة وعمر وغيرها، واهم شي انه نعرف صحتهم شلونها، يعني بالضبط نحاول نقيم مستواهم المرضي هل بسيط، متوسط أم شديد حتى نتعامل على اساس هالشي، وبالتالي نقلل من ذهاب المرضى للمستشفيات الموبوءة قدر الامكان يعني ما يتوجه المريض للمستشفى الا بعد توجيه الاخصائي.
وكذلك هدفنا نسوي احصاء باعتبار الصحة ما مسوين هيج،فندخّل كل معلومات المرضى اللي نتواصل وياهم بجداول اكسل و بالتالي تكون عدنا صورة واضحة كم عدد المتشافين او في طور الشفاء، كم عدد اللي قادرين وموافقين على التبرع بالبلازما ووين سكنهم حتى نروحلهم وغيرها من التفاصيل.
نتمنى تنشرون الموضوع واللي يحب يساعد خل يراسلني على حسابي الخاص وانطيه كامل المعلومات (تدزون رقمكم وتتم اضافتكم بكروب على الواتساب بيه اخصائيين يعني تنقل حالة المريض للاخصائي) راح يفيدكم بأخذ الهستري هم 😂😂👍🏻
@ali_jhe
علمًا انه الفريق فقط بالنجف حالياً.
اتمنى تنشرونها لطلاب دفعتكم حتى نكدر نساعد اكبر قدر ممكن من المرضى ❤️
BY قناة المتعافين للتبرع بالبلازما
Share with your friend now:
tgoop.com/azhar8282/926