tgoop.com/azhar979/6402
Last Update:
••❥ًً❀(•«﷽»•)❀❥ ••
اللهم صل على محمد وآل محمد🥀
الليالي الفاطميه
يا رب الزهراء بحق الزهراء أشفي ضلع الزهراء بظهور الحجه
قصيده لمولاتنا الزهراء عليها السلام بعنوان( عهد بالحب )
ميمر مشطر
ابعالم الــــذر حــــــبج الغذانه
وللموت هذا الحب يظل ويانه
نقسم قسم يا فاطمه بدمــــانه
نلعن اعدائج يالزهـــــــره
وما ننسه ضلعج والسطره
٭★•••٭★٭•••★٭•••★٭•••★٭
صوت اللعن كل ناصبي ايسمعه
لمصيبتج ما ننسه ابد يالبضعه
قــبلي عزانه وسجيلها الدمعه
خادم خدامج حسبيني
اسمي وياهم سجليني
٭★•••٭★٭•••★٭•••★٭•••★٭
وياج فاطم آخـــــــره ودنيا وياج
الدين ما يتسمه دين بلياج
كل الكرامه ربج الباري انطاج
أنتي الصك ألي يحمينا
حبج يالزهره ينجــــينا
٭★•••٭★٭•••★٭•••★٭•••★٭
كل واحد بهالدنيا فـــكره ورايه
ونهجج يا فاطم هو عدنه الغايه
ابصم عهدهه خدمتج بدمــــايه
من نحجي كلمة وفايه
عدنه العهد دم وحجايه
٭★•••٭★٭•••★٭•••★٭•••★٭
نور ابو صالح من يشع اعلينه
ثارج يخلصه ابگـبرج يدلينه
والرخصه هم لزيارتج ينطينه
نگصد الصحنج ونبات
ونقيم الج بي عزيات
٭★•••٭★٭•••★٭•••★٭•••★٭
خادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
من يشرفني بقرآئة ما أكتب فهو مخول بأضافة حرف أو حذف حرف وفقنا الله وإياكم بهذه الخدمه المباركه ببركات مولاتنا الزهراء عليها السلام
https://www.tgoop.com/azhar979
BY قناة طف الرزايا 🇮🇶 آآآه يا زينب
Share with your friend now:
tgoop.com/azhar979/6402