tgoop.com/azhar979/7075
Last Update:
••❥ًً❀(•«﷽»•)❀❥ ••
اللهم صل على محمد وآل محمد🥀
الليالي الحيدريه
من قصائد ديوان( حداد السبع الشداد ) الجزء الأول
قصيده للإمام علي عليه السلام..تقرأ بطور النزله الحماسي وبعدة اطوار
ابوسط محاربه علي وبسجدته
وسفه سيف الغدر صوب هامته
وااا إماماه وااا علياه
•┈•❈❉✹✹❉❈ •┈•
وسفه سيف الغدر صابه للولي
ساجد ابمحرابه حيدرنه علـي
انفجعت احبابه ودمع دم اتهلي
انهدمت اركان الهدى من ضربته
وااا إماماه وااا علياه
•┈•❈❉✹✹❉❈ •┈•
ابغدر صابه ابن ملجم للأميــر
ابو الايتام وابـــو الكل فقيــر
علي يا باب الحمه ألبـي نستجير
ابعازتك مولاي كلها نادتــــــه
وااا إماماه وااا علياه
•┈•❈❉✹✹❉❈ •┈•
أمصابه هز عرش الله بالسمه
والاملاك اعليه كلهه امألـــمه
ينغدر وسفه يحـــــماي الحمه
ابضربه بيها تنجسم يعمامتـه
وااا إماماه وااا علياه
•┈•❈❉✹✹❉❈ •┈•
الكون مرجون بمصابه الحيدره
اعليه ارض وسمه اليوم امكدره
اليوم فجعوا زينبه المخــــدره
امصاب فوگ امصاب يلفي ابنيته
وااا إماماه وااا علياه
•┈•❈❉✹✹❉❈ •┈•
صعب يومك يا علي ما ينحمل
افگدت بمصابك يبويه كل أمل
الدنيا بيه اتميل يا خـير العمل
دموعها بحرگه تهل من شافته
وااا إماماه وااا علياه
•┈•❈❉✹✹❉❈ •┈•
ويل حال أم الحـــــــزن هالليله
اتصد لبوها اطريح بايـد حيله
ابهظم بدموع الـــحزن تدعيله
اتشوف شيبه امخضب بدم طبرته
وااا إماماه وااا علياه
خادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
https://www.tgoop.com/azhar979
BY قناة الشاعره أزهار جبار الجياشي
Share with your friend now:
tgoop.com/azhar979/7075