tgoop.com/azhar979/7076
Last Update:
••❥ًً❀(•«﷽»•)❀❥ ••
اللهم صل على محمد وآل محمد 🥀
الليالي الحيدريه
من قصائد ديوان( حداد السبع الشداد ) الجزء الأول
قصيده للإمام علي عليه السلام بعنوان( يا جرح الاسلام ) تقرأ بطور الثكيل وبعدة اطوار
يا جرح الأسلام / أبطبـرة الهام
يا دمع الآلام / بعيون الأيتام
يا علي __ يا علي
•┈•❈❉✹✹❉❈ •┈•
يا جرح هدمها أركان الهُــــدَه
علي بالمحراب من عنـده هُوَه
وأبد ما ينفع الجرحه كـل دِوَه
أيلوج الإمام / ابطبرة ألهام
يا علي _ يا علي
•┈•❈❉✹✹❉❈ •┈•
ابصلاته خاشع وجـــــاه النذل
أبسيف يطبر راسه الخير العمل
طبره بيها أخضابه عالقبله نزل
ابشهر الحرام / أبطبرة ألهـام
يا علي _ يا علي
•┈•❈❉✹✹❉❈ •┈•
بالحزن جبريل يصـرخ بالسمه
والاملاك اعليه كلهه امألـــــمه
أبغدر من أنطبر ياحامي الحــمه
جرحه ميلتام / ابطبرة ألهام
يا علي __ يا علي
•┈•❈❉✹✹❉❈ •┈•
يا جرح مِنَه ديــــن الله أنثلم
وأبگلبها أم عون معصور الألم
من وصلها الخبر والحيل أنهدم
بلروح الأسهام / ابطبرة ألهام
يا علي _ يا علي
•┈•❈❉✹✹❉❈ •┈•
أنفجعت أم الخدر من جاهه الخبر
ابهظم نادت بويه يا فارس مضر
وسفه يا حامي الحميه تنغـدر
والعين متنام / ابطبرة ألهـــام
يا علي __ يا علي
•┈•❈❉✹✹❉❈ •┈•
اليتامه واگفه أبابه ابحـــــزن
على امصاب الولي مهمومه وتون
أعيون اولاده بهظم دم ادمـعن
متكدره الآنام / ابطبــرة ألهام
يا علي __ يا علي
خادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
https://www.tgoop.com/azhar979
BY قناة الشاعره أزهار جبار الجياشي
Share with your friend now:
tgoop.com/azhar979/7076