tgoop.com/azhar979/7079
Last Update:
••❥ًً❀(•«﷽»•)❀❥ ••
اللهم صل على محمد وآل محمد 🥀
الليالي الحيدريه
من قصائد ديوان ( حداد السبع الشداد ) الجزء الأول
قصيده للأمام علي عليه السلام تقرأ بطور الفزاعي وبعدة اطوار
حيدر بالصلاه مصيوب
ون اعليه مـحـرابــه
•┈•❈❉✹✹❉❈ •┈•
محرابه يون اعليه
والمنبر بقه ينعيه
وقرآنه بهظم يتليه
المسجد ظلمه بغيابه
•┈•❈❉✹✹❉❈ •┈•
ايتامه عليه اتنوح
دمعهه عالوجه مسفوح
تگـله يالابو لتروح
وكلهه تون يم بابه
•┈•❈❉✹✹❉❈ •┈•
هد حيل الحسن وحسين
وزينب تهمل العينين
صاحوا يالابو الحنين
علي يا راعي الهيابه
•┈•❈❉✹✹❉❈ •┈•
ابهظم ينظرله العباس
شاف الابو امعصب الراس
وبي انگطعت الانفاس
يهل الدمعه سچابه
•┈•❈❉✹✹❉❈ •┈•
مصابه حيل اذانه
الشيعه كلهه حزنانه
تصيح بهظم مولانه
اليوم امكدره احبابه
•┈•❈❉✹✹❉❈ •┈•
خادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
https://www.tgoop.com/azhar979
BY قناة الشاعره أزهار جبار الجياشي
Share with your friend now:
tgoop.com/azhar979/7079