tgoop.com/azhar979/7080
Last Update:
••❥ًً❀(•«﷽»•)❀❥ ••
اللهم صل على محمد وآل محمد 🥀
الليالي الحيدريه
من ديوان (حداد السبع الشداد )الجزء الأول
هوسات لمصاب أمير المؤمنين
اليوم امصوب الكرار واظلم صبح محرابه
يم بابه اليتامه اتحوم كلهه تصيح يا يابه
بحرگه تلطم عل الراس ودموع العين سجابه
كلهه بالهظم صاحت وا ويلي عل المطبور ومصابه
( شمس الله انطبرت // بالكوفه )
•┈•❈❉✹✹❉❈ •┈•
اصوابك صوب الإسلام وأركان الهدى انهدمت
اليتامى بضربة الكرار المره الثانيه اتيتمت
وگلوب التحب حيدر بطبرة هامته انطبرت
كلهه اباب ابو الفقره بالآه والحزن ونت
( بعدك بالضيم // تخلينه)
•┈•❈❉✹✹❉❈ •┈•
السراط المستقيم اليوم إنصاب ابطبر راسه
الخلايق أنفاسهه اختنگت ويه خنگة انفاسه
دين الله بجرح حيدر الليله جرحوا احساسه
والعدل يا علي الكرار ابسيف وهدموا ساسه
( والحق انواره // يطفوها )
•┈•❈❉✹✹❉❈ •┈•
أنوار العدل والحق ابطبرة راسه طفوها
وأملاك العرش بمصاب حيدر علي بجوها
قبل العيد أولاده وبناته بي فجعوها
والشيعه بأبو الحسنين ومصابه اليوم اذوها
( الكون اتخربط // ميزانه)
•┈•❈❉✹✹❉❈ •┈•
هوسات ولائيه لأمير المؤمنين
علي العالي علي الوالي علي أنت أول وتالي
برحم أمي بعدني جنين وحبك سكن دلالي
العمر والدنيا من غيرك لا ابدأ ميحلالي
غالين شكثر عدنه وأنت أغلى كل غالي
( يالبيك الجنه // انطب ليهه )
•┈•❈❉✹✹❉❈ •┈•
الميوالي علي الكرار هذا ما نحسبه انسان
الما يعرفك حامي الجار هذا ابطيت النسيان
الميحبك يبو الحسنين دنيا وآخره خسران
هويتي ودمي أنه شيعي واسمك يا علي عنوان
( ابحبك يا حيدر // نتباها )
خادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
https://www.tgoop.com/azhar979
BY قناة الشاعره أزهار جبار الجياشي
Share with your friend now:
tgoop.com/azhar979/7080