tgoop.com/azhar979/7092
Last Update:
••❥ًً❀(•«﷽»•)❀❥ ••
اللهم صل على محمد وآل محمد 🥀
الليالي الحيدريه
تهدمت والله أركان الهدى
ابوذيات ونعي لفقد الأب
كأني بلسان حال مولاتي زينب عليها السلام
كلبي اتكطع ابفكدك دلاله
وبوجهي ترك حـزنك دلاله
راح الجنت متغطيه بدلاله
وبقت بس الهموم اتحيط بيه
✹✭┈✺✺---- ༄✹✭◌*
مصابك ما جره مثله ولعظم
يلفكدك نهش حيلي ولعظام ولعظم
احلفك بالله وباسمه الاعظم
لوّن حتى بحلم بس مر عليه
✹✭┈✺✺---- ༄✹✭◌*
مشه وانكطع حبل الطيب وصله
حنانه بالبشر ما احد وصله
انجسم كلبي بغيابه الف وصله
وكل وصله تنوح اضعاف ميه
✹✭┈✺✺---- ༄✹✭◌*
يمن خليت كلبي ينوح بعداك
وهدم حيلي يغالي طول بعداك
تمنيتك عدل يا بويه بعداك
ابوجودك ما تمسني أي أذيه
✹✭┈✺✺---- ༄✹✭◌*
نعي
يلماخذ دليلي وماخذ احساسي
فكدك يا علي موحش اجه وقاسي
وي راسك يمن ريت انطبر راسي
❀❀✦▬▬▬✦❀❀❀
يالموازن الكون الكفه بالكفه
يا عين العدل وسفه بترب تغفه
بفراكك صبر ايوب ما كفه
❀❀✦▬▬▬✦❀❀❀
هدمت الصبر ما ظل صبر بيه
اون اعليك بويه بعين معميه
روحي بفركتك يا علي مجويه
❀❀✦▬▬▬✦❀❀❀
تنحه الصبر بويه من ونيني اعليك
ظل ينوح يمي يا علي وينعيك
وسفه الدهر حاربني وفجعني بيك
❀❀✦▬▬▬✦❀❀❀
امودع بالدموع ولجمة الخاطر
ما يكفي الصبر يا حيدر الباجر
فكدك هشم كلبي بويه يمسافر
❀❀✦▬▬▬✦❀❀❀
لخادمة اهل البيت عليهم السلام
أزهار جبار الجياشي
نسألكم الدعاء
ولفاتحه لروح والدي
لا أشكل الذمه على كتاباتي بل اقول كل كتاباتي في حفظ الله وحفظ مولاتي الزهراء عليها السلام وهم الخصم لمن ينسبها له
https://www.tgoop.com/azhar979
BY قناة الشاعره أزهار جبار الجياشي
Share with your friend now:
tgoop.com/azhar979/7092