tgoop.com/azonnashriyot/386
Last Update:
O‘tmish takrorlanadimi?
Avvallari, islom dini insonlarni rivojlanishdan to‘sadi, degan safsata ba’zilarning ongiga singib qolgan edi. Hatto, Qur’oni Karimdan savodini chiqarayotgan bolaga nisbatan “eskichani o‘rganyapti” iborasi qo‘llanilardi.
Go‘ya din ayrim insonlar nazdida ma’lum bir muddat yo asr uchun nozil bo‘lgandek tuyulardi.
Hozir esa erkimiz biroz bo‘lsada o‘z qo‘limizga yetib keldi, asl tarixni o‘rgana boshladik. Bizlar uchun “yozib berilgan” tarixni emas, daqiq xabar va manbalar ustiga qurilgan tarixni.
Uning muqobilida bu dinni insoniyat rivoji yo‘lida faqat va faqat qo‘llab-quvvatlashi hamda ilm-fanga, farovonlikka hissa qo‘shuvchi ixtirolar qilishga targ‘ib qilishini angladik.
Tarix guvohlik berishicha, aynan islom ulamolari tomonidan taraqqiyot uchun qilingan harakatlar, yozilgan kitoblar-u, yaratilgan asbob-uskunlar va e’tiborli jihatlaridan bo‘lmish, juda ko‘p fanlarga nafaqat olib kirilgan yangi atamalar, balki fanlarga asos solishlar tahsinga sazovordir.
Ajdodlarimiz bilan faxrlanishimizni, ma’zur tutgaysiz, vaqtincha yoqlamayman. Bizga ularning kimliklarini va qilgan ishlarini bilib olish yetarli.
Biz dunyo tamaddunida o‘z izimizni qoldirishimiz kerak, zero o‘tmish takrorlansin.
“Islom hazorasi” kitobi o‘tgan ulamolarni eslab, quvonish haqida emas, islom sivilizatsiyasining mohiyatini nimadan iborat ekanligini ochib berish haqida. Himmatni oliy qilish haqida…
@Azonnashriyot
BY Ildiz kitoblari nashriyoti eski
Share with your friend now:
tgoop.com/azonnashriyot/386