tgoop.com/baaburayyan/1158
Last Update:
Soomana Ashuuraa.
Baatiin Muharram baatii jalqaba lakkoofsa Hijraa yoo taatu, baatiin tun Baatii ALLAAH ja'amti. Ji'oota afran Islaamummaa keessatti sadarkaa qaban keessaa tokko yoo taatu, Ashuuraan immoo guyyaa kurnaffaa ji'a Muharramiiti.
Hadiisa Abuu Hureeyraan –(Rabbiin irraa haa jaalatuu) odeesseen Ergamaan Rabbii (SAW) akkas ja'an: "Soomana Ramadaanaatti aanee soomanni akkaan sadarkaa qabu Soomana ji'a Rabbii kan tahe ji'a Muharramiiti.
(Musliim 2812)
Ji'a Muharram keessaa immoo Soomanni guyyaa kurnaffaa kan guyyaa Ashuuraa soomana akkaan sadarkaa qabuudha.
-> Guyyaa kana maaliif soomanna ?
Hadiisa Abdallah Ibni Abbaas (RA) irraa odeeyfameen...
"Ergamaan Rabbii(SAW) yeroo magaalaa Madiinaa seenanitti, warri Yahuudaa guyyaa Ashuuraa Soomanaa turan, maaliif guyyaa kanatti Soomantu jechuun gaafatan; warri Yahuudaa akki ja'an: guyyaan guyyaa Rabbiin Muussaa fi hordoftoota isaa Fir'oonaa fi waraana isaa jalaa baasuun, Isaan immoo bishaaniin balleesse waan taheef guyyaa kanatti Rabbii keenya galatoomfatuuf soomanna jechuun deebisan. Ergamaan Rabbii (SAW ) isiin caalaa kan Muussaaf dhiyaatu nuti jechuun guyyaa kanatti ofii isaaniif soomanuun Sahaabonnis akka soomanaan ajajan".
(Musliim 2714)
Ergamaan Rabbii (SAW) yeroo Makka turanittis guyyaa Ashuuraa ni soomana ture, garuu nama tokkollee hin ajajne.
-> Bu'aan isaa hoo maali?
Hadiisa Abii Qataadah irraa odeeyfameen Ergamaan Rabbii (SAW) akkas ja'an: "Nama guyyaa Arafaa soomane Rabbiin badii isaa xixiqqaa kan waggaa lamaa Araaraamaaf; akkasumas Nama guyyaa Ashuuraa Soomane immoo badii waggaa tokko kan dabre araaramaaf" ja'an. (Musliim 1976).
Soomanni kun Sunnaadha.
BY Badriya Awel official channel❤
Share with your friend now:
tgoop.com/baaburayyan/1158