tgoop.com/baxitland/7502
Last Update:
Balalığımda qasında qaltırap, sóz sóylewge qorqıp otıratuğın insan bùgin mağan dùnyadağı eń pàkize tulğa!
Esimde anam menen ğana qosıqlarımdı, dóretiwshiliklerimdi dodalay alğan edim. Àkem bizge birewdi jamanlawğa, qàteliklerdi sóz etip otırıwğa jol qoymağanında tùsinbegenmen.
Bùgin men Àkemniń qanday ruwxıy ósken insanlıġın ańladım.
Ayırımlar jağımpazlıq dep esaplaytuğın-adamdağı bir jaqsı paziyletti ózine aytıw hàmmeniń de qolınan kelmeytuğın ruwxıy màrtlik.
Sebebi, hàr bir insannıń da ishley ózgeniń qaysıdur pàziyletin tàn alıp, tàn alğanın àshkar etiw qolınan kele bermeydi. Onı tilge alıw ózin tolıq tàn alğan adamnıń qolınan ğana keledi.
Ózinen kewli toq adam ózgege de sol ózine toqlıq emociasın beriwge asığadı. Ózimshillikti tùk te qural etpeydi
Men de Àkeme, Anama usap baratırğanımnan jùdà baxıtlıman!
Olar kórgen shın muxabbat, joqarı dàrejedegi dóretiwshilik penen, sarqılmas ruwxıy dùnya, qaytalanbas adamgershilik meni ózine ashıq etip bolğan!
