tgoop.com/bayyinauz/15865
Last Update:
Тавсия
📜Анбиёларнинг энг муҳим дуоларидан
1. Одам алайҳиссаломнинг дуоси. Аллоҳ таоло у иккилари (яъни, Ҳавво онамиз)га тавба қилишни ва унинг қабулини насиб этди: «Роббимиз, биз ўзимизга зулм қилдик. Агар бизни мағфират қилмасанг ва бизга раҳм қилмасанг, албатта, зиён кўрганлардан бўламиз», Аъроф сураси, 23-оят.
2. Юнус алайҳиссаломнинг дуоси. Аллоҳ таоло у зотнинг дуосини ижобат қилди ва унга нажот берди: «Сендан ўзга илоҳ йўқ, Сен поксан! Мен золимлардан бўлдим”, Анбиё сураси, 87-оят.
3. Муҳаммад соллаллоҳу алайҳи васалламнинг кўп ўқиган дуолари. Ушбу дуо дуоларнинг жамловчи ва комилроғидир: “Роббимиз, бизга дунёда ҳам яхшилик, охиратда ҳам яхшилик бергин ва бизни олов азобидан сақлагин”, Бақара сураси, 201-оят.
4. Нуҳ алайҳиссаломнинг дуоси: “Роббим, мени мағфират қилгин, менинг ота-онамни ҳам ва уйимга мўмин бўлиб кирганларни ва мўминлару мўминаларни ҳам”. Нуҳ сураси, 28-оят.
Дуо ибодатларнинг улуғларидан ва матлубнинг ҳосил бўлиши сабабидандир. Аллоҳ таоло улар ила биздан бало ва машаққатларни кетказади. Абу Ҳурайра розияллоҳу анҳудан ривоят қилинади: “Набий соллаллоҳу алайҳи васаллам: “Кимни қийинчилик ва ғам-ғуссалар пайтида Аллоҳ уни дуоларини ижобат қилиши хурсанд қилса, кенгчилик пайтида пайтида дуо қилишни кўпайтирсин”, дедилар”.
Имом Термизий ривояти.
Bayyina.uz | Taqviym.uz
Ижтимоий тармоқларда бизни кузатинг!
Telegram | Instagram | YouTube
BY Bayyina.uz
Share with your friend now:
tgoop.com/bayyinauz/15865