tgoop.com/bazwni/3089
Last Update:
للمشايه
گلبي انتظر
يالمنتظر
انظر الجيتك ويه الهلال
محبوب گلبي والبعد طال
ظلت تراقب جيتك العين
احلم وياك نروح لحسين
يالمنتظر
★★★★★ 1 ★★★★★
حبيتك ويال الاسف مقطوعه عني اخبارك
لمن تجي الدار وتطب مولاي تصبح دارك
مشاي امشي الكربله ياسيدي بجوارك
والرايه نحملها سوه أجر المشي انتشارك
يحله السفر
يالمنتظر
يازاير حسين انفتح باب
تدخل الجنه وماكو حساب
كلها ترحب بيك كل حين
احلم وياك نروح لحسين
يالمنتظر
★★★★★ 2 ★★★★★
يالمنتظر عندي طلب مو صعب انته تسهله
مولاي اريدنك تجي ماغيرك انه اسأله
ارجوك ابو صالح ردت سيدي منك مهله
لتغيب صعبه غيبتك صحت الظهورك عجله
اترك اثر
يالمنتظر
ياما اعجل گمت مولاي
عطشان الك يالجيتك ماي
باقي وزلت كل العناوين
احلم وياك نروح لحسين
يالمنتظر
★★★★★ 3 ★★★★★
ياحجة الله بالارض ماغيرك النندبه
يانور ياماحي الظلم غيبتك جدآ صعبه
نقسم عليك بكل فسم هذا الشعور نجربه
بيوتنه انفتحت الك مولاي عوف الغربه
ذيع الخبر
يالمنتظر
عونه اليشوفك تمشي وياه
معناها هذا الباري حباه
مؤمن بدينه وملتزم زين
احلم وياك نروح لحسين
يالمنتظر
★★★★★ 4 ★★★★★
الكربله بعيد السفر كلش مسافه طويله
نذكر الراحت للسبي مولاتنه العقيله
ربك طوالك الارض يالمعتني الخليله
لوتنظر اتوصلك جدم للحظره مستحيله
مشيك فخر
يالمنتظر
هاي المسيره الها اسباب
للضحه عمره انصار وحباب
خلده الباري هاي السنين
احلم وياك نروح لحسين
يالمنتظر
★★★★★ 5 ★★★★★
شوف المواكب والخدم تشجيع للمسيره
حتما تمر ام الخدر مولاتنه الاميره
وتشوف خدام بشرف والعنده حب وغيره
اخوان موطنهم سوه متهمهم العشيره
حبهم كثر
يالمنتظر
عن موطنه لا ما يسألوه
عدهم فخر لمن يخدموه
محد يسأله منين ممنين
احلم وياك نروح لحسين
يالمنتظر
✍️ الشاعر الحسيني فرحان البزوني
BY الشاعر الحسيني فرحان البزوني
Share with your friend now:
tgoop.com/bazwni/3089