Беларускі Бабілон

Нацыянальныя святы - гэта вельмі важны блок нацыянальнай свядомасці.

Але ўсё важнае трэба перыядычна разбіраць і крытыкаваць, каб не ствараць у нацыянальным арганізме балючых "пролежняў".

Ніжэй будзе крытыка свята 8 верасня. Прашу паставіцца з разуменнем, як да медычнай працэдуры.

###

Мне падаецца, што з Днём вайсковай славы 8 верасня ёсць такая ж праблема як і з 3 ліпеня.

Гэта калі ўзялі несумненна важную дату (перамога пад Воршай / вызваленне Мінска), але навесілі на яе такі груваздкі сэнс, які моцна пераўзыходзіць саму падзею гэтай даты.

З 3 ліпеня я думаю зразумела (дзе вызванне горада, а дзе незалежнасць), але і з 8 верасня тое ж самае. Бітва пад Воршай сапраўды была значнай, але ці такой ужо выбітнай, каб рабіць з яе свята?

Я вельмі добра разумею чаму менавіта гэта бітва была ўзятая "на шчыт" у 1980-90-ых, але чым далей мы рухаемся, тым болей пытанняў да гэтага выбара ўзнікае. У тым ліку і навуковых.

Гэта па-першае, а па-другое, падзеі XVI ст. цяжка прывязваюцца да нацыянальнай памяці. Проста таму што гэта было даўно. А нацыянальная памяць найлепш працуе з ХХ ст.

Тут, мне падаецца, працуе наступная логіка: браць з сярэднявечча святочныя даты, якія сімвалізуюць сабой пачатак нейкай з'явы, правільна.

Напрыклад, 1517 г. - пачатак кнігадрукавання. Крута, у нас друкаваныя кнігі ўжо 500 год!

А вось браць з тых часоў святочныя даты, якія б сімвалізавалі кропкі найвышэйшага ўздыму - дзіўна.

Дзень беларускай вайсковай славы адбыўся 500 год назад. Што гэта значыць?

Што ў нас 500 год не было войнаў? Не пра нас.

Што ў нас усё дрэнна з вайсковай славай, калі за 500 год не знайшлося іншай даты? ...

(вось тут мы выходзім на балючую тэму, якая патрабуе асобнай гутаркі, а ў гэтым пасце крыху пра іншае).

Тут пра логіку. Сярэднявечныя даты дрэнна пасуюць да нацыянальных святаў "Гонару".

І ў 8 верасня гэтая праблема ёсць.

###

Калі вы чакаеце нейкіх катэгарычных высноваў па выніку вышэйсказанага, то іх няма.

8 верасня - несумненна свята для вялікай колькасці беларусаў. А святы проста так не знікаюць і проста так не з'яўляюцца.

Проста часам трэба крытычна пераглядаць свой даробак.

www.tgoop.com/belbabylon/461

2.3K viewsedited  Sep 11, 2021 at 07:18

Нацыянальныя святы - гэта вельмі важны блок нацыянальнай свядомасці.

Але ўсё важнае трэба перыядычна разбіраць і крытыкаваць, каб не ствараць у нацыянальным арганізме балючых "пролежняў".

Ніжэй будзе крытыка свята 8 верасня. Прашу паставіцца з разуменнем, як да медычнай працэдуры.

###

Мне падаецца, што з Днём вайсковай славы 8 верасня ёсць такая ж праблема як і з 3 ліпеня.

Гэта калі ўзялі несумненна важную дату (перамога пад Воршай / вызваленне Мінска), але навесілі на яе такі груваздкі сэнс, які моцна пераўзыходзіць саму падзею гэтай даты.

З 3 ліпеня я думаю зразумела (дзе вызванне горада, а дзе незалежнасць), але і з 8 верасня тое ж самае. Бітва пад Воршай сапраўды была значнай, але ці такой ужо выбітнай, каб рабіць з яе свята?

Я вельмі добра разумею чаму менавіта гэта бітва была ўзятая "на шчыт" у 1980-90-ых, але чым далей мы рухаемся, тым болей пытанняў да гэтага выбара ўзнікае. У тым ліку і навуковых.

Гэта па-першае, а па-другое, падзеі XVI ст. цяжка прывязваюцца да нацыянальнай памяці. Проста таму што гэта было даўно. А нацыянальная памяць найлепш працуе з ХХ ст.

Тут, мне падаецца, працуе наступная логіка: браць з сярэднявечча святочныя даты, якія сімвалізуюць сабой пачатак нейкай з'явы, правільна.

Напрыклад, 1517 г. - пачатак кнігадрукавання. Крута, у нас друкаваныя кнігі ўжо 500 год!

А вось браць з тых часоў святочныя даты, якія б сімвалізавалі кропкі найвышэйшага ўздыму - дзіўна.

Дзень беларускай вайсковай славы адбыўся 500 год назад. Што гэта значыць?

Што ў нас 500 год не было войнаў? Не пра нас.

Што ў нас усё дрэнна з вайсковай славай, калі за 500 год не знайшлося іншай даты? ...

(вось тут мы выходзім на балючую тэму, якая патрабуе асобнай гутаркі, а ў гэтым пасце крыху пра іншае).

Тут пра логіку. Сярэднявечныя даты дрэнна пасуюць да нацыянальных святаў "Гонару".

І ў 8 верасня гэтая праблема ёсць.

###

Калі вы чакаеце нейкіх катэгарычных высноваў па выніку вышэйсказанага, то іх няма.

8 верасня - несумненна свята для вялікай колькасці беларусаў. А святы проста так не знікаюць і проста так не з'яўляюцца.

Проста часам трэба крытычна пераглядаць свой даробак.

BY Беларускі Бабілон