🤯 Калі нельга, але вельмі хочацца... Ці як фірмы, заснаваныя беларусамі ў розных краінах, гандлююць падсанкцыйнымі таварамі

Чытач «Белсату» паведаміў, што беларусы знайшлі спосаб гандляваць падсанкцыйнымі аўтазапчасткамі і даслаў пры гэтым шэраг дакументаў, якія, паводле яго, гэта даказваюць.

Правёўшы сваё расследаванне і апытаўшы экспертаў, «Белсат» сапраўды выявіў пэўныя «званочкі» у дачыненні кампаніяў, пра якія паведамляла нашая крыніца. 👉 Пачытайце, што мы высветлілі

❗️ Былы муж Мельнікавай пацвердзіў, што дзеці ў яго

«Зеркало» датэлефанаваліся былому мужу Анжалікі Мельнікавай Андрэю. Мужчына пацвердзіў, што дзеці знаходзяцца ў яго. Аднак падкрэсліў, што не ведае, дзе знаходзіцца сама спікерка і сам хвалюецца «куды яна знікла».

На пытанне, як даўно ён сам знаходзіцца ў Беларусі, мужчына адказаў: «Вы што, з паліцыі?».

🤔 А калі яго запыталі, ці здагадваецца ён, дзе знаходзіцца яго былая жонка, мужчына адказаў, што «без паняцця» і папрасіў больш яму не тэлефанаваць.

UPD: Пры гэтым кіраўнік НАУ Павел Латушка кажа, што паводле польскіх праваахоўнікаў Мельнікава «не знаходзіцца на тэрыторыі Польшчы, але хутчэй за ўсе яна таксама не знаходзіцца на тэрыторыі Беларусі».

Дакладнае месца яе знаходжання дагэтуль не ўстаноўлена.

😢 Пакуль прапагандысты распавядаюць, як прамысловасць краіны паказвае «высокія тэмпы росту», а эканоміка «паспяхова пераадольвае ўплыў беспрэцэдэнтных санкцый» прадпрыемствы вымушаны браць крэдыт каб выплаціць заробкі працаўнікам

«Гомсельмаш» перажывае сур'ёзны крызіс. Як стала вядома ад крыніцаў, звязаных з прадпрыемствам, Завод ліцця і нармаляў (ЗЛіН), які ўваходзіць у склад абʼяднання, быў вымушаны ўзяць крэдыт у банку, каб выплаціць заробкі работнікам у пачатку 2025 года.

Прадпрыемства ўжо працяглы час працуе са стратамі, не хапае спецыялістаў, праз што кіраўніцтва вымушанае перакіроўваць работнікаў з адных падраздзяленняў у іншыя, нярэдка нават не паводле профілю іхнай асноўнай дзейнасці. Гэта адмоўна ўплывае на агульную якасць вырабленай прадукцыі.

Прадпрыемства значна залежыць ад рынку Расеі, аднак эксперты прагназуюць у 2025 годзе далейшае зніжэнне попыту на сельгастэхніку на 10–15 %.

🤡 Трамп увёў пошліны, спасылаючыся на неіснуючага эксперта

Пра гэта заявіла вядучая тэлеканала MSNBC Рэйчэл Мэдоў. Яна сцвярджае, што Доналд Трамп аб'явіў «Дзень вызвалення», спасылаючыся на даследаванні эканаміста Рона Вара... якога ў рэальнасці не існуе 🫣

Паводле Мэдоў, Трамп выдумаў сабе фэйкавага дарадцу дарадцы, каб падтрымліваць ідэі, якія сам і вылучае.

😮 Прозвішча Вара ўтварылася ў выніку перастаноўкі літар у імя Пітэр Навара – рэальна існуючага прафесара эканомікі і суаўтара кнігі «Смерць ад Кітая», на якую ў 2017 годзе наткнуўся зяць Трампа Джарэд Кушнер. Пасля чаго Навара запрасілі ў каманду Трампа, дзе ён стаўся ключавым лабістам пошлін і пачаў распаўсюджваць аналітычныя запіскі ад імя выдуманага эксперта.

❗️ У Берасцейскай вобласці збіраюцца ўключаць сігналы трывогі

Як адзначаюць у МНС, праверка сістэмы апавяшчэння насельніцтва з уключэннем электрасірэнаў мае тэхнічны характар і не патрабуе ад жыхароў ніякіх дзеянняў.

Ведамства заклікае насельніцтва захоўваць спакой і не панікаваць.

Прычыны частых тэхнічных праверак сістэм апавяшчэння ў Берасцейскай вобласці афіцыйна не тлумачацца. Але адзначаецца, што апошнім часам падобныя мерапрыемствы сталі больш рэгулярнымі ў рэгіёнах Беларусі, што мяжуюць з Украінай.

❤️ Тонкая іронія, укулеле і беспрацоўнае дрэва

Паглядзіце відэа з канцэрта-прэзентацыі новай кнігі Святланы Бень «З ямкі земляной».

Сюжэт цалкам глядзіце ў праграме «Раніца з Белсатам»

🔴 «Аб'ектыў» і «Студыя Белсат» – галоўныя падзеі дня!

У сённяшнім выданні:

🔸Як ліхаманка на біржах адаб’ецца на Беларусі ды нашай эканоміцы?

🔸Ці мог бусік з паўтонаю выбухоўкі незаўважана пакінуць Польшчу і наколькі праўдападобная гэтая гісторыя?

🔸Менскія ўлады ўводзяць абмежаванні для арэндных самакатаў. Што зменіцца?

🔸Пра што казалі пра Беларусь на міжнароднай канферэнцыі ў Варшаўскім універсітэце

Далучайцеся да нашага эфіру ⤵️

https://www.youtube.com/live/GxdTIE59iEE

📌Акумулятарны завод, супраць якога некалі пратэставалі берасцейцы, скарачае штат і сыходзіць у прастой

Пра сыход у прастой «Еўрарадыё» паведамілі ў аддзеле кадраў прадпрыемства. Нагодай для званку сталі чуткі, што завод можа неўзабаве зусім закрыцца.

З чым звязаная неабходнасць прастою і колькі супрацоўнікаў скароцяць, не ўдакладняецца.

😢 За 100 дзён былі забітыя амаль мільён чалавек

7 красавіка 1994 года пачаўся адзін з самых кровапралітных генацыдаў у гісторыі – генацыд супраць тутсі ў Руандзе.

Распавядаем, што там адбывалася 30 гадоў таму.

📍У сувязі са знікненнем Мельнікавай польскія праваахоўнікі правяраюць пагрозы ў бок Латушкі

Польскія службы ладзяць дадатковае правяранне для ацэнкі патэнцыйных рызыкаў і пагроз у адносінах да Паўла Латушкі, паведамілі ў прэс-службе НАУ ў адказ на запыт карэспандэнта «Белсату».

Падрабязнасці чытайце на нашай старонцы.

🤯💅 Мастацтва і крыху вар'яцтва

Грыбы, зубы і мушкі на пазногцях – сапраўдны трэнд, які задаў беларус Аляксей Вашкевіч ☝️

Сюжэт цалкам глядзіце ў пранраме «Раніца з Белсатам»

💥 #галоўнае за 7 красавіка

✔️ Mark Formelle выпусціў сумесную калекцыю з Бузавай

✔️ Фірмы, заснаваныя беларусамі ў розных краінах, гандлююць падсанкцыйнымі таварамі

✔️ «Зеркало» патэлефанавала былому мужу Анжалікі Мельнікавай Андрэю

✔️ «Гомсельмаш» вымушаны браць крэдыт каб выплаціць заробкі працаўнікам

✔️ Трамп увёў пошліны, спасылаючыся на неіснуючага эксперта

✔️ У Беларусі хочуць забараніць выкарыстанне ўсесезонных шынаў зімой

✔️ У КНДР адкрылі першы камп’ютарны клуб без камп’ютараў

#рэпрэсіі:

▪️Прапагандысты паказалі затрыманага ваяра-каліноўца

▪️У Беларусі ёсць спіс забароненых кніг, а ёсць «экстрэмісцкіх матэрыялаў». У чым розніца

▪️ Праваабаронцы прааналізавалі дынаміку рэпрэсіяў у Беларусі