በማለዳ ንቁ ቁጥር ! ፪

ስለዚህ ዓለም በዚህ ዘመኗ አርጅታብናለች፡፡ ከፀሐይ በታች ምንም አዲስ ነገር የለም የሚለው የሕይወት ጽሑፍ በገሐድ እንደጋራ ይነበበን ጀምሯል፡፡ ሁሉ ነገር ጥለነው የምንሄደው ከንቱ ድካም እንደሆነ ሲገባን ተስፋ መቁረጥን በምድራችን ላይ አንግሠነዋል፡፡ እንኪያስ መልካም ብለን ስንከባከባቸው በቆዩ የሰውነት እሴቶች ላይ ማመፅ ጀምረናል፡፡ መኖርን አሁን በምናየው ልክ እየለካን አፍንጫችን ሥር ባሉ ጉዳዮች ጭልጥ ብለን መጥፋትን አማራጭ አድርገናል፡፡ ወዴት እንደምንሄድ፣ አድራሻችን የት እንደሚያደርስ፣ አቅጣጫችን ወደ ምን እንደሚመራ አናውቅም፤ የነፍስ ካርታ የለንም!

ሦስተኛውን ቤተ መቅደስ አላወቅነውም፤ ለማወቅም ፈቃድ ያለን አይመስልም፡፡ ከማመን አለማመን ተሽሎናል፡፡ ባሕሪያችን ወደ ዘላለም እረፍት ለመሄድ ይታገለናል፤ ግን መንገዱን ስለማናውቀው የምናደርገውን አጥተን፤ በሌላ በመሰለን መንገድ ስንባዝን ይኸው ዙሪያው ተዘግቶብን አለን፡፡ ወደ ዕፀ ሕይወት እንዳንደርስ የተጋረደው ኪሩብ፤ በሐዲስ ኪዳንም ዘመን ከፊታችን እስከ ሰይፉ ቆሞ የሚታየን ሰዎች ብዙ እንሆናለን፡፡

እስኪ ዝም ብለን እንጠይቅ፡፡ ምንድነው የመኖራችን ዋጋ? ምንድነው የሕይወት ትርጉም? የምንሠራውና የምናውቀው ሁሉ ከሞት ባሻገር ካልተከተለን እንግዲያው ልፋታችን የቱን ሚዛን ይደፋል? ፍጻሜያችን ምንድነው? .. እሺ የምንመኘው ሁሉ ሆነ፡፡ ገንዘቡ ገባ፤ ሒሳቡም ተከማቸ፡፡ ከዛስ? ምንድነው መጨረሻው? ተደሰቶ የመኖርን ብያኔ በውል አውቀነዋል ወይ? ከመብላት፣ ከመጠጣትና ከመዝናኛ ያለፈ ፍጡርነት በኛነት ውስጥ የለም? ካለስ ምንድነው? በእግዚአብሔር ሕልውና ካመንን እህሳ የተናገራቸውን ቃላት እንቀበላቸዋለን? ወይስ አንቀበላቸውም? ሳንወለድ የነበረውን ጊዜ አናውቀውም፤ አናውቀውም ማለት ግን የለም ማለት አልነበረም፡፡ እናስ ከሞትን በኋላ የሚኖረውን ጊዜ ስናስብ ምን እናስባለን? አሊያስ ቀድሞውኑ አናስብም? .. እስኪ ዝም ብለን እንጠይቅ!

መጠየቅና ተረጋግተን ማሰብ ስንጀምር፤ የእውነትን ፈለግ ለመከተል ዕድል እናገኛለን፡፡ መድኃኒቱ "ሕይወትም፣ መንገድም፣ እውነትም" ነው፡፡ ያገኘናል፤ ከተዘጋብን ቅርቃር ያወጣናል፤ ባሕሪያችንን ባሕሪይ አድርጎ በአባት ቀኝ ተቀምጦአልና የምንበላወስበትን ድካም ሁሉ ያውቀዋል! ስላወቀም ይሸከመዋል፤ የእርሱን ቀሊል ቀንበርም ይሰጠናል፡፡ "አሳርፋችኋለሁ" ሲል በወንጌላዊ ማቴዎስ ዘመን የተናገረው ቃል ያለአንዳች ጥርጥር ዛሬም የታመነ ነው፡፡ ይሄም ያረፈ ሰው የሚጽፈው ምስክርነት ነው፡፡ አዎ፤ ሦስተኛውን ቤተመቅደስ ይገነባ ዘንድ ውድ ሥጋውን የቆረሰ ንጹሕ ደሙን ያፈሰሰ አባትየው፤ የታመነ ነው፡፡ ስለ እዚህ ስለተከበረ ሥጋና ደም፤ ስለ ቤተ መቅደስነታችን ማሰብ እንጀምር!


(ጽሑፉ ረዝሞዋል፤ ቢሆንም አንብቡ! እንደተሰጠኝ አቀብያለሁ፤ የቀረው ድርሻ የእጃችሁ ነው፤ "በጎቹ" ድምፁን ይሰሙታል! ይቀበሉ ዘንድ ራሳቸውን ለአባትየው ያቀበሉ ሁሉ የሚገባቸውን ያገኙታል!)

ወደ ሥጋና ደሙ መጓዛችንን እንቀጥላለን. . .
#ጸባኦት_ይከተላችሁ
@bemaledanek

www.tgoop.com/bemaledanek/2379

1.7K viewsNov 2, 2022 at 18:58

ስለዚህ ዓለም በዚህ ዘመኗ አርጅታብናለች፡፡ ከፀሐይ በታች ምንም አዲስ ነገር የለም የሚለው የሕይወት ጽሑፍ በገሐድ እንደጋራ ይነበበን ጀምሯል፡፡ ሁሉ ነገር ጥለነው የምንሄደው ከንቱ ድካም እንደሆነ ሲገባን ተስፋ መቁረጥን በምድራችን ላይ አንግሠነዋል፡፡ እንኪያስ መልካም ብለን ስንከባከባቸው በቆዩ የሰውነት እሴቶች ላይ ማመፅ ጀምረናል፡፡ መኖርን አሁን በምናየው ልክ እየለካን አፍንጫችን ሥር ባሉ ጉዳዮች ጭልጥ ብለን መጥፋትን አማራጭ አድርገናል፡፡ ወዴት እንደምንሄድ፣ አድራሻችን የት እንደሚያደርስ፣ አቅጣጫችን ወደ ምን እንደሚመራ አናውቅም፤ የነፍስ ካርታ የለንም!

ሦስተኛውን ቤተ መቅደስ አላወቅነውም፤ ለማወቅም ፈቃድ ያለን አይመስልም፡፡ ከማመን አለማመን ተሽሎናል፡፡ ባሕሪያችን ወደ ዘላለም እረፍት ለመሄድ ይታገለናል፤ ግን መንገዱን ስለማናውቀው የምናደርገውን አጥተን፤ በሌላ በመሰለን መንገድ ስንባዝን ይኸው ዙሪያው ተዘግቶብን አለን፡፡ ወደ ዕፀ ሕይወት እንዳንደርስ የተጋረደው ኪሩብ፤ በሐዲስ ኪዳንም ዘመን ከፊታችን እስከ ሰይፉ ቆሞ የሚታየን ሰዎች ብዙ እንሆናለን፡፡

እስኪ ዝም ብለን እንጠይቅ፡፡ ምንድነው የመኖራችን ዋጋ? ምንድነው የሕይወት ትርጉም? የምንሠራውና የምናውቀው ሁሉ ከሞት ባሻገር ካልተከተለን እንግዲያው ልፋታችን የቱን ሚዛን ይደፋል? ፍጻሜያችን ምንድነው? .. እሺ የምንመኘው ሁሉ ሆነ፡፡ ገንዘቡ ገባ፤ ሒሳቡም ተከማቸ፡፡ ከዛስ? ምንድነው መጨረሻው? ተደሰቶ የመኖርን ብያኔ በውል አውቀነዋል ወይ? ከመብላት፣ ከመጠጣትና ከመዝናኛ ያለፈ ፍጡርነት በኛነት ውስጥ የለም? ካለስ ምንድነው? በእግዚአብሔር ሕልውና ካመንን እህሳ የተናገራቸውን ቃላት እንቀበላቸዋለን? ወይስ አንቀበላቸውም? ሳንወለድ የነበረውን ጊዜ አናውቀውም፤ አናውቀውም ማለት ግን የለም ማለት አልነበረም፡፡ እናስ ከሞትን በኋላ የሚኖረውን ጊዜ ስናስብ ምን እናስባለን? አሊያስ ቀድሞውኑ አናስብም? .. እስኪ ዝም ብለን እንጠይቅ!

መጠየቅና ተረጋግተን ማሰብ ስንጀምር፤ የእውነትን ፈለግ ለመከተል ዕድል እናገኛለን፡፡ መድኃኒቱ "ሕይወትም፣ መንገድም፣ እውነትም" ነው፡፡ ያገኘናል፤ ከተዘጋብን ቅርቃር ያወጣናል፤ ባሕሪያችንን ባሕሪይ አድርጎ በአባት ቀኝ ተቀምጦአልና የምንበላወስበትን ድካም ሁሉ ያውቀዋል! ስላወቀም ይሸከመዋል፤ የእርሱን ቀሊል ቀንበርም ይሰጠናል፡፡ "አሳርፋችኋለሁ" ሲል በወንጌላዊ ማቴዎስ ዘመን የተናገረው ቃል ያለአንዳች ጥርጥር ዛሬም የታመነ ነው፡፡ ይሄም ያረፈ ሰው የሚጽፈው ምስክርነት ነው፡፡ አዎ፤ ሦስተኛውን ቤተመቅደስ ይገነባ ዘንድ ውድ ሥጋውን የቆረሰ ንጹሕ ደሙን ያፈሰሰ አባትየው፤ የታመነ ነው፡፡ ስለ እዚህ ስለተከበረ ሥጋና ደም፤ ስለ ቤተ መቅደስነታችን ማሰብ እንጀምር!


(ጽሑፉ ረዝሞዋል፤ ቢሆንም አንብቡ! እንደተሰጠኝ አቀብያለሁ፤ የቀረው ድርሻ የእጃችሁ ነው፤ "በጎቹ" ድምፁን ይሰሙታል! ይቀበሉ ዘንድ ራሳቸውን ለአባትየው ያቀበሉ ሁሉ የሚገባቸውን ያገኙታል!)

ወደ ሥጋና ደሙ መጓዛችንን እንቀጥላለን. . .
#ጸባኦት_ይከተላችሁ
@bemaledanek

BY በማለዳ ንቁ ቁጥር ! ፪