Bu yil o’tadigan birinchi darsim Southern Gothic edi. Ayni detektiv va qotillik romanlari haqida ma’ruza berayotib, xuddi shunday qilmoqchiman. Chunki, birinchi kurs talabalari qaysi jinnixonaga kelishganini anglashsin. 🤗

Bugun Zabarjad Media ofisida edim. Jamoa bilan ancha ishlarni pishitdik. Rejalarimiz va pinhon yutuqlarimizni yaqin kunlarda @ZabarjadMedia kanalidagi ovozli suhbatimizda bilib olishingiz mumkin.

Savol va takliflarni ham shu yerdan bersangiz bo’ladi.

Singlinga maktabdan… emas, universitetdan qachon chiqasan, deganingda uning ulg’ayganini sezasan…

(Rivoyatti horam qilish xizmati: va uning kontraktini sen to’lashing esga tushadi 🗿)

Birpasda yigirma beshmi? Hech narsa qilmasdan?

Yo’q… Nimadirlar qildik. Nimadirlar qilamiz. Yashaymiz hali :)

Oxirgi marta qaysi video o’yinni o’ynadingiz yo o’ynayapsiz? Tavsiya qilasizmi?
Horizon Zero Dawn o’ynagim bor, lekin vaqt qizg’anyapman…

***

овозимда кузнинг мотами
овозимда қишлади қушлар
овозимда шафақнинг таъми
овозимда совуқ оғушлар
овозимда оқсаган турна
овозимда шиша синиғи
овозимда ташланди қуръа
овозимда сувлар тиниқди
овозимда додлади дорлар
овозимда хўрланди ватан
овозимда қонли баҳорлар
овозимда яланғоч бадан
овозимда оҳлар бор фақат
овозимда ҳуррам хиёнат
овозимда синиқди сарҳад
овозимда қўпди қиёмат
овозимда оғриди ҳечлик
овозимда тупроқнинг ҳиди
овозимда тебранди бешик
овозимда кунлар қасд қилди

овозимда кузнинг мотами...

7.12.2022

Мирзоҳид

@bobil_kutubxonasi

Bu safar Quvonch va Sa’dulla bilan “Taxtlar O’yini”, tarjima, nashriyot ishi, 1000kitob loyihasi va boshqalar haqida suhbatlashdik.

https://youtu.be/BfbgUp6pZeQ

Bugun “Qirollar To’qnashuvi” dan bir chiroyli 18+ sahna o’girdimki tillarga doston.

I don’t know if GRRM is a pervert, but I am. 🌞⚔️

Араб ярим оролида немис инженерига талаб катта. Ҳар қандай механизм ëки иншоотни, қанча пул кетса ҳам, немис қурсин, деган алоҳида интилиш бор. Араб шайхи ўз умматдоши қурган кўприкдан ўтишга қўрқади. Қўлига албатта Цюрихдаги немис ясаган Швейцария соатини тақади. Чунки бу соат сиратул мустақим. Вақтни тўғри кўрсатади....
Ҳозир эслайдиганим эпизод кўпчиликка ëқмаса ҳам факт фактлигича қолади.
Бу фактни устоз Фитрат ҳам ўрганган.
Андижонда рус босқинчиларга қарши исëн кўтарган мингтепалик муҳтарам Дукчи эшон схоластик илмлар, хусусан, сўфийлик тариқати билимдони бўлган.
Аммо бу киши сопромат, физика, чизма геометрия каби фанлардан бехабар бўлган (факт).
Дукчи эшон бир қўлим ҳунарда бўлсин, деб, аëллар калава ўрайдиган дук (йик¸ найча) ясаб сотган. Русчаси чельнок.
Эшон бово қўлига тол хивични олиб, пакки билан бармоқдай қилиб кесиб, ичини бигиз билан тешиб дук ясаган.
Ўша даврда дук жуда арзон бўлган. Чорнинг бир тийинига бир сават дук берган.
Яъни юзта дук сотган одам зўрға нон олиб еган.
Аммо ҳийлаи шаърий асосида Эшон бува ясаган дук табаррук, дея астрономик нархда сотилган ва дук сифатида ишлатилмаган.
Эшон бовони таварик дуки, деб, одамлар ихлос қилиб, сотиб олишган. Олиб сотишган.
(Худди черковдаги шағам хозмагдагидан қиммат бўлгани каби)
Эшон бовони хонақоҳида юзлаб одамлар шу дук олди соттисидан тушган пул ортидан пишган шавлани еб кун кўрган.
(паразитлик ҳар доим бор бўлган иллат)
Шу хонақоҳда битта кичикроқ минора ҳам бўлган. Эшон бово шу минорани бўйини узайтириб, муаззам қилмоқни ихтиëр этдилар.
Минорани устига яна уч-тўрт метр ғишт ўриб бўйини узатинг, дедилар муҳтарам.
Дукчи эшон яхши лидер, босқинчига қарши қўрқмай курашган уламо бўлса ҳам, инженер эмас эди.
Минора пойдевори буни кўтара олмаслигини ҳисоб-китоб қилмади. Куф суф қилсам, минора фундаментининг чидамлилиги ошади, деб хато ўйлади.
(ëки умуман ўйламади)
Хуллас, физика қонунларига зид равишда минорани бўйи узатилди. Эшон бово ва сон-саноқсиз муридлари саф бўлиб минора тагида номоз ўқишди. Ҳамма рукуга кетган пайтда минора гумбирлаб, одамлар устига қулади.
Ўлганлар ва ярадор бўлганлар бор эди.
Физика қонуни Эшон бовонинг иродасидан устун келган эди.
ТБ (Техника хавфсизлиги)га риоя қилмаган уламо устидан Чор ҳукумати жиноят иши очди.
Аммо Дукчи эшон Чор генералларига пора бериб, ишни бости-бости қилди....
Хуллас, бу ерда ўзбек раҳбарига хос уч камчилик кўринади:
Биринчиси, "откат" - "йўқ нарсадан соққа қилиш".
Иккинчиси, "ҳамма нарсани ўзим биламан. Ўзим архитектор, ўзим инженерман," деган ўзбиларманлик.
Учинчиси эса, "пора билан ишни бости-бости қилиш".
Шу билан бирга "от десанг отаман, ëт десанг ëтаман", дейдиган масъулиятсиз ўзбек хизматкори тийнати ҳам намоëн бўлди.
Ҳеч ким "Эшон бово, бу минорани узайтириб бўлмайди," демаган. Демайдиям. Чунки "каттани айтгани - тўғри" "Катта Худо".
Албатта Дукчи эшоннинг ўрис босқинчиларига қарши чиққани шоëн таҳсинга лойиқ. Аммо айтмайдиларми ойда ҳам доғ бор¸ беайб парвардигор деб.
Энди тушунгандирсиз нега араб ярим оролида немис инженерига талаб катта эканлигини.
Кўприкни мустаҳкам қуриш каби сиратул мустақим нималигини немисдан сўранг.
Немис эса мактабда физика фанини ўқиган.


https://www.tgoop.com/spitamen10

Bugun taksida kunlik mutolaa rejamni to’ldira turib, bu rejaning qachon rutin holiga kelganini esladim.

O’n olti yoshmidim, bilmadim. Qisqasi, Shayx Muhammad Sodiq Muhammad Yusuf haqida bir video ko’rdim. U odamning kunda yuz bet o’qishgani borasida gapirilayotgandi. Ikki yillar o’tgach, TV’da ishlagan mahalim Xayrulla Hamidov aka bilan bitta xonada o’tirardik. Suhbatlarimizdan birida ham ular Shayxning bu odatini ko’p alqashgandi. Bobom ham bu odamni hurmat qilganini bilgach, ular haqida ma’lumot to’play boshladim.

O’sha paytlar Freyd haqida endi o’rganish boshlangan, psixoanaliz esa asosiy qiziqishimga aylangandi. Shunda Shayxga (uzr, hazrat qo’shimchasi menga biroz erish tuyuladi) Freyd haqida berilgan savolni o’qidim. U kishi esa hech qanday diniy gaplarsiz Freydning ko’p nazariyasi bugunga kelib eskirgani va yaroqsiz holga kelganini tushuntirib berishgandi.

Aynan shu va yuqoridagi yuz betlik mutolaa odati menga boshqacha ta’sir qilgan va men ham kuniga kamida ellik bet o’qishni odat tusiga kiritgandim.
Bugun ko’pchilik menga ko’p o’qish toliqtirishi, miyamga dam berishim kerakligini aytadi. Vaholanki, aslida kunning eng jozib soatlari shu men uchun. Tashqi dunyo holdan toydiradi.

Gap bunda ham emas. Bugun Freydni ilmiy taraflama rad qilish tugul nechta diniy avtoritet u haqida bemalol gapiroladi? Uni kofir yo johil demay holis fikr bildiroladi?
Dindor emasman. Hatto, biroz ochiq aytadigan bo’lsam, din bilan aloqam yo’q. Biroq, Shayxni doim hurmat qilganman. Shunday ulamolar ko’paysa, menimcha hech kim qarshilik qilmasa kerak.

O’zingiz uchun diniy ideal izlayotgan paytingiz, yagona ishi lgbt yo boshqa haqida vasvasa bilan ma’viza o’qiydiganlarni emas, to’g’ridan to’g’ri shayxni tanlashingiz foydadan holi emas, menimcha. Chunki, dunyoviylikdan uzilmay, dogmalarsiz, faqat bilmoq va o’rganmoq bilan Tangriga yaqinlashuvni shu odam o’rgatoladi chamamda.

Mirzohid

@bobil_kutubxonasi

Men o’zbekcha gapirsam ham ruscha javob beradigan o’zbekistonliklar… Men va boshqa millionlab o’zbek tillilar to’lagan soliq bilan bu mamlakatda yashashga loyiq emassizlar…

Kuzning ilk kitoblaridan ❤️

Tarjimonlik faoliyatimning o’zim faxrlangan eng nurli lahzasi bo’lsa kerak…

Game of Thrones uchun shartnomani elektron imzolagandik. Masofalar sabab, albatta. Jorj amaki men haqimdagi ma’lumotni ko’rib, kitobni chevarasi tengi odam o’girganidan hayron bo’lgan ekan.
To’g’ri, yuz ko’rishmaganmiz, hech gaplashmadik, hatyo imzolarimiz ham kompyuter orqali bo’ldi, lekin uning nomi ostidagi nomim turgani ham qandaydir boshqacha tuyuladi.
Keyingi kitoblari ham yaqin…

Milliy Kutubxonada Omina Sha'nliko'g'lining kitoblari taqiqlanganini eshitdim. Va, bundan xursand bo'layotganlar bor.

Bu endi uyg'onayotgan kitobxonlik bilan birga demokratik tanlov erkinligiga ham juda katta zarar. Kitoblar yo saviya haqida gapirmayman. Hammamizga ma'lum va bir vaqtning o'zida, did o'ta mahram narsa. Hech kimga verbal zarari tegmayotgan narsani taqiqlolmaysiz.

Bunday holatlarda Eron esimga tushadi. Uyoqda ham azbaroyi modernlashuv uchun dindorlarning eng katta mezonlariga bolta urildi. Bugun esa forslar oddiy insoniy huquq bo'lmish kiyinish erkinligi uchun ham kurashishmoqda.

Shanliko'g'lining kitoblarini Islomning tamal qomusiy matni deyishdan yiroqman. Albatta unday emas. Hatto, bu kitoblarda Islomning o'ziga ters g'oyalar ham bor, deyishadi. Ammo, gap diniy emas, qonuniy normalarda bo'lishi kerakmasmi? Biz bunday kitoblarni ko'p tanqid qildik, rost, lekin taqiqlansin demadim shaxsan. Pornografikmidi? Yo'q. Ekstremizm yo davlat to'ntarilishiga oidmidi? Yo'q. Menga yoqmasligi mumkin, ammo taqiqlanishi demokratik davlat qonunlariga zid.
Modomiki Diniy Qo'mitami yo Musulmonlar Idorasimi ishqilib unga qarshi ekan, nega hamma chiqarib yotibdi? Agar bu kitob chiqib bo'lgan va mashhurlashgan, o'sha muassasalarning diniy g'alviridan bilinmay o'tib ketgan bo'lsa, Xudo biladi yana qanday zararli g'oyalarni ichiga olgan kitoblar aylanib yurgan ekan? Bu holatda o'sha, kitobni taqiqlagan muassasalarning o'zini e'tiborsizlik, ishini to'g'ri bajarolmaslik, shu orqali davlat byudjeti, vatandosh to'lagan soliqni yeb yotish va agar kimningdir fikri bilangina bu ishni bajargan bo'lsa, muassasaviy ahloq va prinspdan mahrum, subutsiz tashkilot sifatida ayblashimiz kerakmasmi? Masalaning bu tarafi ham bor.

To'g'ri, davlat siyosati o'zgarar, kecha tabarruk bo'lgan g'oya bugun xalqqa xiyonat sifatida ayblanar, lekin bu kitobning minglab muxlisi bo'lsa, demak taqiqlaganlar ham o'sha muxlislarga ikki enlik tushuntiruv qarzdor.

Bugun boshimizda sekulyar hukumat bor. Lekin, ertaga dinni siyosiy qurol sifatida ishlatadiganlar kelib qolsa, Xudo ko'rsatmasin, ularning biz bugun intellegensiyani qurishga harakat qilayotgan kitoblarimizni taqiqlamasligiga hech kim kafolat bermaydi.

Senzura buyruqlar yo bugunni ko'zlab emas, strategik totuvlik maqsadida amalga oshirilishi va hurmat bilan tushuntirish orqali taqdim qilinishi kerak.

Mirzohid

@bobil_kutubxonasi

Italiyada ta’lim olayotgan vatandoshimiz ta’limini davom ettirish uchun kitoblarini sotayotgan ekan. Ham kitobli bo’lish, ham ta’limga hissa qo’shish uchun quyidagi link orqali kanaliga kirishingiz mumkin.

https://www.tgoop.com/+GphpoZCuyBxjNTFi

Buni unutmaylik :)

“Kirka” va “Nyu York Trilogiyasi” haqida ham gap bo’ladi. 🦌

Boshladik

https://www.tgoop.com/ZabarjadMedia?livestream