tgoop.com/bookmohammed/57
Last Update:
#المسؤولية
تعرف شنو إللي يخلي أبوك يفتر تالي الليل يطفي اضوية البيت ؟
ويسد الحنفيات ؟
ويتأكد من ريحة الغاز ؟
ويعيط بيك اذا دكيت جرس الباب حيل ؟
تعرف شنو إللي
يخليه ينصحك بكلام مكرر وهو متأكد إنك مراح تنفذه ؟!
زين تعرف ليش الدنيا تنسد بوجهه و يمكن أكثر منك هم من تاخذ درجة مو زينه ب الامتحانات وانت ب المدرسه؟
عوف هذا كله تعرف شنو الي يخليه فرحان جداً ومرتاح نفسياً وانت تصرف فلوسه وترفه عن نفسك بشغلات زينه.
الضغط والسكر والقلب من عصبيته على شغلات تافهة من وجهة نظرك؟ شنو سببها ؟
اني مثلك هم جنت ما اعرف اقدر عمله وماعرف شنو السبب..
بس من كبرت ووصلت لعمر معين لكيت نفسي فهمت السر ..
المسؤولية..
المسؤولية هي تخليك تفرح وتستمتع بإبنك وهو ياكل ويشرب ويلبس ويصرف ويدرس وينطي رأيه ويكون صاحب مبدا ..
أكثر من فرحتك ومتعتك من إنت شخصياً تسوي ذني كلهن ..
المسؤولية هي تخليك شايل هم مستقبل إبنك بالوكت إللي هو نفسه مو مهتم بالحاضر ..
من تكبر وياخذك العمر راح تحس بكل هذا ..
لازم تعرف حقيقه عظيمة وهي ( حذاء ابوك) كدام باب البيت ميتقدر بثمن
#رحمك الله والدي العزيز🥺💔
BY أرشيف كتبي مع ابيات شعرية ومقالات
Share with your friend now:
tgoop.com/bookmohammed/57