tgoop.com/booktional/6831
Last Update:
Zamonaviy insonning eng katta muammosi — uyqu vaqtini yo'qotganidir. Uyquning ham jismoniy, ham ijtimoiy ahamiyati juda katta.
Vaqtdan baraka uchayotgan vaqtda "umrim tez o'tib ketyapti" deganlar, qachon yotib, qachon turayotganiga e'tibor bersin. Uyqu vaqtini pisand etmaydiganlarning umri va rizqida baraka bo'lmaydi. Buni barcha — dindor-u dinsiz, musulmon-u nasoro... tan oladi.
Bu uyqu tundagisidir, kunduzgisi emas. Qur’onda bu alohida ta’kidlanadi: “U siz uchun kеchani libos, uyquni istirohot qilgan va kunduzni tirilish (zamoni) qilgan Zotdir.” (Furqon surasi, 47-oyat).
Albatta, kunduzgi uyqu ham ta’kidlanadi, lekin inson hayotida eng muhimi – tundagi uyqu.
Xitoyda ishlayotganimda xitoylik professor erta turishning afzalliklari haqida so'zlab, meni hayratda qoldirmoqchi bo'lgandi.
Benjamin Franklinga nisbat beriladigan mashhur maqolni eslaylik: “Early to bed and early to rise makes a man healthy, wealthy, and wise." (“Erta yotish va erta turish insonni sog’lom, boy va dono qiladi.”) deyiladi.
Uyqusiga e’tibor qilmagan odamda kasalliklarga moyillik ortib boradi, tushkun, tund, odamovi, jizzaki, sirkasi suv ko’tarmaydigan, asabiy, odam yoqtirmaydigan… bo’ladi.
Vaqtini barakali bo’lishini istagan odam uyquga e’tibor berishi lozim. Uyqu vaqti qat’iy bo’lishi kerak. Uyqu vaqti esa fasllarga qarab o’zgarib boradi. Eng ideal uyqu vaqtini esa yil davomidagi bomdod va xufton namozlari vaqtlariga qarab belgilasa bo’ladi.
Uyquning buzilishi va vaqtiga amal qilmaslikning ilk belgilaridan – ertalab turganda boshdagi yengil og’riq, charchoq, garangsirashdir.
Vaqtdan baraka ketdi, deyishdan avval tungi uyqu vaqtiga e’tibor berib qo’ying!
BY Kitoblarda(n)..đź“š
Share with your friend now:
tgoop.com/booktional/6831