💥 प्रेरणादायी विचार💥@borkarvs P.1201

💥 प्रेरणादायी विचार💥

व्यथा मांडायच्या होत्या त्यांच्या
पण शब्द सुचेना...
कारण तो जगतोय कवितेतील दुःख
दररोजची उपासमारी
अनंत यातना!
यां जीवघेण्या नेहमीच्या नापिक्या
त्यांना आकार नाही उकार नाही,
गोल गोल फिरत राहतात रात्रंदिवस
त्याच्या भोवताल फक्त!
ती दिवाळी तो दसरा
नव्हताच त्याचा कधी
आणि झाला ही नाही म्हणा..!
तोंडाशी घास आला की पडलाच वादळाने
मग ओलं होत पीक,
गळून निजते धर्तीवर!
पाहिलेले स्वप्नं वाहून जाते अवकाळी पावसाने!
राख झालेल्या स्वप्नाची
सरकार दरबारी दखल कुठं असते ?
विस्तवावरचे जगणे त्याचे
पीक झुकलेले पाहून रडणे!
घरची सफाई कुठं?
यां कुजलेल्या दाण्याने
वास मारते घरं सणासुदीला!
अन प्रकाशाची झगामगाट कुठं?
आजही मातीच्या तेलाचा दिवा जळतो घरात!
शिक्षणाची भारी हौस
पोर हुशार ही तेज फार
पैश्यापायी पोर खातात मार
डिग्रीच्या पुढे शिक्षण घेई पर्यंत
बाप म्हातारा होऊन जाते!
जबाबदारी आली की
शिक्षणाची दोरी तुटते!
ओढायचा असतो रथ घराचा
स्वप्नं विखूरतात सारे
स्वप्न कुठे शेतकऱ्यांच्या,
मुलाला बरं असते!
तो हताश होत राहील
वेदनेने मरत राहील
आम्हा काय फरक त्याचा
आमचे पोट तर भरत राहील!
✍ऍड. विशाखा समाधान बोरकर
रा.पातूर जि.अकोला
27/10/2022

www.tgoop.com/borkarvs/1201

1.3K viewsAdv.Vishakha S.Borkar, Oct 27, 2022 at 04:31

tgoop.com/borkarvs/1201

Create: 2022-10-27
Last Update: 2025-02-16 09:36:03

BY 💥 प्रेरणादायी विचार💥

Share with your friend now:
tgoop.com/borkarvs/1201

Telegram News

व्यथा मांडायच्या होत्या त्यांच्या