💥 प्रेरणादायी विचार💥@borkarvs P.1257

💥 प्रेरणादायी विचार💥

आस
तू येशील कधी तरी ही आस डोळ्यात
गेली कित्येक महिने तिच्या होती
"तू इथेच थांब मी येतो"
ती थांबली तिथेच
कारण पुढे चालता यावं असे वय थोडीच...
थकलेले हात, निर्जीव शरीर कुठं चालत जाईल बरं!
येणारी प्रत्येक गाडी ती शोधत राहिली
डोळ्यातील आसवांचे फुले वाहिली
तो रस्ता, ती माणसे
आणि आता निर्जीव झालेले मन ही
सुन्न सुन्न होतं गेले वाट पाहता
मग ती जागाच तिचे घर झाले
गळयात तिच्या सूर
आणि सुराने दिली हाक
सूर तिच्या पोटाची भाकर झाले..
एकदा दिसला तो
आईला वाटले घ्यायला आला असेल लेक
तो पुढे आला...
कागदाचा तुकडा पुढे केला
आई तुझा नातू बिमार आहे,
घर तुझ्या नावावर आहे
सही कर म्हणाला
ती शब्द नं बोलता सही करून गेली...
थैलीतील कमवलेली शिदोरी पुढ्यात ठेवली
हे पाहून लेकाला थोडीही लाज नाही वाटली
शिदोरी घेऊन त्याने एकट्यानेच वाट धरली
आईने अश्रू पुसले
लेकाला जातांना पाहता पाहता
ते ठिकाणच तिचे झाले
शेवटची आस तिची कायमची मावळली
अश्रूचा शेवटचा थेंब तिथेच थांबला गालावर
पुढे वाहिलाच नाही..
श्वास तिथेच थांबला
हाक द्यायची होती
शब्द फुटेना
कारण डोळे तर उघडे होते वाट पाहता
पण जीवन मिटले होते आस संपता

ऍड विशाखा समाधान बोरकर
रा.पातूर जि. अकोला
28/12/2022

www.tgoop.com/borkarvs/1257

794 viewsAdv.Vishakha S.Borkar, Dec 28, 2022 at 05:01

tgoop.com/borkarvs/1257

Create: 2022-12-28
Last Update: 2025-02-15 11:07:46

BY 💥 प्रेरणादायी विचार💥

Share with your friend now:
tgoop.com/borkarvs/1257

Telegram News

आस