نُورٌ مِن الله🖤🌷.

أنا أساسًا ياهو من جات الحرب دي نزحتا مع النازحين
وهسي الايَّامات دي نازحة فوق النزوح -إن شاء الله تكونو فهمتوني- 😂!

المهم
كنتَ مستاءة شديد صراحةً من فكرة عدم الاستقرار دي وإني كل كم يوم والتاني مُضطرة أسافر أو ارحل من بيت لي بيت ومن قرية لي قرية وهكذا حسب الظروف والمُتَاح!

فكرة إنك ما في بيتك ولا وسط أخوانك، فكرة إنك ممكن تكون عاصر على الناس أو عالة عليهم الحاجة دي مزعجة للغاية حقيقي

وفي عز تفكيري وسفري ده
اتذكرت لما شيخنا درَّسنا سورة الزلزلة، تحديدًا تفسيرو لقولهِ تعالى: "يومَئذٍ تُحَدِّثُ أخبارها"
فكان قال لينا في فوائد الآية دي إنو الإنسان يُكثِر من شهود الخير لهُ في الأرض لأنها بتشهد ليك يوم القيامة

الأرض دي أي شي سوّيتو فيها= ح تجي يوم القيامة وتقول عمل فيني كذا وكذا، فإن كانَ خيرًا فخير، وإن كان شرًا فاللهُ المستعان!
في الآية دي اتعلَّمنا إنو
"الأماكن التي ترفع فيها صوتك بالذّكر والتكبير ستَشهد لك"

الحاجة دي كانت بالنسبة لي سلوى كبيرة في عز حُزني، لأننا لولا الحرب دي ما كان نزحنا ولا كان مرّينا بالأماكن اللي مرينا بيها دي

فبقيت كلما اُضطَر للسفر، استشعر إنو الأرض اللي أنا فيها حاليًا دي قَد ما أكون مرتاحة فيها صحيح، لكن الحمدللهِ إنها يوم القيامة ح تشهد إني أدركت فيها صلوات، وتلوتُ فيها قرآن وذكرتُ فيها الله، وهكذا
والحاجة دي كانت دافِع ومُحَرِّك لَي للعَمَل وللهِ الحمد..♥️

وختامًا الناس بَس تحاول تصبّر نفسها الأيام دي بتكرار الآية الكريمة:
"كُتِبَ عَلَيكُمُ القِتالُ وَهُوَ كُرهٌ لَكُم وَعَسى أَن تَكرَهوا شَيئًا وَهُوَ خَيرٌ لَكُم وَعَسى أَن تُحِبّوا شَيئًا وَهُوَ شَرٌّ لَكُم وَاللَّهُ يَعلَمُ وَأَنتُم لا تَعلَمونَ"

وبإذن الله لَمَّا:
بُكرَة نرجع لي بيوتنا ويبقى كل الفات حِكَاية
نرجع وميزاننا ثَقِيل بالخير إن شاء الله، وما تنسو الصيام في أيام محرم، والدعاء لقوَّاتنا المُسَلَّحة بالنَّصر العزيز♥️

#صفِيّة_مُصطفى

www.tgoop.com/bvnho/1539

267 viewsJul 20, 2023 at 21:08

أنا أساسًا ياهو من جات الحرب دي نزحتا مع النازحين
وهسي الايَّامات دي نازحة فوق النزوح -إن شاء الله تكونو فهمتوني- 😂!

المهم
كنتَ مستاءة شديد صراحةً من فكرة عدم الاستقرار دي وإني كل كم يوم والتاني مُضطرة أسافر أو ارحل من بيت لي بيت ومن قرية لي قرية وهكذا حسب الظروف والمُتَاح!

فكرة إنك ما في بيتك ولا وسط أخوانك، فكرة إنك ممكن تكون عاصر على الناس أو عالة عليهم الحاجة دي مزعجة للغاية حقيقي

وفي عز تفكيري وسفري ده
اتذكرت لما شيخنا درَّسنا سورة الزلزلة، تحديدًا تفسيرو لقولهِ تعالى: "يومَئذٍ تُحَدِّثُ أخبارها"
فكان قال لينا في فوائد الآية دي إنو الإنسان يُكثِر من شهود الخير لهُ في الأرض لأنها بتشهد ليك يوم القيامة

الأرض دي أي شي سوّيتو فيها= ح تجي يوم القيامة وتقول عمل فيني كذا وكذا، فإن كانَ خيرًا فخير، وإن كان شرًا فاللهُ المستعان!
في الآية دي اتعلَّمنا إنو
"الأماكن التي ترفع فيها صوتك بالذّكر والتكبير ستَشهد لك"

الحاجة دي كانت بالنسبة لي سلوى كبيرة في عز حُزني، لأننا لولا الحرب دي ما كان نزحنا ولا كان مرّينا بالأماكن اللي مرينا بيها دي

فبقيت كلما اُضطَر للسفر، استشعر إنو الأرض اللي أنا فيها حاليًا دي قَد ما أكون مرتاحة فيها صحيح، لكن الحمدللهِ إنها يوم القيامة ح تشهد إني أدركت فيها صلوات، وتلوتُ فيها قرآن وذكرتُ فيها الله، وهكذا
والحاجة دي كانت دافِع ومُحَرِّك لَي للعَمَل وللهِ الحمد..♥️

وختامًا الناس بَس تحاول تصبّر نفسها الأيام دي بتكرار الآية الكريمة:
"كُتِبَ عَلَيكُمُ القِتالُ وَهُوَ كُرهٌ لَكُم وَعَسى أَن تَكرَهوا شَيئًا وَهُوَ خَيرٌ لَكُم وَعَسى أَن تُحِبّوا شَيئًا وَهُوَ شَرٌّ لَكُم وَاللَّهُ يَعلَمُ وَأَنتُم لا تَعلَمونَ"

وبإذن الله لَمَّا:
بُكرَة نرجع لي بيوتنا ويبقى كل الفات حِكَاية
نرجع وميزاننا ثَقِيل بالخير إن شاء الله، وما تنسو الصيام في أيام محرم، والدعاء لقوَّاتنا المُسَلَّحة بالنَّصر العزيز♥️

#صفِيّة_مُصطفى

BY نُورٌ مِن الله🖤🌷.