tgoop.com/bymafaz/67991
Last Update:
يلا نبدأ 🌚💛.!
شايفه قلتو نتكلم عنهم الاتنين بس ح اتكلم عن الشعر اسي و البشرة يوم تاني 🥺💛.
المهم ح اديكم نبذه عن البعرفو انا 🫶🏻💛.
#الشعر.
اهم شي اول تعرفي مسامية شعرك اذا كانت منخفضه او متوسطه او عاليه.
و دا علشان تعرفي المنتجات البتنفع معاك و بتفيد شعرك.
طب اقول شي مختصر عن المساميات.
المنخفضه يعني ما بتمتص المويه بسرعه و ما بنشف بسرعه بتحتاجي لترطيب اكتر من البروتين لانو مسامات شعرك already مقفولة و ضيقة و اي كريم تقيل و فيه بروتين عالي حيقعد في سطح الشعرة و م حيخش و الشعر ما حيستفيد منو و حيعمل قشره ف احسن تجيبي كريم فيه البروتين منخفض.
و ترطبي كتير.
المساميه العاليه الشعر بكون دايما في حاله نشاف و تساقط و بكون شكلو باهت و بحتاج لبروتين عالي و كمان لترطيب في منتجاتك البتستخدميها عشان يقوي الشعر.
و لو انتي محظوظه شعرك حيكون مساميتو متوسطه 😂💛.
و هنا الشعر بمتص المويه و بطلعها بشكل طبيعي و عادي ممكن تستخدمي منتجات فيها ترطيب و بروتين و كلها بتنفع معاك 💛.
ماسكات للشعر اكيد السدر المتصدر القائمة 😂🫶🏻💛💛💛.
فوائد السدر للشعر 🥹💛💛💛.
تعزيز نمو الشعر وزيادة كثافته
تنشيط بصيلات الشعر وذلك بفضل خصائصه الطبيعية التي تعمل على زيادة كثافة الشعر .
تمنح الشعر اللمعان الطبيعي.
تقوي جذور الشعر
تقلل التساقط، مما يعزز نمو الشعر السميك.
توفر حماية إضافية من الشمس والمؤثرات اليومية 💛💛.
ماسك لترميم الشعـر التالف 💛.
- حل سحـري لنفشـة الشعر
- بحل مشڪلة الشعر التالف من الصبغات
- ينعم ويرطب الشعـر
• المڪونات ✨💛:-
- ملعقـة زيت جوز الهنـد .
- ملعقـة عسـل .
- ملعقتين مايونيـز .
- صفـار بيضـة .
تخلي الماسك على اطراف الشعـر و تغطيه بڪيس بلاستيك لمدة ساعة و تغسليه.
و بتعمليه مرة في الاسبوع.
و أهم حاجه تعملي سنفرة او تقشير لفروة الراس لأنها.
1- تنقي الفروة من الدهون
2- تقوي بصيلات الشعر
3- بتدي نعومة ومنظر حلو
المكونات 🥣:
1- ملعقة قهوة
2- ملعقة سكر
3- ملعقة زيت الجلسرين
4-ملعقتين زيت الخروع
[ حركي المكونات كويس].
5- وبعدها عصرة ليمون
و حركي وبعدها خديها
على فروة راسك وبشكل دائري سوي
سنفرة للفروة لمدة 5 دقايق و غسلي
شعرك 👻💛💛💛💛.
ع العموم إذا عندك سؤال عن الشعر تاني اسألي في البوت يحلوةة🫶🏻💛💛.!
#mafaz.
#smile.
BY My way🦋💛.
Share with your friend now:
tgoop.com/bymafaz/67991