ياوجودي كل ماهيفت شمس العصر
‏والضمير يحوفه الحزن والضيق يحداه

‏كل مامديت شبحي من شفوفي قصر
‏حي دارً مالنا من مداهلها غناه

‏حي دارً صوبها الطارش يصلي قصر
‏دار شقحاً ناهيً كنها ترقاء نباه .

على درب الحنين اللي معه كل السنين اشباه
‏ احذف امسي وراي ، وكل يوم القاه قدامي

‏توكيت الصبر وليا عطشت اضرب به المضماه
‏ولاهش التعب عني ولا اسقى عزمي الضامي

العين عين الحر في الوصف الوكيد
‏وكره على روس النوايف في عزل

‏والجيد جيد الريم والمنحر فريد
‏و النهد مزمومٍ ولا هـو ، منهزل

‏مطعونةٍ في الظهر من يمنى شديد
‏والردف كنه من خصرها منعزل

أنا مالي محل الا على الذكرى وعلى الإعراب
وقصيدٍ لو ضحك نصّه بكى نصه علانيّه

تبي تلقى أحد غيري ولكن ويش جاب لـ جاب
وأنا ضلعي يميل أكثر وداد وعشق وحميّه

زمّليني من هواجيس الغياب الاّ إرادي
ان ذبحني طاري الفرقا وش انتي مستفيده؟

هني والله اللي فيك مايقبل التبديل
‏يبيع الحياة إن قيل له لأجلها بعها

‏يعرف إنك أجمل ماخلق بين هذا الجيل
‏جمالك مهوب الحاجة اللي يضيعها

‏محبتك عنده واجبه خلي التأجيل
‏أبواب الهوى قد شرعت لك مصارعها

‏ترى الحب مايقبل من العاشقين بخيل
‏ماخاض الهوى غير أكرم الناس وأشجعها .

الجمال اليوسفي والزين والخصر ودقاقه
‏والردوف الراهيه والعود والبطن المضمّر

‏والنهار وشمسه الغضاء وصبحه وانشراقه
‏والزهر فوق الخدود اللي من العينين ذمّر

‏ذي وصوف اللي لها في ليل قافي الانبثاقه
‏قلّبت كبدي على جمر الغضى مثل المجمر

The city of Al-Baha 🤍

ورى ضلوع صدري كثح ذاري وصفق رواق
‏وذرى خيمةٍ نود الهوى الصلف مزّعها

‏على كل ذكرى تستفز الضلوع اشتاق
‏لو اغلا المكاسب عبرةٍ ماقدر ابلعها

‏مطايا الفراق اللي تقافت على مطراق
‏ عسى ولفها عن ذبة الريع يقرعها

اعذريني يوم اقابل طعونك بـ ارتياح
كيف لا ؟ والجرح مملوح والطاعن مليح

الى متى وانا اعشقك في حدود الاحترام
المحبه مالها الا .. البساط الاحمدي (: