tgoop.com/centerasiastudy/13879
Last Update:
Бокира Виржиния
АҚШнинг Виржиния (Виргиниа) штати ҳақида кўпчилик эшитган бўлса керак. Ҳарҳолда Қўшма Штатлар тарихидаги муҳим штат.
Англиянинг машҳур қироличаси Елизавета I ҳақидачи? Англияни денгизлар ҳукмдорига айлантирган, мутаассиблик хавфидан сақлаб қолган қиролича (агар танимасангиз бу ердан ўқиб кўришингиз мумкин). У таниганлар унинг оила қурмангани ҳақида ҳам билса керак.
Елизавета I нинг Уотер Рели деган саркардаси борлигини эса кўпчилик билмаса керак. Бу саркарда ҳам ёзувчи, ҳам тадқиқотчи эди. Англияни денгиз ҳукмдорига айлантирган Енгилмас Армада (Испания) устидан қозонилган ғалабада муҳим рол ўйнаган.
Хуллас ўша Уотер Рели инглизларнинг янги кашф этилган Шимолий Америкадаги юришларида кичик отрядга бошчилик қилган. Тадқиқотчи капитан Шимолий Америкада янги ерларни кашф қилган ва бу ерга инглиз байроғини ўрнатган. Янги ҳудудларни номлашда Уотер келажакдаги карераси ривожини яратиб берган ажойиб ном танлаган. Йўқ, у янги ҳудудга қироличанинг отаси, бобоси ва ўзининг исмини қўймаган. Анча ақллироқ ёндашган.
Инглиз тилида "бокира" сўзи нима деб аталишини биласизми? Тахмин қилиш қийин эмас — "виргин". Юқорида айтиб ўтилганидек Елизавета I бокира эди. Уотер ўз қироличасининг бокиралиги сабаб, янги ерларни ҳам унга қиёс қилган ва Виргиниа (Виржиния) номини берган. Қалай, ажойиб "подход"-а?
Бундай "пахта"дан илҳомланган қиролича дарҳол Уотер Релига рицар унвонини берган. Бундан ташқари у ўзи туғилган Девон графлиги вице-президенти этиб тайинланган. Кейинги йилларда Релининг мансаби ошиб бораверган. Албатта у бунга ўзи эришган. Аммо унинг энг катта муваффақияти ажойиб "пахта" қўя олгани эди. Бу орқали у қироличанинг хос одамларидан бирига айланган.
АҚШ мустақилликка эришганидан сўнг ҳам бу номни ўзгартириб ўтиришмади (масалан Янги Америка ёки Янги Виржиния дейиш мумкин эди). Бугунги кунда ҳам Виржиния штати АҚШнинг энг ривожланган штатларидан бири ҳисобланади. Хуллас "пахта" қўйишниям ҳар хил йўллари бор экан дўстлар!
Суратда Уотер Рели ва қиролича Елизавета I
Library @centerasia_library
✅Каналга уланиш
@centerasiastudy
BY Markaziy Osiyo
Share with your friend now:
tgoop.com/centerasiastudy/13879