بارك الله بيك

وبيك🖤

#الانتومي

تقريبا مثل المرحلة 1

#اللاب
نفس دكاترة العام وتعرفون اسلوبهم
ما عدا د.فراس كلش مختلف ومشدد وراح يعانون منه الكروب اليجيهم لهذا حاولوا تكون ايجابيين وياه دائما ولا تسوون اي شيء يخصكم ك كروب كامل بدون علمه

#اللكجر
د.احمد القيسي
دكتور متناقض بين ملازمه واسئلته
من الصعب يجيب سهل ومن السهل يجيب صعب
شرحه متواضع
بس سمعت انو د.فراس ديجيكم حاليا ، وبعدين يجي احمد
احنة العام بس احمد باللكجر والاسئلة كلها هو يسويها
بالنسبة ل احمد اسئلته الفصلية سهلة ٩٠% تعداد و mcq بس مثل مكتلكم متناقض

اما فراس الي اعرفه دكتور مشدد وصارم اما اسئلته ممجربها والحمدلله😂

#تقسيم_الدرجة
جانت

فصل الاول 15 ، لاب5 ، 4 كوز ، 1 حضور ، لكجر 10 , 6فصلي ، 3 حضور ، 1 بحث بقرص

مد 20

فصل الثاني
العام نغدرنا صار اللاب 7 ، 2 حضور 5 كوز ، واحتمال عملي من 3 تحضير للفاينل
اللكجر 8 مدري شلون طشرت هاي 8 بس اذكر هم نغدرنا وما حسب حضور ، بس مشاركة باللكجر من درجة او 2

الفاينل عملي 20

النظري 30

#DM

#اللاب

بس د.زينب اخذتنا
وردة مال الله ، دكتورة كلش مساهلة وتساعد الطالب
ما اعرف اذا تجيكم غيرها بعد وياها
اللاب عبارة عن شرح للمحاضرة نفسها


#اللكجر
تجيكم هم زينب وعلي جميل


#تقسيم_الدرجة
جانت

فصل1 ، 15

5 عملي(تطيكم ملف بي سلايدات تحفظونها والامتحان يكون عبارة عن عرض السلايد بالشاشة وتكتبون اسمه او حاجة عنه هي تطلبه ، هي تفهمكم)
6 نظري باللكجرات(زينب+علي)
2 شفهي(واحد واحد بالاسامي مثل المدرسة ، هي تحدد المادة)
2 كوزات

مد 20

فصل2 ، 15

عملي 5 مثل فصل1
7 نظري(زينب+علي)
3 كوزات

#الاورال_امبريو

باعو بكليتنا هاي المادتين عبارة عن خوات جوكر نفس اللاب ونفس الدكاترة ونفس تقسيم الدرجات تقريبا والمادتين بيهن تشابه بسيط بالمحتوى

الاورال اصعب مادة بالمرحلة 2 لان بي معلومات حشك ، راح تعانون منها كلش اذا خليتوها تتراكم وممكن تضيع منكم درجات فصليات كاملة ، لهذا دريبالكم تتهاونون وياها ، والامبريو يخصه الكلام هم بس اقل ب 30%

د.بان هاي هم وردة مال الله وتحب تساعدكم لابعد الحدود

د.ايناس تشوفوها تضحك وياكم وتشاقة بس دريبالكم منها بالاسئلة تغدركم هوااي

د.ندى
مشددة وصارمة ، رغم اسئلتها صعبة بس بيها شغلة وحدة حلوة انو الي تكول عليه باللكجر مهم يجي بالنظري

اللكجر نفسهن يجن

#تقسيم_الدرجة

#الامبريو

فصل1 ، 15

5 عملي (نفس dm سلايدات)

5 لاب (1 حضور ، 4 كوز + مساعدة كيرڨ ع المشاركة)

5 نظري لكجر( من 10 ويقسمون ع 2)

مد 20

فصل2 نفس 1

فاينل عملي 10 سلايدات

نظري 40

#الاورال

فصل 1 ، 15

5 عملي

5 ( دفتر رسم مجهر1 ، و4 ما بين حضور وكوزات لكجر ولاب)

5 نظري لكجر مثل الامبريو

مد 20

فصل2 نفس 1

فاينل عملي ، 7 سلايدات شاشة ، 3 سلايدات مجهر

نظري 40

#الهستو

مادة كلش كلش كلش سهلة ودكاترتها هم كلش ورود
بعد ميحتاج اكمل شرح😂

#تقسيم_الدرجة

فصل 1 ، 15

5 لاب(1 دفتر ، 1 حضور ، 3 كوز الي كلش سهل عبارة عن سلايد واسمه)

10 لكجر ( احمد 3.4 ، والدكتورتين الباقيات ع 3 ، 3 ، والباقي حضور لكجر)

مد 20

فصل 2 نفس 1

فاينل
عملي 15 (سلايدات)
نظري 35

لتغركم كبر المادة النظرية لان الاسئلة كلش سهلة ، احمد يجيب بس mcq بالفصلي ، والباقيات فراغات واكثر شيء بالاسود الغامق

#البايوكمستري

اللاب
دكاترة اللاب كلش حبابين وسبورت

اللاب بالبداية بس كوزات بعدين ورة 5 لابات يمكن يصير كوزات+عملي بسيط تحليل وهلسوالف وياه دفتر تسجيل التجربة

ومادة اللاب سهلة بس مطوله

اللكجر

د.شيماء
بالبداية راح تكرهوها واني هم كرهتها العام اول مطبت ، بس دكتورة وردة مال الله ، تساعدكم بالاسئلة كلش ، بحيث العام mcq المد والفاينل كلها من الي سويناها بالكلاسرووم
ملازمها صعبة بس تسهل بالمهمات مالتها

خلو بالكم شكو مهم تكوله باللكجر هو يجي

د.ايمان هم راح تكرهوها بالبداية ، بس دكتورة وردة مال الله(لحيت ب وردة مال الله ، ما عندي غير تعبير 😂)

ملازمها سهلة صعبة بس اسئلتها ما متوقعه يعني من كلشي تجيب

د.محمد سامي
يجيكم باللحضات الاخيرة وهو مثل الورقة الرابحة الكم بالبايوكمس ، لان يطيكم الاسئلة بالمحاضرة يكللكم هذا وهذا يجي


#تقسيم_الدرجة

فصل 1 ، 15

لاب 5( ما بين كوزات وحضور ودفتر)

لكجر 10

5 ايمان
( تسويها من 10 تجمع ما بين فصلي من 5 وحضور الي كلش مهم عدها وكوز اللكجر والهوموورك بعدين تتقسم ع 2)
يعني الي ماخذ 5 فصلي وعنده صفر بالحضور والكوزات والبقية تنحسب اله 2.5 من 5 عند ايمان

5 شيماء
بالضبط نفس ايمان

مد 20

فصل 2 نفس 1

فاينل
عملي 15( 3 هدية بالجيب بس تحضرون لاب ودفتر وتسجيل ارقام ، 12 ع ملازم اللاب)

نظري 35

#الفزيو

اللاب

دكاترة حبابين ومساهلين

اللاب عبارة عن تجارب كل لاب تجربة وبي كوزات

اللكجر

د.خالد

محاضرته تحشيش+ونسة ويوزع درجات مثل التمن والقيمة ويساعد الطالب لابعد الحدود بس مرات يگلب ويقفل

ملازمه مطولة والفصليات شوية صعبة بس يساعدكم بالمد والفاينل يطيكم الرتن الي يجي

د.سحر
حبابة ومساهلة ، ملازمها مطولة ، اسئلتها سهلة واضحة وهم تطيكم الرتن بالمد وفاينل

د.شذى ، دكتورة اختلافية كلش بالاسئلة ، اذا تريد تجيب وياها درجة زينة سطر متعوف من ملازمها
تخيلوا العام امتحنة فصلي 4 ملازم حشك معلومات

الاسئلة 4 نقاط فراغات ، من كل ملزمة جايبه فراغين بنقطة وحدة

#تقسيم_الدرجات

فصل 1 ، 15

5 لاب(ما بين كوزات وحضور)

10 لكجر

3.4 خالد

والباقي بالنص سحر وشذى

مد 20

فصل2 نفس 1

فاينل
عملي 15

نظري 35

طلاب
ولو متاخر عليكم ، لان اني باجر دوامي يبدي😂

المهم
هذا كله راح تمرون بي السنة لنهايتها بالتفصيل
تفاصيل بسيطة تخليكم ترتبون وضعكم تمام من هسة بالمرحلة 2 ، علمود بعدين متنلاص عليكم

مثل مكتلكم حضور المحاضرات بالمرحلة2 مهمة بكد اهمية اللاب

واكرر مرة الف انو تضبطون فصل1 والمد ، علمود ترتاحون بالفصل2 والفاينل
لان ف1 ومد بداية سنة دراسية ومتوسطها يعني شحنكم 100% المفروض(لان الجو معتدل وبارد يساعد ع الدوام) ، اذا طبيتو الفصل 2 شحنكم 50% لان الجو حار ورمضان ، وتلاص عليكم اذا مستغليتو 50% الراحت
هاي كلها عوامل اذا مو من هسة تهتمون بيها ، النجاح صعب جدا

واحد منكم يخبر بشار ، يخبرني قبل اسبوع من امتحانكم الفصلي بمادة معينة علمود انطيكم المهمات مال كل ملزمة وشلون تجي الاسئلة
لان هلسنة ماكدر انطي يومه بيومه مثل العام مادتكم قليلة وسهلة والباقي يبقة عليكم وع تعبكم وبالنسبة للاب من اول كوز راح تعرفون نمط اسئلة كل دكتور..

واخيرا اتمنى بعد أن ادعوا ألله تكون سنة دراسية حلوة وتمر بسلام رغم هاي الظروف الصعبة كلش الي دنعيشها والمستقبل المجهول
اتمنى كلمن يسعى لنجاح ولهدف نبيل يحققه مهما كانت الظروف ومثل ما ينگال ال يتعب يلعب وتصير سوالف.....💌

#فصلي_هستو
د.أحمد
أهم شي بملازمه بصورة عامة هن الجداول تمثل60-70% من أسئلته الفصلية والمد والفاينل
طبعا المادة كلش تافهة واعادة لمواضيع سابقة
ع الاغلب يجيبلكم mcq
واكو mcq دائما راح يلحكم 😂، انو الخلية تتكون من كذا وكذا وكذا اول صفحة لكجر1
درجة الامتحان بالجيب من هسة ان شاء الله

بالتوفيق....

للفائدة🌷
صفحة بيع اونلاين قديمة اني واصدقائي بالكلية مشاركين بيها
واحد منهم جاب مليكانات باسعار ارخص من المكاتب اليم الكلية(اكثريتهن نص السعر عن المكاتب)
وكلي خصم 5% لطلاب كليتنة والطب العام
تفيدكم بالانتومي والبروس

https://m.facebook.com/story.php?story_fbid=519037745563043&id=424929914973827

بالنسبة لامتحانكم الفصلي الخميس
عدكم صيانة الوطن كلش مهمة ركزوا عليها🇮🇶🖤

هاا بشروا شنو نتيجة الامتحان؟!!!

مقارين زين؟؟!!

مساء الخير طلاب
بالنسبة للفصلي الفزيو #خالد

طبعا المادة كلش هوااي وكتلكم المرحلة الثانية ما تمشي ع مهمات لان المواد هوااي

العام الاسئلة جانت فراغات
جانت متنوعة من كل الملازم ارقام رسم تعريف تعداد

لهذا المادة لازم كلها تقروها
ادري هذا الكلام مراح يسهل الكم الامتحان
بس دا اكلكم هيج جانت الاسئلة
والتوفيق للجميع ان شاء الله...

..
شلونكم طلاب ، شنو ما عدكم فصليات؟

سلام عليكم طلاب

بالنسبة لDM
احنة العام امتحنة شفهي فصل1 طالب طالب تسأله

اما هلسنة كالو نظري
نمط الاسئلة مالتها ، فراغات ، تعاريف ، رسم مال العلاقات الفيزيائية يمكن اخير صفحة بلكجر 2

التعاريف واضحة اكثرها من لكجر 2
عدكم المقارنات ام الجداول كلش مهمة
الفراغات بيها فهمية وبيها واضحة
انواع الجيبسوم كلش مهمة هي وتفاصيل كل وحدة
يعني الي يقرة يجاوب مو ميجاوب

بالتوفيق ان شاء الله🌷

ها طلاب شلونكم😅
هلسنة كلش تعبت وياكم😂😂
الله يعديها ع خير

تقديم #تظَّلم الى وزارة التعليم العالي

نحن مجموعة كبيرة من الطلبة تفاجئنا بقرار وزارة التعليم العالي ( قرار 10 درجات )

سابقا لما كان الطالب يرسب ب3 مواد مثلا ، والقرار يستيطع ان ينجح 2 منهن يعطوه للطالب وتبقى مادة واحدة للدور2

الان القرار اصبح مجحف بحقنا لان شرطه يغير الحالة من الرسوب للنجاح
ف مثلا الطالب الذي رسب ب3 مواد والقرار ينجحه ب 2 منهن لا يعطوه له ، ف يمتحن ال3 مواد بالدور 2

استجيبوا لنا بهذا القرار المجحف
نحن لا نستطيع دائما ان نتحمل القرارات الجاحفة بحق الطلبة
سنة كاملة من التعب والمصاريف تضيع مقابل هذا القرار..