tgoop.com/collectivehk/2592
Last Update:
院舍調查 2｜人釘人探訪 行走廊職員謂「有壓力」 家人受傷頻密 批院舍輕描淡寫
全文：https://tinyurl.com/mpwyxnyf
John（化名）有家人居於另一間嚴重弱智人士宿舍約十年，以往同樣無需預約，可隨時到探訪室探訪、亦無限時。但疫情過後，院舍維持有限度探訪安排，規定每周只能於指定兩、三日的日間時段，在院舍門外的空間探訪一小時，經爭取後才改為在院舍內的探訪室會面。
John 指以往院舍較開放，可進入活動室、睡房等觀察家人情況，但現在一進入院舍，就被「人釘人」帶進探訪室等候家人到來，感覺院舍透明度較低，「唔係好想我哋 stay 喺啲公共空間咁耐，唔係好想我哋睇到每個房間入面發生咩事」。他曾在探訪時行經院舍走廊，數次後被職員告知、不希望他在走廊流連，因會給予職員壓力，令他覺奇怪：「有啲咩壓力？」
John 說院舍探訪室數量減少，每次預約感覺「好唔容易」，「可能成個心理有個壓力，唔知約唔約到、唔知佢哋畀唔畀，好似畀到個時間你係皇恩浩蕩咁。」他也感覺家人受傷更頻密，但院舍總是輕描淡寫，往往探訪時才得知嚴重性，認為院舍能如此處事，「係因為知道我唔能夠即時見到佢」。
對新增各種限制，John 感莫名其妙，雖曾與院舍就探訪時間商討，但更多時候不敢發聲：「有時都會擔心，驚越問得多佢越多限制」。教他氣憤的，是院舍明明在做有關人的工作，「但係好唔人性化」，探訪安排只有利職員管理、而非顧及院友身心健康。
疫情時院舍停探訪，疫後再重返院舍，John 發現家人「退化得好緊要」，由以往尚能步行，到現在「行唔到」，他坦言感內疚，不知是否疫情時家人長期受約束，令情況變差。John 希望院舍可開放更多探訪時間和空間，認為有助院友身心健康、亦能安慰家人：「透明度高啲、容易啲探到佢，知道佢啲情況，其實會安心好多⋯⋯但如果有好多限制、唔透明，好難怪我哋唔亂諗嘢，越唔透明係增加個唔信任。」
院舍調查 1｜殘疾人士疑誤服蚊怕水後死亡 院舍認涉疏忽 社署發警告未列詳情
https://tinyurl.com/vwapm9bk
#院舍調查 #殘疾人士院舍 #智障人士家長 #封閉式管理 #社會福利署 #集誌社 #白日之下
BY 集誌社 The Collective HK
Share with your friend now:
tgoop.com/collectivehk/2592