tgoop.com/cyberbeaver/437
Last Update:
Хуткі і просты спосаб праверыць свое налады ў фэйсбук — Facebook Privacy Checkup
Праверка канфідэнцыйнасці дапаможа вам праглядзець свой профіль і змяніць асноўныя налады канфідэнцыйнасці і бяспекі:
🔺хто можа бачыць вашыя публікацыі — абраць хто можа бачыць ваш нумар, пошту, дзень народзінаў, сямейны статус; змяніць аўдыторыю для мінулых і будучых публікацый; праверыць каго вы заблакавалі;
🔺як абараніць свой акаўнт — аднавіць пароль і ўключыць апавяшчэнні пра ўваход у акаўнт;
🔺як людзі могуць вас знайсці на фэйсбук — абраць хто можа дасылаць заяўкі на сяброўства; абраць хто можа знайскі вас па нумары тэлефона і пошце;
🔺налады дадзеных — паглядзець і прыбраць прыкладанні і сайты, да якіх вы падлучаліся праз фэйсбук;
🔺змяніць рэкламныя перавагі — праверыць і змяніць інфармацыю, якую рэкламадаўцы могуць выкарыстоўваць для персаналізацыі рэкламы; абраць хто можа бачыць інфармацыю пра вашыя сацыяльныя ўзаемадзеянні (напрыклад, пра вашыя падабайкі і падпіскі).
Перайсці да праверкі:
Хуткая спасылка — https://www.facebook.com/privacy/checkup/
З камп’ютара:
🔺Націсніце на фота профіля злева зверху.
🔺Абярыце Налады і канфідэнцыйнасць і націсніце Праверка канфідэнцыйнасці.
🔺Пасля абірайце розныя опцыі праверкі і прытрымлівайцеся інструкцый на экране.
З iPhone:
🔺Націсніце на значок Меню справа ўнізе.
🔺Пракруціце ніжэй і абярыце Налады і канфідэнцыйнасць, а пасля — Налады.
🔺Абярыце Налады і канфідэнцыйнасць.
🔺Пасля абірайце розныя опцыі праверкі і прытрымлівайцеся інструкцый на экране.
З Android:
🔺Націсніце на значок Меню справа ўверсе.
🔺Пракруціце ніжэй і абярыце Налады і канфідэнцыйнасць, а пасля — Хуткія налады канфідэнцыйнасці.
🔺Абярыце Выканаць праверку канфідэнцыйнасці.
🔺Пасля абірайце розныя опцыі праверкі і прытрымлівайцеся інструкцый на экране.
@cyberbeaver
Навигация по инструкциям | Написать в бот | Подписаться на Instagram
BY CyberBeaver – консультации по цифровой безопасности
Share with your friend now:
tgoop.com/cyberbeaver/437